Icewear Magasín opnar í Smáralind

Icewear opnar í dag, miðvikudaginn 10. október, nýja verslun í Smáralind og er það fyrsta verslunin sem fyrirtækið opnar í verslunarmiðstöð á höfuðborgarsvæðinu.

Verslunin verður rekin undir nafni Icewear Magasín, en fyrir rekur Icewear þrjár verslanir undir merkjum Icewear Magasín.

„Það er mjög stórt skref fyrir okkur að opna Icewear Magasín verslun í Smáralindinni sem hefur verið í mikilli sókn undanfarið. Við viljum þjónusta íslenska markaðinn vel og við vitum að Smáralind er staður þar sem íslendingum finnst gaman að versla. Úrvalið af verslunum og þjónustu þar er frábært og okkur hlakkar til að vera hluti af þeim góða hóp,“ er haft eftir Aðalsteini Pálssyni, framkvæmdastjóra Icewear.