Liverpool vantar enn tvo leikmenn til að geta unnið deildina

Stuðningsmenn Liverpool eru margir með meistaraglampa í augunum eftir meira en 170 milljón punda sumar en þetta er ekki nóg að matri sumra.

Fyrrum leikmaður Liverpool telur að Jürgen Klopp sé ekki enn kominn með meistaralið í hendurnar á Anfield og að liðið þurfi fleiri leikmenn þrátt fyrir að hafa dælt inn öllum þessu sterkum leikmönnum í sumar.

Skotinn Charlie Adam spilaði á sínum tíma með Liverpool í tvö ár en hann hefur verið leikmaður Stoke City frá árinu 2012. Adam var tekinn í viðtal hjá BBC og umræðan barst að Liverpool.

Is this year their year?

Former #LFC midfielder Charlie Adam says Liverpool are "one or two" players off having a team capable of lifting the title.

More: https://t.co/h0O1VUvTrjpic.twitter.com/UYbadbaW4t

— BBC Sport (@BBCSport) July 31, 2018

Liverpool hefur verið mjög duglegt á leikmannamarkaðnum. Liðið keypti miðjumanninn Naby Keita frá RB Leipzig, Brasilíumanninn Fabinho frá Mónakó og Svisslendinginn Xherdan Shaqiri frá Stoke. Þá gerði Liverpool Alisson að dýrasta markverði heims þegar félagið keypti hann frá Roma.

„Liverpool vantar einn eða tvo leikmenn til að geta unnið ensku úrvalsdeildina,“ sagði Charlie Adam í útvarpsþættinum The Monday Night Club á BBC.

„Liverpool hefur samt staðið sig frábærlega á markaðnum í sumar.

„Klopp hefur bætti við hæfileikaríkum leikmönnum við hópinn en ég tel að þeir þurfi ennþá á öðrum miðverði að halda,“ sagði Adam. Liverpool borgaði 75 milljón punda fyrir Virgil van Dijk sem hefur gerbreytt vörn liðsins.

„Þeir náðu í Shaqiri sem er góður varamaður ef Mohamed Salah þarf á hvíld að halda. Daniel Sturridge er að koma aftur inn og ef hann helst heill þá verður hann einnig í liðinu,“ sagði Adam.

„Markvarðarstaðan var stórt vandamál á síðasta tímabili en hann hefur lagað það vandamál með þessum kaupum. Hann ætti að færa liðin sex til átta auka stig á tímabilinu og mun koma með trú og sjálfstraust inn í liðið,“ sagði Adam. Það má finna meira um þetta hér.