Dálítið leikhús Kolbrún Bergþórsdóttir skrifar 11. ágúst 2018 11:00 María Lovísa á vinnustofu sinni. Hún er byrjuð að leggja drög að haustlínunni. Fréttablaðið/Sigtryggur Ari Fyrir einu og hálfu ári lokaði María Lovísa Ragnarsdóttir fataverslun sinni neðarlega á Skólavörðustíg og flutti í Tjarnarbyggð í úthverfi Selfoss. Þar hannar hún nú föt sín á vinnustofu sinni, auk þess sem hún rekur gistiheimili á sama stað. María Lovísa hefur lengi átt dyggan hóp viðskiptavina og verslunin á Skólavörðustíg virtist ganga vel, en skyndilega varð breyting á. „Lokun gatna í miðbænum varð til þess að íslensku konurnar hættu að koma þangað. Mínir viðskiptavinir eru frá fertugu og upp úr. Eldri dömurnar eru vanar að geta keyrt í bæinn og lagt bíl nálægt þeim verslunum sem þær ætla að sækja. Á sumrin var Skólavörðustígnum lokað og sett stærðar skilti upp eftir allri götu þannig að ekki sást í búðina. Það var eins og tívolí væri í miðjum bæ,“ segir María Lovísa. Hún segir að erlendum viðskiptavinum hafi einnig fækkað vegna styrkingar krónunnar. Við þetta bættist að hún bjó á Selfossi og keyrði nær daglega til vinnu í Reykjavík. „Ég var orðin þreytt á þessum keyrslum, sérstaklega á veturna, og þegar kúnnarnir hættu að koma í jafn miklum mæli og áður ákvað ég að loka búðinni. Það eru mjög margir eigendur hönnunarverslana flúnir úr miðbænum og hafa komið sér fyrir í Síðumúla og Ármúla. Miðbærinn er farinn að samanstanda aðallega af túristabúðum, hótelum og veitingastöðum.“Líður vel í sveitasælu María Lovísa segist hafa nóg að gera á Selfossi, sérstaklega eftir að rekstur gistiheimilisins fór í gang. „Ég hóf reksturinn fyrir einum og hálfum mánuði og pantanir eru ágætar en ég vil hafa þær fleiri. Þetta kemur allt saman, fyrsta árið fer í að koma sér í gang.“ Hún segir dásamlegt að búa og starfa í sveitasælu. Þar heldur hún hesta, en reiðvegir eru í hverfinu. „Undanfarið hef ég ekki getað sinnt hestamennskunni eins og ég vildi vegna anna. Það er óskaplega gaman að vera í hestamennsku og hestarnir hafa allir sinn karakter. Sá elsti er mikill herra og velur sér stundir til að koma til mín, en svo er hryssa, nafna mín María, og hún er alltaf að dilla sér utan í mann.“ Viljugir viðskiptavinir Á vinnustofu sinni hannar María Lovísa föt á sína föstu viðskiptavini. Tveir þeirra komu frá Reykjavík meðan blaðamaður var á staðnum og fleiri voru á leiðinni. „Ég er mjög ánægð með hvað viðskiptavinir mínir eru viljugir að koma við hjá mér,“ segir hún. Sérhannaðar peysur hennar eru síðan til sölu í nokkrum verslunum í Reykjavík og njóta sérstakra vinsælda meðal útlendinga. María Lovísa hefur starfað við hönnun í áratugi. „Ég útskrifaðist úr hönnunarskóla í Danmörku árið 1980 og byrjaði að vinna við hönnun hér heima hjá fyrirtæki árið 1981 og vann mikið með ull. Draumurinn var að stofna mína eigin búð og það gerði ég árið 1982. Þessi bransi er erfiður og ég sé hönnuði byrja og hætta. Það er ekki hlaupið að því að vera í þessum bransa. Ég er alveg hissa hvað ég hef enst,“ segir hún. Nú er hún að huga að haustlínunni og þar verða glæsilegar svartar kápur áberandi. Alltaf klassísk efni Fötin sem María Lovísa hannar eru klassísk og það er erfitt að sjá þau fara úr tísku. „Svart og hvítt eru eiginlega mínir litir. Svo kaupi ég alltaf klassísk efni. Ég fer svolítið eftir tískustraumum og svo hef ég minn smekk sem kúnnarnir eru hrifnir af og þeir eru búnir að vera tryggir í gegnum árin,“ segir hún. „Ég var einu sinni beðin um að lýsa minni eigin hönnun en ég gat það ekki. Þá sagði viðkomandi kona: „Það er dálítið leikhús í þinni hönnun.“ Það er alveg rétt, hönnun mín er einmitt dálítið leikhús.“ Birtist í Fréttablaðinu Mest lesið Boðaði vinkonurnar í bústað eftir að hafa upplifað Tinder á sterum Lífið Selena Gomez giftist Benny Blanco Lífið Ætla að syngja sig hás og dansa við Komdu um jólin Lífið samstarf Blondie verður stjarnan á RIFF um helgina Lífið Ellefu ára læðan Lúsí ein eftir í heimilisleit hjá Kattholti Lífið Laddi 75 ára: Skapar nýja karaktera í lyftuspeglum Lífið Fann ástina loksins þegar hann tók sér marga elskhuga Lífið Serumið sem snýr öldrun húðarinnar við Lífið samstarf Fögnuðu sögulegum 850 þúsund króna hátalara Ella Egils Lífið „Þrisvar sinnum hefur mér verið hótað lífláti“ Lífið Fleiri fréttir Selena Gomez giftist Benny Blanco Krakkatían: Lestrarkeppni, flugumferð og leiksýning Rapparinn og málverndarsinninn frjáls ferða sinna Boðaði vinkonurnar í bústað eftir að hafa upplifað Tinder á sterum Fréttatía vikunnar: Moulin Rouge, Blóðbankinn og Eurovision „Lætur mér líða eins og tími minn í Hollywood hafi verið ómaksins virði“ Fögnuðu sögulegum 850 þúsund króna hátalara Ella Egils Björgvin Franz brotinn en slær í gegn í Ladda og ræktinni Sonur Fóstbróður slær í gegn: „Ég er fastur þarna núna, orðinn háður“ „Kristrún Frostadóttir frá... Finnlandi?“ Lamaðist og missti sjón en fann styrk í sjálfri sér Víkingur Heiðar hlaut mjög virt verðlaun Fyrstur til að skíða niður Everest án súrefnis „Það sýður miklu frekar upp úr við uppvaskið“ „Mjög fallegt“ hús og „fullfrágengin“ lóð Elli Egils hannaði hátalara fyrir Bang & Olufsen Elli Egils hélt að Elli Egils væri grín Framtíð Ísraela í Eurovision ákveðin í nóvember Fargufan nýjasta æðið á Íslandi Selja íbúð í Vesturbænum: „Við eigum of mörg börn til að búa í henni áfram“ Lýsir raunum einhleypra í Reykjavík: „Tilhugalífið minnir á lélegt bókunarkerfi“ Þetta eru uppáhalds barnabækur ráðherranna Ástfangin á ný Hollywood-stjarna slær sér upp með prins „Er ekki hér til að keppast um fegurð“ Þriðja í heiminn hjá Rihönnu og A$AP Rocky Er ekki eðlilegt að stunda kynlíf á afmælinu? Hefur keypt fasteignir fyrir rúman milljarð íslenskra króna á árinu Minntist bróður síns fyrir fullum sal Leiðir skilja hjá Svala og Jóhönnu Sjá meira
Fyrir einu og hálfu ári lokaði María Lovísa Ragnarsdóttir fataverslun sinni neðarlega á Skólavörðustíg og flutti í Tjarnarbyggð í úthverfi Selfoss. Þar hannar hún nú föt sín á vinnustofu sinni, auk þess sem hún rekur gistiheimili á sama stað. María Lovísa hefur lengi átt dyggan hóp viðskiptavina og verslunin á Skólavörðustíg virtist ganga vel, en skyndilega varð breyting á. „Lokun gatna í miðbænum varð til þess að íslensku konurnar hættu að koma þangað. Mínir viðskiptavinir eru frá fertugu og upp úr. Eldri dömurnar eru vanar að geta keyrt í bæinn og lagt bíl nálægt þeim verslunum sem þær ætla að sækja. Á sumrin var Skólavörðustígnum lokað og sett stærðar skilti upp eftir allri götu þannig að ekki sást í búðina. Það var eins og tívolí væri í miðjum bæ,“ segir María Lovísa. Hún segir að erlendum viðskiptavinum hafi einnig fækkað vegna styrkingar krónunnar. Við þetta bættist að hún bjó á Selfossi og keyrði nær daglega til vinnu í Reykjavík. „Ég var orðin þreytt á þessum keyrslum, sérstaklega á veturna, og þegar kúnnarnir hættu að koma í jafn miklum mæli og áður ákvað ég að loka búðinni. Það eru mjög margir eigendur hönnunarverslana flúnir úr miðbænum og hafa komið sér fyrir í Síðumúla og Ármúla. Miðbærinn er farinn að samanstanda aðallega af túristabúðum, hótelum og veitingastöðum.“Líður vel í sveitasælu María Lovísa segist hafa nóg að gera á Selfossi, sérstaklega eftir að rekstur gistiheimilisins fór í gang. „Ég hóf reksturinn fyrir einum og hálfum mánuði og pantanir eru ágætar en ég vil hafa þær fleiri. Þetta kemur allt saman, fyrsta árið fer í að koma sér í gang.“ Hún segir dásamlegt að búa og starfa í sveitasælu. Þar heldur hún hesta, en reiðvegir eru í hverfinu. „Undanfarið hef ég ekki getað sinnt hestamennskunni eins og ég vildi vegna anna. Það er óskaplega gaman að vera í hestamennsku og hestarnir hafa allir sinn karakter. Sá elsti er mikill herra og velur sér stundir til að koma til mín, en svo er hryssa, nafna mín María, og hún er alltaf að dilla sér utan í mann.“ Viljugir viðskiptavinir Á vinnustofu sinni hannar María Lovísa föt á sína föstu viðskiptavini. Tveir þeirra komu frá Reykjavík meðan blaðamaður var á staðnum og fleiri voru á leiðinni. „Ég er mjög ánægð með hvað viðskiptavinir mínir eru viljugir að koma við hjá mér,“ segir hún. Sérhannaðar peysur hennar eru síðan til sölu í nokkrum verslunum í Reykjavík og njóta sérstakra vinsælda meðal útlendinga. María Lovísa hefur starfað við hönnun í áratugi. „Ég útskrifaðist úr hönnunarskóla í Danmörku árið 1980 og byrjaði að vinna við hönnun hér heima hjá fyrirtæki árið 1981 og vann mikið með ull. Draumurinn var að stofna mína eigin búð og það gerði ég árið 1982. Þessi bransi er erfiður og ég sé hönnuði byrja og hætta. Það er ekki hlaupið að því að vera í þessum bransa. Ég er alveg hissa hvað ég hef enst,“ segir hún. Nú er hún að huga að haustlínunni og þar verða glæsilegar svartar kápur áberandi. Alltaf klassísk efni Fötin sem María Lovísa hannar eru klassísk og það er erfitt að sjá þau fara úr tísku. „Svart og hvítt eru eiginlega mínir litir. Svo kaupi ég alltaf klassísk efni. Ég fer svolítið eftir tískustraumum og svo hef ég minn smekk sem kúnnarnir eru hrifnir af og þeir eru búnir að vera tryggir í gegnum árin,“ segir hún. „Ég var einu sinni beðin um að lýsa minni eigin hönnun en ég gat það ekki. Þá sagði viðkomandi kona: „Það er dálítið leikhús í þinni hönnun.“ Það er alveg rétt, hönnun mín er einmitt dálítið leikhús.“
Birtist í Fréttablaðinu Mest lesið Boðaði vinkonurnar í bústað eftir að hafa upplifað Tinder á sterum Lífið Selena Gomez giftist Benny Blanco Lífið Ætla að syngja sig hás og dansa við Komdu um jólin Lífið samstarf Blondie verður stjarnan á RIFF um helgina Lífið Ellefu ára læðan Lúsí ein eftir í heimilisleit hjá Kattholti Lífið Laddi 75 ára: Skapar nýja karaktera í lyftuspeglum Lífið Fann ástina loksins þegar hann tók sér marga elskhuga Lífið Serumið sem snýr öldrun húðarinnar við Lífið samstarf Fögnuðu sögulegum 850 þúsund króna hátalara Ella Egils Lífið „Þrisvar sinnum hefur mér verið hótað lífláti“ Lífið Fleiri fréttir Selena Gomez giftist Benny Blanco Krakkatían: Lestrarkeppni, flugumferð og leiksýning Rapparinn og málverndarsinninn frjáls ferða sinna Boðaði vinkonurnar í bústað eftir að hafa upplifað Tinder á sterum Fréttatía vikunnar: Moulin Rouge, Blóðbankinn og Eurovision „Lætur mér líða eins og tími minn í Hollywood hafi verið ómaksins virði“ Fögnuðu sögulegum 850 þúsund króna hátalara Ella Egils Björgvin Franz brotinn en slær í gegn í Ladda og ræktinni Sonur Fóstbróður slær í gegn: „Ég er fastur þarna núna, orðinn háður“ „Kristrún Frostadóttir frá... Finnlandi?“ Lamaðist og missti sjón en fann styrk í sjálfri sér Víkingur Heiðar hlaut mjög virt verðlaun Fyrstur til að skíða niður Everest án súrefnis „Það sýður miklu frekar upp úr við uppvaskið“ „Mjög fallegt“ hús og „fullfrágengin“ lóð Elli Egils hannaði hátalara fyrir Bang & Olufsen Elli Egils hélt að Elli Egils væri grín Framtíð Ísraela í Eurovision ákveðin í nóvember Fargufan nýjasta æðið á Íslandi Selja íbúð í Vesturbænum: „Við eigum of mörg börn til að búa í henni áfram“ Lýsir raunum einhleypra í Reykjavík: „Tilhugalífið minnir á lélegt bókunarkerfi“ Þetta eru uppáhalds barnabækur ráðherranna Ástfangin á ný Hollywood-stjarna slær sér upp með prins „Er ekki hér til að keppast um fegurð“ Þriðja í heiminn hjá Rihönnu og A$AP Rocky Er ekki eðlilegt að stunda kynlíf á afmælinu? Hefur keypt fasteignir fyrir rúman milljarð íslenskra króna á árinu Minntist bróður síns fyrir fullum sal Leiðir skilja hjá Svala og Jóhönnu Sjá meira