Prins Jóló er sjúkur jólapervert Stefán Þór Hjartarson skrifar 1. október 2018 07:00 Prins Jóló hatar ekki jólin og heldur þau heilög með góðum gestum á jólagiggi 15. desember. Fréttablaðið/Anton Brink Prins Póló er kominn í jólafílinginn – Póló er orðið Jóló og jólatónleikar komnir á dagskrána – 15. desember er dagurinn. Það er ekki seinna vænna að koma sér í fílinginn núna. „Málið er það að ég er sjúkur jólapervert. Það hefur farið svona mishátt – við byrjuðum í hljómsveitinni Rúnk þar sem við gáfum út jólaplötu um aldamótin. Þetta gerði ég með góðu fólki eins og Benna Hemm Hemm, Hildi Guðnadóttur, hinum annálaða Borko, Óbó og fleiri meisturum. Síðan þá hef ég alltaf búið til eitt og eitt jólalag þannig að ég á uppsafnaðan góðan lager af jólalögum. Í öllum hljómsveitum sem ég hef verið í hef ég alltaf haft þá reglu að semja eitt jólalag – bara svona upp á fílinginn. Þessi jólalög fara mishátt – sum mjög lágt. Svo vill líka til að ég verð í bænum þarna í kringum jólin þannig að ég athugaði hvort ég gæti ekki hent í eitt jólagigg,“ segir Prinsinn alveg í skýjunum af jólafíling enda er hann kominn með Gamla bíó undir giggið og einvalalið fólks með sér til að gera þetta sem jólalegast.Benni Hemmi Hemm verður í jólabandinu.„Ég ætla að gera þetta í dálítið óhefðbundnum búningi. Benedikt Hermann Hermannsson, Benni Hemm Hemm, hann ætlar að vera með mér á píanói – hann er alveg geðsjúkur píanisti – einn af okkar fremstu píanistum. Örn Eldjárn gítarvirtúós verður þarna að búa til þykkan hljóðvegg með gítarnum. Svo verður Margrét Arnardóttir á harmonikku. Þetta er bandið sem ég hef búið til úr þessum hirðingjum. Þetta er gott band enda er þetta fólk annálaðir öðlingar og snillingar. Þetta miðast allt við það að mesta pressan fari af mér yfir á þau – mitt hlutverk er að fanga jólaandann á sviðinu og svo fæ ég þessa snillinga til að leika lögin mín í hátíðlegum útsetningum.“ Prinsinn vill undirstrika það að þetta verða bara hans eigin lög sem verða leikin – líklega mun Jólahjól til dæmis ekki fá að heyrast þetta kvöld. „Ég er ekkert bara að fara að taka einhver helvítis jólalög, ég myndi aldrei snerta einhver jólalög eftir aðra enda hef ég algjöra óbeit á coverlagadrasli … en það er bara út af því að ég gæti aldrei lært þau – þetta er bara minnimáttarkennd í mér. Mér finnst jólalög alveg fín. En ég ætla fyrst og fremst að taka lög Prins Póló og svo eitthvað af þessum jólalögum sem ég hef verið að semja í gegnum árin.“ Aðspurður hvort þarna verði einhvers konar húllumhæ – einhver atriði eða annað segist Prinsinn ekki alveg vera viss. „Ég veit ekkert – það verður eiginlega að ráðast. Hvort við sitjum á gólfinu, stöndum á borðum eða stöndum á haus, það verður allt að koma í ljós. En þetta verður allavegana eins og ég hugsaði með mér, „helgislepja með hátíðarbragði“. Þó er hann ansi hræddur um að það verði eitthvað af jólaskrauti – líklega tré á sviðinu og fleira. „Það þarf að efla sjónrænu hliðina enn frekar, enda eru jólin sjónrænt ævintýri. Þar sem maður er nú líka Breiðhyltingur hugsa ég að ég láti Breiðholtsseríuna ekki vanta – það verða Breiðholtsseríur, ég get lofað því.“ Miðasala er hafin á Tix.is. Það verða bara þessir einu tónleikar þannig að fólk verður að stökkva til og næla sér í miða vilji það ekki koma að lokuðum dyrum. Birtist í Fréttablaðinu Mest lesið „Einhvern tímann verðurðu að leyfa barninu þínu að flytja að heiman“ Lífið Fréttatía vikunnar: Fellibylur, körfubolti og Laufey Lífið Svona heppnaðist hárígræðslan hjá Baldri og Einari Lífið Flottar flíkur og fylgihlutir fyrir haustið Lífið „Þetta var eins og Atlantis sem sökk“ Lífið Jón Ólafs og Hildur Vala keyptu í Vesturbænum Lífið Smashing Pumpkins pumpuðu upp stemningu – en listin varð undir hávaðanum Gagnrýni Hátíðin áminning um að veganismi sé lífsstíll en ekki megrunarkúr Lífið Leggst undir hnífinn vegna brjóstakrabbameins og frestar túrnum Lífið Taka fyrir sambönd flugfreyja og flugmanna út frá sögum úr bransanum Lífið Fleiri fréttir Hátíðin áminning um að veganismi sé lífsstíll en ekki megrunarkúr Fréttatía vikunnar: Fellibylur, körfubolti og Laufey Flottar flíkur og fylgihlutir fyrir haustið Indversk pizza að hætti Rakelar Maríu Trúlofuð en ekki búin að flytja inn saman „Einhvern tímann verðurðu að leyfa barninu þínu að flytja að heiman“ Bananakaka með silkimjúku súkkulaðikremi Svona heppnaðist hárígræðslan hjá Baldri og Einari Taka fyrir sambönd flugfreyja og flugmanna út frá sögum úr bransanum Jón Ólafs og Hildur Vala keyptu í Vesturbænum Leggst undir hnífinn vegna brjóstakrabbameins og frestar túrnum „Þetta var eins og Atlantis sem sökk“ Hafdís Huld bæjarlistamaður Mosfellsbæjar Vinsælast á Netflix og Spotify: Kóreskir djöflaveiðarar tröllríða öllu Silkimjúk súpa fyrir sálina Eru smáhrifavaldar að taka yfir markaðinn? Sex bestu veitingastaðirnir í Skandinavíu Býr beint fyrir neðan barnsmóður sína Fjölgar í fjölskyldu Maríu Birtu og Ella Ástarleikir á fjölbreyttum stöðum Fullkominn kókos og chiagrautur að hætti Elísabetar Mettu Sóley og Kormákur skáluðu í síðsumarsólinni Segir lýtaaðgerðir hennar leið til að eldast með reisn Kaupa glæsihús frænku Patriks Opnar sig eftir handtökuna Töluðu íslensku við mannhafið Hin 93 ára Jóhanna skríður enn um garðinn til að halda honum fínum Fárveik í París Fullkominn brúðkaupsdagur í sænskum kastala Skiptir stærðin raunverulega máli? Sjá meira
Prins Póló er kominn í jólafílinginn – Póló er orðið Jóló og jólatónleikar komnir á dagskrána – 15. desember er dagurinn. Það er ekki seinna vænna að koma sér í fílinginn núna. „Málið er það að ég er sjúkur jólapervert. Það hefur farið svona mishátt – við byrjuðum í hljómsveitinni Rúnk þar sem við gáfum út jólaplötu um aldamótin. Þetta gerði ég með góðu fólki eins og Benna Hemm Hemm, Hildi Guðnadóttur, hinum annálaða Borko, Óbó og fleiri meisturum. Síðan þá hef ég alltaf búið til eitt og eitt jólalag þannig að ég á uppsafnaðan góðan lager af jólalögum. Í öllum hljómsveitum sem ég hef verið í hef ég alltaf haft þá reglu að semja eitt jólalag – bara svona upp á fílinginn. Þessi jólalög fara mishátt – sum mjög lágt. Svo vill líka til að ég verð í bænum þarna í kringum jólin þannig að ég athugaði hvort ég gæti ekki hent í eitt jólagigg,“ segir Prinsinn alveg í skýjunum af jólafíling enda er hann kominn með Gamla bíó undir giggið og einvalalið fólks með sér til að gera þetta sem jólalegast.Benni Hemmi Hemm verður í jólabandinu.„Ég ætla að gera þetta í dálítið óhefðbundnum búningi. Benedikt Hermann Hermannsson, Benni Hemm Hemm, hann ætlar að vera með mér á píanói – hann er alveg geðsjúkur píanisti – einn af okkar fremstu píanistum. Örn Eldjárn gítarvirtúós verður þarna að búa til þykkan hljóðvegg með gítarnum. Svo verður Margrét Arnardóttir á harmonikku. Þetta er bandið sem ég hef búið til úr þessum hirðingjum. Þetta er gott band enda er þetta fólk annálaðir öðlingar og snillingar. Þetta miðast allt við það að mesta pressan fari af mér yfir á þau – mitt hlutverk er að fanga jólaandann á sviðinu og svo fæ ég þessa snillinga til að leika lögin mín í hátíðlegum útsetningum.“ Prinsinn vill undirstrika það að þetta verða bara hans eigin lög sem verða leikin – líklega mun Jólahjól til dæmis ekki fá að heyrast þetta kvöld. „Ég er ekkert bara að fara að taka einhver helvítis jólalög, ég myndi aldrei snerta einhver jólalög eftir aðra enda hef ég algjöra óbeit á coverlagadrasli … en það er bara út af því að ég gæti aldrei lært þau – þetta er bara minnimáttarkennd í mér. Mér finnst jólalög alveg fín. En ég ætla fyrst og fremst að taka lög Prins Póló og svo eitthvað af þessum jólalögum sem ég hef verið að semja í gegnum árin.“ Aðspurður hvort þarna verði einhvers konar húllumhæ – einhver atriði eða annað segist Prinsinn ekki alveg vera viss. „Ég veit ekkert – það verður eiginlega að ráðast. Hvort við sitjum á gólfinu, stöndum á borðum eða stöndum á haus, það verður allt að koma í ljós. En þetta verður allavegana eins og ég hugsaði með mér, „helgislepja með hátíðarbragði“. Þó er hann ansi hræddur um að það verði eitthvað af jólaskrauti – líklega tré á sviðinu og fleira. „Það þarf að efla sjónrænu hliðina enn frekar, enda eru jólin sjónrænt ævintýri. Þar sem maður er nú líka Breiðhyltingur hugsa ég að ég láti Breiðholtsseríuna ekki vanta – það verða Breiðholtsseríur, ég get lofað því.“ Miðasala er hafin á Tix.is. Það verða bara þessir einu tónleikar þannig að fólk verður að stökkva til og næla sér í miða vilji það ekki koma að lokuðum dyrum.
Birtist í Fréttablaðinu Mest lesið „Einhvern tímann verðurðu að leyfa barninu þínu að flytja að heiman“ Lífið Fréttatía vikunnar: Fellibylur, körfubolti og Laufey Lífið Svona heppnaðist hárígræðslan hjá Baldri og Einari Lífið Flottar flíkur og fylgihlutir fyrir haustið Lífið „Þetta var eins og Atlantis sem sökk“ Lífið Jón Ólafs og Hildur Vala keyptu í Vesturbænum Lífið Smashing Pumpkins pumpuðu upp stemningu – en listin varð undir hávaðanum Gagnrýni Hátíðin áminning um að veganismi sé lífsstíll en ekki megrunarkúr Lífið Leggst undir hnífinn vegna brjóstakrabbameins og frestar túrnum Lífið Taka fyrir sambönd flugfreyja og flugmanna út frá sögum úr bransanum Lífið Fleiri fréttir Hátíðin áminning um að veganismi sé lífsstíll en ekki megrunarkúr Fréttatía vikunnar: Fellibylur, körfubolti og Laufey Flottar flíkur og fylgihlutir fyrir haustið Indversk pizza að hætti Rakelar Maríu Trúlofuð en ekki búin að flytja inn saman „Einhvern tímann verðurðu að leyfa barninu þínu að flytja að heiman“ Bananakaka með silkimjúku súkkulaðikremi Svona heppnaðist hárígræðslan hjá Baldri og Einari Taka fyrir sambönd flugfreyja og flugmanna út frá sögum úr bransanum Jón Ólafs og Hildur Vala keyptu í Vesturbænum Leggst undir hnífinn vegna brjóstakrabbameins og frestar túrnum „Þetta var eins og Atlantis sem sökk“ Hafdís Huld bæjarlistamaður Mosfellsbæjar Vinsælast á Netflix og Spotify: Kóreskir djöflaveiðarar tröllríða öllu Silkimjúk súpa fyrir sálina Eru smáhrifavaldar að taka yfir markaðinn? Sex bestu veitingastaðirnir í Skandinavíu Býr beint fyrir neðan barnsmóður sína Fjölgar í fjölskyldu Maríu Birtu og Ella Ástarleikir á fjölbreyttum stöðum Fullkominn kókos og chiagrautur að hætti Elísabetar Mettu Sóley og Kormákur skáluðu í síðsumarsólinni Segir lýtaaðgerðir hennar leið til að eldast með reisn Kaupa glæsihús frænku Patriks Opnar sig eftir handtökuna Töluðu íslensku við mannhafið Hin 93 ára Jóhanna skríður enn um garðinn til að halda honum fínum Fárveik í París Fullkominn brúðkaupsdagur í sænskum kastala Skiptir stærðin raunverulega máli? Sjá meira