Föstudagsplaylisti Izleifs

Pródúsentinn og rapparinn Izleifur á föstudagsplaylistann þessa vikuna. Hann er meðlimur Rari Boys sem eru nú að mestu hættir störfum, og hefur meðal annars pródúserað töluvert fyrir Yung Nigo Drippin’.



Fyrir tveimur vikum kom svo út fyrsta sólólag rapparans, Seðlar fjúka.

„Þema playlistans er eiginlega bara dót sem ég hlusta á daglega,“ segir Ízleifur um lagavalið og bætir við að hann sé „mesti Future fan í heimi“ og hlusti því mikið á hann. „Dreg mikið inspiration úr þessu ‘wave-i’ af lögum.“

Á næstunni er stefnan hjá Ízleifi að gefa út meira nýtt efni, hann sé með fullt tilbúið en þurfi bara velja úr því.