Arsenal lánar Chambers til nýliðana

Enski varnarmaðurinn Calum Chambers hefur verið lánaður frá Arsenal til nýliða Fulham í ensku úrvalsdeildinni, aðeins nokkrum vikum eftir að hafa skrifað undir nýjan langtímasamning við Arsenal.

Hinn 23 ára gamli Chambers gerði nýjan fjögurra ára samning við Arsenal í byrjun júlí en hann kom við sögu í 12 leikjum í ensku úrvalsdeildinni á síðustu leiktíð eftir að hafa varið leiktíðinni þar á undan sem lánsmaður hjá Middlesbrough þar sem hann var hluti af liðinu sem féll úr úrvalsdeildinni.

Chambers var keyptur til Arsenal frá Southampton fyrir fjórum árum síðan en hefur ekki náð að festa sig í sessi hjá Skyttunum en Unai Emery, nýráðinn stjóri Arsenal, lét hafa eftir sér að þrátt fyrir að hann væri tilbúinn að lána Chambers til Fulham ætti hann framtið fyrir sér á Emirates.

Fulham hefur farið mikinn á leikmannamarkaðnum í sumar en á meðal nýrra leikmanna nýliðana má nefna Jean Michael Seri, Alfie Mawson og Andre Schurrle.

Fulham fær Crystal Palace í heimsókn í fyrstu umferð ensku úrvalsdeildarinnar á laugardag.

Delighted to have signed for @FulhamFC on a year long loan! I felt this was the right thing to do at this point in my career and I'm up for the challenge! Wish everyone at @Arsenal the very best for the season! pic.twitter.com/B6CbSwwE0I

— Calum Chambers (@CalumChambers95) August 7, 2018