Varar aðra foreldra við því að halda á barni í rennibraut

Móðir í Bandaríkjunum birti sláandi mynd á Facebook til að vara foreldra við því að renna sér í rennibrautum með barn í fanginu. Dóttir Heather Clare var 12 mánaða þegar þær mæðgur fóru saman niður rennibrautina, augnabliki áður hafði Heather rennt sér niður með son sinn í fanginu.

Á myndinni má sjá hvernig fótur Meadow litlu er að brotna á sama augnabliki og myndin var tekin. Fótur hennar festist á milli Heather og rennibrautarinnar. Heather reyndi að grípa með annarri hendinni í rennibrautina til að stoppa þær en það var of seint og Meadow brotnaði mjög illa.

Stúlkan var tvíbrotin og þurfti að vera í gifsi í nokkrar vikur en náði fullum bata. Hún er orðin þriggja ára í dag en fer enn reglulega í eftirlit vegna staðsetningu brotsins.

Á læknavaktinni sagði læknir við Heather að þetta væru gríðarlega algeng meiðsli hjá börnum. Hún segir frá atvikinu á hverju ári til þess að atviki verði öðrum víti til varnaðar.

„Það er ekki til nein örugg leið til að renna sér með barni.“