Alan Walker tók upp tónlistarmyndband við vel falinn foss á Suðurlandinu

Tónlistarmaðurinn Alan Walker tók upp tónlistarmyndband hér á landi á dögunum og var það við lagið Diamond Heart sem söngkonan Sophia Somajo syngur.

Framleiðslufyrirtækið Hero Production sá um tökur hér á landi en myndbandið var einnig tekið upp í eyðimörkinni í Dubai.

Hér á landi fóru tökur mestmegnis fram á Suðurlandi og meðal annars á Hjörleifshöfða, Raufarhólshelli, Hellisheiðinni og loka senan við vel falinn fallegan foss á Suðurlandinu.

Allt tók það tvo daga að taka upp efnið hér á landi en hér að neðan má sjá útkomuna en þegar þessi frétt er skrifuð hefur verið horft á myndbandið yfir fjórum milljón sinnum.