Basl við búskap tefur ársreikningsskil Stefán Ó. Jónsson skrifar 16. október 2018 12:15 Í Skorradal má finna eina stærstu sumarhúsabyggð landsins. Vísir/Jón Sigurður Tæknilegir örðugleikar og bústörf hafa orðið til þess að Skorradalshreppur hefur ekki skilað ársreikningum fyrir árin 2016 og 2017, að sögn oddvita hreppsins. Hann segir sveitarfélagið þó vel stætt og að vonir standi til að hægt verði að ganga frá reikningnum á næsta fundi hreppsnefndarinnar. Þó að aðeins um 60 einstaklingar hafi lögheimili í Skorradal hefur hreppurinn umtalsverðar tekjur af þeim rúmlega 600 sumarhúsum sem reist hafa verið hringinn í kringum Skorradalsvatn. Er nú svo komið að þar má finna eina stærstu sumarhúsabyggð landsins. Árni Hjörleifsson, oddviti hreppsnefndar, segir að fjárhagur sveitarfélagsins standi vel fyrir vikið. Það sé skuldlaust og áætlað sé að hreppurinn sé næst tekjuhæsta sveitarfélag landsins, miðað við höfðatölu. Erfitt er þó að sannreyna þessar fullyrðingar Árna því jú, sveitarfélagið hefur ekki skilað inn ársreikningi fyrir árin 2016 og 2017. Vísir hafði samband við sveitarstjórnarráðuneytið og fékk þær upplýsingar að Skorradalshreppur væri eina sveitarfélag landsins sem væri búið að koma sér í þessa stöðu.Tíður dráttur Vandræði með ársreikningaskil virðast þó ekki vera ný af nálinni í hreppnum. Í fundargerð hreppsnefndar frá því í nóvember 2016 má finna bókun þar sem tveir fundarmenn lýsa yfir óánægju með trassaskap við ársreikningaskil. „Við hörmum að enn og aftur er verið leggja ársreikning 2015 fyrir á seinni hluta ársins og leggjum enn áherslu á að tímamörk og skil á ársreikningi verði virt og staðið verði við þær dagsetningar samkvæmt sveitarstjórnarlögum,“ segir í bókuninni. Árni segir að nokkrar ástæður séu fyrir því að hreppurinn hafi ekki skilað ársreikningum síðastliðinna tveggja ára. Þeirra helst eru vandræði með innleiðingu nýs tölvukerfis. Vandræðin hafi dregist á langinn og að endingu hafi verið ákveðið að skila inn báðum ársreikningunum á sama tíma. „Menn sáu hag sinn í því að keyra upp reikningana samhliða.“Árni Hjörleifsson er oddviti Skorradalshrepps.Fréttablaðið/ArnþórSmæð sveitarfélagsins kann þó einnig að hafa leikið rullu að mati Árna. „Við erum náttúrulega ekki með marga hérna í Skorradalnum. Hér er fólk að vinna á heimavelli og sá sem er bókarinn okkar er líka bóndi á svæðinu,“ segir Árni. Bústörf kunni þannig að hafa aukið enn á ársreikningaskiladráttinn. „Þetta er svolítið annað en í sveitarfélögum sem geta reitt sig á hjörð starfsfólks.“ Oddvitinn segir þó að sveitarstjórnarráðuneytinu hafi verið send yfirlit - „þau hafa því geta fylgst með stöðu mála,“ segir Árni.Yfirvofandi dagsektir Með nýrri reglugerð, sem samþykkt var í sumar, fær ráðuneytið heimildir til að leggja dagsektir á sveitarfélög „vegna vanrækslu á lögbundnum skyldum,“ en þeirra á meðal eru skil á ársreikningum. Sektirnar nema að lágmarki 25 þúsund krónum á dag og geta mest farið í 300 þúsund krónur á sólarhring, en upphæðin ræðst af „alvarleika brots og íbúafjölda sveitarfélags.“ Árni oddviti segist þó ekki óttast sektirnar - „þó það sé náttúrulega verið að hóta þessu.“ Sveitarfélagið hafi búið við það að fá ekkert úr jöfnunarsjóði sveitarfélaga, því hreppsnefndin hafi lengi reynt að halda útsvari í lágmarki að sögn Árna. „Fyrir það er okkur refsað með því að vera ekki tekin inn í jöfnunarsjóð í útreikningum og það er auðvitað ákveðin pressa á okkur.“ Oddvitinn segist þó vona að það fari að sjá fyrir endann á þessu. Árni gerir ráð fyrir því að hægt verði að taka ársreikningana til umræðu á næsta fundi hreppsnefndar. Hvenær sá fundur á sér stað er þó óráðið, vonandi geti hann farið fram í næstu viku. Til að koma í veg fyrir sambærilegan drátt í framtíðinni segir Árni að ætlunin sé að „létta á þessum aðilum sem hafa verið að sinna þessu.“ Reynt verði að fá utanaðkomandi endurskoðendur til að sjá um ársreikningana, svo að núverandi bókari geti einbeitt sér að bústörfunum. „Það er fullmikið þegar menn eru líka í búrekstri - þetta kerfi býður varla upp á það.“ Skorradalshreppur Sveitarstjórnarmál Mest lesið Töldu hættu stafa af einkaþotufyrirtækinu sem var svipt starfsleyfi Viðskipti innlent Sjálfbærni og fjárhagslegur árangur haldast í hendur Framúrskarandi fyrirtæki Sterk heild og skýr gildi gera Afltak að fyrirmynd í byggingariðnaði Framúrskarandi kynning Greiðir sér út allt að fimmtíu milljónir Viðskipti innlent Of snemmt að segja hvort vaxtadómurinn geri lán dýrari eða ódýrari Viðskipti innlent Færir sig í Borgartúnið eftir stutta dvöl hjá ÍSÍ Viðskipti innlent Gervigreindarknúið snjallsiglingarkerfi hlaut Nýsköpunarverðlaunin Viðskipti innlent Sverrir Einar söðlar um og selur Þrastalund Viðskipti innlent Hátíðin í heild sinni: Listi Framúrskarandi fyrirtækja birtur Framúrskarandi fyrirtæki Tilkynna breytingar á lánaframboði Viðskipti innlent Fleiri fréttir Of snemmt að segja hvort vaxtadómurinn geri lán dýrari eða ódýrari Töldu hættu stafa af einkaþotufyrirtækinu sem var svipt starfsleyfi Gervigreindarknúið snjallsiglingarkerfi hlaut Nýsköpunarverðlaunin Högnuðust um tæpa sjö milljarða Tilkynna breytingar á lánaframboði Sverrir Einar söðlar um og selur Þrastalund Leigjendum muni fjölga um fimm þúsund fram til 2030 Bein útsending: Nýsköpunarþing 2025 - Ísland í stóru myndinni Bjarni Geir Alfreðsson matreiðslumaður látinn Færir sig í Borgartúnið eftir stutta dvöl hjá ÍSÍ Verðbólguþróunin áhyggjuefni Greiðir sér út allt að fimmtíu milljónir Verðbólga ekki meiri síðan í janúar Hagnaður bankans 8,2 milljarðar á þriðja ársfjórðungi Ístak bauð best í frágang á nýja Landspítalanum Eyða óvissunni um verðtrygginguna með vaxtaviðmiði Segja þingmann draga upp skakka mynd af stöðu nýsköpunar Eigandi skrifstofu í Kringlunni þarf að borga fyrir auglýsingar Stjórnendur Íslandsbanka enn undir feldi Fyrrverandi starfsmenn endurvekja Lagningu Reikna með 1,5 milljarði króna í sjóböðin í Önundarfirði Enn meiri veikleikar í samkeppnishæfni Íslands en ESB Sérlausn fyrir fluglosun virðist ekki hafa verið auglýst Segir mikla vinnu í gangi vegna lánamála Sér ljós við enda ganganna: „Kannski þurfti svona stóra truflun til“ Mun leiða svið markaðsmála og þjónustuupplifunar hjá Advania Finna meira gull á Grænlandi Jónas Már til Réttar „Ekki bara smá eyða, þetta er risastórt gat“ Hætt við að vextir hækki Sjá meira
Tæknilegir örðugleikar og bústörf hafa orðið til þess að Skorradalshreppur hefur ekki skilað ársreikningum fyrir árin 2016 og 2017, að sögn oddvita hreppsins. Hann segir sveitarfélagið þó vel stætt og að vonir standi til að hægt verði að ganga frá reikningnum á næsta fundi hreppsnefndarinnar. Þó að aðeins um 60 einstaklingar hafi lögheimili í Skorradal hefur hreppurinn umtalsverðar tekjur af þeim rúmlega 600 sumarhúsum sem reist hafa verið hringinn í kringum Skorradalsvatn. Er nú svo komið að þar má finna eina stærstu sumarhúsabyggð landsins. Árni Hjörleifsson, oddviti hreppsnefndar, segir að fjárhagur sveitarfélagsins standi vel fyrir vikið. Það sé skuldlaust og áætlað sé að hreppurinn sé næst tekjuhæsta sveitarfélag landsins, miðað við höfðatölu. Erfitt er þó að sannreyna þessar fullyrðingar Árna því jú, sveitarfélagið hefur ekki skilað inn ársreikningi fyrir árin 2016 og 2017. Vísir hafði samband við sveitarstjórnarráðuneytið og fékk þær upplýsingar að Skorradalshreppur væri eina sveitarfélag landsins sem væri búið að koma sér í þessa stöðu.Tíður dráttur Vandræði með ársreikningaskil virðast þó ekki vera ný af nálinni í hreppnum. Í fundargerð hreppsnefndar frá því í nóvember 2016 má finna bókun þar sem tveir fundarmenn lýsa yfir óánægju með trassaskap við ársreikningaskil. „Við hörmum að enn og aftur er verið leggja ársreikning 2015 fyrir á seinni hluta ársins og leggjum enn áherslu á að tímamörk og skil á ársreikningi verði virt og staðið verði við þær dagsetningar samkvæmt sveitarstjórnarlögum,“ segir í bókuninni. Árni segir að nokkrar ástæður séu fyrir því að hreppurinn hafi ekki skilað ársreikningum síðastliðinna tveggja ára. Þeirra helst eru vandræði með innleiðingu nýs tölvukerfis. Vandræðin hafi dregist á langinn og að endingu hafi verið ákveðið að skila inn báðum ársreikningunum á sama tíma. „Menn sáu hag sinn í því að keyra upp reikningana samhliða.“Árni Hjörleifsson er oddviti Skorradalshrepps.Fréttablaðið/ArnþórSmæð sveitarfélagsins kann þó einnig að hafa leikið rullu að mati Árna. „Við erum náttúrulega ekki með marga hérna í Skorradalnum. Hér er fólk að vinna á heimavelli og sá sem er bókarinn okkar er líka bóndi á svæðinu,“ segir Árni. Bústörf kunni þannig að hafa aukið enn á ársreikningaskiladráttinn. „Þetta er svolítið annað en í sveitarfélögum sem geta reitt sig á hjörð starfsfólks.“ Oddvitinn segir þó að sveitarstjórnarráðuneytinu hafi verið send yfirlit - „þau hafa því geta fylgst með stöðu mála,“ segir Árni.Yfirvofandi dagsektir Með nýrri reglugerð, sem samþykkt var í sumar, fær ráðuneytið heimildir til að leggja dagsektir á sveitarfélög „vegna vanrækslu á lögbundnum skyldum,“ en þeirra á meðal eru skil á ársreikningum. Sektirnar nema að lágmarki 25 þúsund krónum á dag og geta mest farið í 300 þúsund krónur á sólarhring, en upphæðin ræðst af „alvarleika brots og íbúafjölda sveitarfélags.“ Árni oddviti segist þó ekki óttast sektirnar - „þó það sé náttúrulega verið að hóta þessu.“ Sveitarfélagið hafi búið við það að fá ekkert úr jöfnunarsjóði sveitarfélaga, því hreppsnefndin hafi lengi reynt að halda útsvari í lágmarki að sögn Árna. „Fyrir það er okkur refsað með því að vera ekki tekin inn í jöfnunarsjóð í útreikningum og það er auðvitað ákveðin pressa á okkur.“ Oddvitinn segist þó vona að það fari að sjá fyrir endann á þessu. Árni gerir ráð fyrir því að hægt verði að taka ársreikningana til umræðu á næsta fundi hreppsnefndar. Hvenær sá fundur á sér stað er þó óráðið, vonandi geti hann farið fram í næstu viku. Til að koma í veg fyrir sambærilegan drátt í framtíðinni segir Árni að ætlunin sé að „létta á þessum aðilum sem hafa verið að sinna þessu.“ Reynt verði að fá utanaðkomandi endurskoðendur til að sjá um ársreikningana, svo að núverandi bókari geti einbeitt sér að bústörfunum. „Það er fullmikið þegar menn eru líka í búrekstri - þetta kerfi býður varla upp á það.“
Skorradalshreppur Sveitarstjórnarmál Mest lesið Töldu hættu stafa af einkaþotufyrirtækinu sem var svipt starfsleyfi Viðskipti innlent Sjálfbærni og fjárhagslegur árangur haldast í hendur Framúrskarandi fyrirtæki Sterk heild og skýr gildi gera Afltak að fyrirmynd í byggingariðnaði Framúrskarandi kynning Greiðir sér út allt að fimmtíu milljónir Viðskipti innlent Of snemmt að segja hvort vaxtadómurinn geri lán dýrari eða ódýrari Viðskipti innlent Færir sig í Borgartúnið eftir stutta dvöl hjá ÍSÍ Viðskipti innlent Gervigreindarknúið snjallsiglingarkerfi hlaut Nýsköpunarverðlaunin Viðskipti innlent Sverrir Einar söðlar um og selur Þrastalund Viðskipti innlent Hátíðin í heild sinni: Listi Framúrskarandi fyrirtækja birtur Framúrskarandi fyrirtæki Tilkynna breytingar á lánaframboði Viðskipti innlent Fleiri fréttir Of snemmt að segja hvort vaxtadómurinn geri lán dýrari eða ódýrari Töldu hættu stafa af einkaþotufyrirtækinu sem var svipt starfsleyfi Gervigreindarknúið snjallsiglingarkerfi hlaut Nýsköpunarverðlaunin Högnuðust um tæpa sjö milljarða Tilkynna breytingar á lánaframboði Sverrir Einar söðlar um og selur Þrastalund Leigjendum muni fjölga um fimm þúsund fram til 2030 Bein útsending: Nýsköpunarþing 2025 - Ísland í stóru myndinni Bjarni Geir Alfreðsson matreiðslumaður látinn Færir sig í Borgartúnið eftir stutta dvöl hjá ÍSÍ Verðbólguþróunin áhyggjuefni Greiðir sér út allt að fimmtíu milljónir Verðbólga ekki meiri síðan í janúar Hagnaður bankans 8,2 milljarðar á þriðja ársfjórðungi Ístak bauð best í frágang á nýja Landspítalanum Eyða óvissunni um verðtrygginguna með vaxtaviðmiði Segja þingmann draga upp skakka mynd af stöðu nýsköpunar Eigandi skrifstofu í Kringlunni þarf að borga fyrir auglýsingar Stjórnendur Íslandsbanka enn undir feldi Fyrrverandi starfsmenn endurvekja Lagningu Reikna með 1,5 milljarði króna í sjóböðin í Önundarfirði Enn meiri veikleikar í samkeppnishæfni Íslands en ESB Sérlausn fyrir fluglosun virðist ekki hafa verið auglýst Segir mikla vinnu í gangi vegna lánamála Sér ljós við enda ganganna: „Kannski þurfti svona stóra truflun til“ Mun leiða svið markaðsmála og þjónustuupplifunar hjá Advania Finna meira gull á Grænlandi Jónas Már til Réttar „Ekki bara smá eyða, þetta er risastórt gat“ Hætt við að vextir hækki Sjá meira