Stjórn veitingahúsakeðjunnar Gló og Petrea Ingileif Guðmundsdóttir framkvæmdastjóri hafa komist að samkomulagi um að hún láti af störfum hjá félaginu, samkvæmt heimildum Markaðarins. Petrea var ráðin framkvæmdastjóri Gló í ágúst á síðasta ári.
Petrea annaðist daglegan rekstur Gló hér á landi en í tilkynningu vegna ráðningarinnar í fyrra kom fram að áhersla yrði lögð á að sækja aukinn vöxt og auka arðsemi félagsins.
Petrea hefur lengst af starfað á sviði fjarskipta og afþreyingar en hún hefur meðal annars verið framkvæmdastjóri Tals og gegnt stjórnunarstöðum hjá Símanum, 365 og Skjánum.
Gló er í meirihlutaeigu Eyju fjárfestingafélags, sem er í eigu hjónanna Birgis Þórs Bieltvedt og Eyglóar Bjarkar Kjartansdóttur, en auk þess eiga meðal annars hjónin Sólveig Eiríksdóttir og Elías Guðmundsson og fjárfestirinn Ólafur Steinn Guðmundsson hlut í Gló.
Hætt sem framkvæmdastjóri Gló
