Óskarinn sagði nei við þessari hugmynd Lonely Island

Gríngengið Lonely Island getur ekki birt myndband á Youtube án þess að milljónir manna horfi á það.

Forsvarsmenn Óskarsins fóru þess á leit við hópinn að þeir myndu búa til lag og myndband fyrir nítugustu Óskarsverðlaunahátíðina.

Andy Samberg, Jorma Taccone og Akiva Schaffer eru mennirnir á bakvið hópinn og tóku þeir sinn tíma í svara óskarsverðlaunamönnum. Svo fór að hugmyndin þótti of dýr og ómöguleg í framkvæmd.

Þannig að þeir bjuggu til myndband sem sýnir hugmyndina þeirra í grófum dráttum, eins og sjá má hér að neðan.