Herinn bjargaði tugum stúlkna frá Boko Haram

Nokkrum tugum skólastúlkna sem Boko Haram samtökin í Nígeríu rændu á dögunum hefur verið bjargað af hernum að því er yfirvöld í landinu segja. Nú er talið að um hundrað börnum hafi verið rænt í árásinni sem gerð var í bænum Dapci á dögunum en upphaflegar fréttir voru á leið að árásin hafi farið út um þúfur og að engum hafi verið rænt.

Um fjögur ár eru nú liðin frá því Boko Haram rændu 270 stúlkum úr bænum Chibok. Óljóst er hversu mörgum tókst að bjarga í gær en Reuters fréttastofan hefur eftir foreldrum og embættismönnum að 76 stúlkum hafi verið bjargað og að þrettán sé enn saknað.