Chelsea tókst að temja City í höfuðborginni Kristinn Páll Teitsson skrifar 10. desember 2018 09:30 Brasilíski miðvörðurinn David Luiz fagnar innilega marki sínu gegn Manchester City um helgina á Brúnni sem reyndist innsigla fyrsta tap Manchester City á tímabilinu fréttablaðið/getty Chelsea varð um helgina fyrsta liðið til að sigra Manchester City í ensku úrvalsdeildinni þetta tímabilið þegar Lundúnaliðið vann 2-0 sigur á Stamford Bridge í 16. umferð ensku úrvalsdeildarinnar. Ríkjandi Englandsmeistarar Manchester City misstu því toppsætið yfir til Liverpool sem er jafnframt eina taplausa liðið í deildinni en aðeins eitt stig skilur liðin að þegar mótið er tæplega hálfnað. Bláklæddir Manchester-menn eru þó enn með gott forskot á nágrannaliðin frá Lundúnum, Chelsea, Arsenal og Tottenham sem unnu öll um helgina og stefnir í tveggja hesta kapphlaup um meistaratitilinn. Tveir mikilvægustu leikmenn Manchester City fram á við, Kevin De Bruyne og Sergio Agüero, náðu sér ekki í tæka tíð og voru fjarverandi um helgina og ákvað Pep Guardiola, líkt og Maurizio Sarri, að tefla fram sóknarsinnuðum miðjumanni í fremstu röð. Brasilíski sóknarmaðurinn Gabriel Jesus virðist rúinn öllu sjálfstrausti fyrir framan markið og tók Raheem Sterling sér stöðu í fremstu víglínu gestanna. Gestirnir frá Manchester-borg byrjuðu leikinn af miklum krafti og fengu fjölmörg færi til að skora í fyrri hálfleik en þeim brást bogalistin. Eftir öfluga skyndisókn á lokasekúndum fyrri hálfleiks var það franski landsliðsmaðurinn N’Golo Kante sem kom Chelsea yfir eftir góðan undirbúning Edens Hazard. Leikurinn var mun jafnari í síðari hálfleik áður en Chelsea gerði út um leikinn með öðru marki. David Luiz var þar að verki en Manchester City-menn geta verið ósáttir við aðdraganda þess enda kom markið úr hornspyrnu sem átti aldrei að standa. Michael Oliver, dómari leiksins, dæmdi ranglega hornspyrnu sem annað mark Chelsea kom upp úr. Var það eina hornspyrna Chelsea í leiknum gegn þrettán hornspyrnum Manchester City sem voru meira með boltann og sköpuðu sér fleiri færi en fóru stigalausir aftur til Manchester. Pep Guardiola ætti þó ekki að þurfa að hafa miklar áhyggjur þótt lærisveinar hans séu stigi frá toppsætinu á þessum tímapunkti. Alla leiktíðina hafa þeir verið án Belgans De Bruyne sem var einn besti leikmaður deildarinnar í fyrra og ætti hann að styrkja hópinn fyrir komandi átök. Þá er City búið að mæta fimm sterkustu liðum deildarinnar í fyrri umferðinni, nágrönnum sínum í Manchester United, Arsenal, Chelsea, Liverpool og Tottenham og aðeins einn þeirra fór fram á Etihad-vellinum, heimavelli City. City-menn eru þegar búnir að fara á Wembley, Stamford Bridge, Anfield og Emirates-völlinn en eiga aðeins eftir að fara á Old Trafford. Heimavöllur Manchester City hefur verið sterkt vígi undir stjórn Peps Guardiola þar sem lærisveinar hans hafa aðeins tapað tveimur leikjum af 46 í ensku úrvalsdeildinni og unnið 35 þeirra. Sá spænski virtist gera sér grein fyrir því og vonaðist til þess að tapleikurinn um helgina yrði góður lærdómur fyrir sína menn. „Við spiluðum eins og við viljum gera og spilamennskan var frábær þó að við höfum tapað. Að mínu mati spiluðum við betur hér en í fyrra þegar við unnum en Chelsea er með sterkt lið og okkur skorti herslumuninn. Fyrir utan stuttan tíma í upphafi seinni hálfleiks fannst mér við stjórna leiknum og fengum nóg af færum til að skora mörk á meðan Chelsea nýtti strax fyrsta færi sitt.“ Guardiola var spurður út í hvort hann hefði gert sér vonir um að lið hans færi í gegnum tímabilið án þess að tapa leik líkt og Arsenal gerði á sínum tíma en hann var fljótur að neita því. „Við vorum aldrei að horfa á það að fara í gegnum tímabilið án þess að tapa, það mun ekki gerast aftur þótt fjölmargir hafi spurt mig að því. Við setjum okkur bara það markmið að verða meistarar og núna er Liverpool fyrir ofan okkur sem þýðir að við þurfum að bæta okkur,“ sagði Guardiola og hélt áfram: „Það er blekking að halda að lið geti farið í gegnum heilt tímabil án þess að tapa leik, það er eitthvað sem þekkist ekki í neinni íþrótt. Það er of snemmt að tala um hvort eitthvert lið sé sigurstranglegra en önnur lið deildarinnar, Liverpool kemur til greina og getur unnið deildina rétt eins og Arsenal, Tottenham og Chelsea.“ Birtist í Fréttablaðinu Enski boltinn Mest lesið Hætti við að giftast fótboltastjörnunni af því að allt var skráð á móður hans Fótbolti Nýja Liverpool stjarnan fær sultarlaun Enski boltinn Blikar mæta Loga, Shakhtar og Shamrock Fótbolti Mourinho rekinn frá Fenerbahce Fótbolti Framtíð Maríu hjá Marseille í óvissu eftir uppþotið í æfingaleik Fótbolti Landsliðsþjálfarinn vissi ekkert um útspil Haaland Fótbolti „Negldi Tryggva með hnénu, hoppaði á hann og fór í höndina“ Körfubolti Graslykt truflar keppendur á Opna bandaríska Sport Besta sætið: Fannst Craig bregðast of seint við Körfubolti Smá stress fyrir föðurhlutverkinu Fótbolti Fleiri fréttir Spurs að landa Xavi Simons Mainoo vill fara á láni Nýja Liverpool stjarnan fær sultarlaun Fyrsta skrefið í átt að því að leysa Isak málið Chelsea búið að kaupa Garnacho Segja að þjálfari Hlínar hafi verið rekinn nokkrum dögum fyrir mót Fantasýn: Varar fólk við Richarlison Neyðarleg tölfræði Onana í vítakeppninni Amorim gagnrýndur fyrir að horfa ekki á vítakeppnina Fantasýn ræðir framtíð Wirtz: Blóðugur upp fyrir haus að pumpa í hann lífi „Við vorum algjörlega týndir“ United banarnir drógust á móti Leeds bönunum Eitt vandræðalegasta kvöldið í sögu Manchester United Isak gæti spilað fyrsta leikinn sinn á tímabilinu Albert bjartsýnn á að Eze sé lokapúslið: „Komin þvílík breidd í þetta“ Reiddist eigin aðdáendum en baðst svo afsökunar Rio grínaðist með söngva Liverpool fólksins Má ekki skipta um föt í búningsklefa Arsenal en má spila með liðinu Hákon Rafn hélt hreinu þegar Brentford fór áfram en þrjú Íslendingalið úr leik Gordon bað bæði liðsfélagana og Van Dijk afsökunar Palace gerir hosur sínar grænar fyrir Akanji Borga fjörutíu milljónir punda fyrir kantmann sem skoraði tvö mörk í fyrra Höfnuðu fimmtíu milljóna punda tilboði í Strand Larsen Slot gagnrýnir Newcastle: „Þetta var ekki fótboltaleikur“ Segir að Dowman sé eins og Messi Gagnrýndu Bruno: „Hann átti skelfilegan leik“ Sjáðu sigurmark Rios og öll hin frá St. James' Park Hélt uppi meira en aldar gamalli hefð Van Dijk um Rio: Draumabyrjun en hann verður að vera auðmjúkur Rio setti nýtt Liverpool met Sjá meira
Chelsea varð um helgina fyrsta liðið til að sigra Manchester City í ensku úrvalsdeildinni þetta tímabilið þegar Lundúnaliðið vann 2-0 sigur á Stamford Bridge í 16. umferð ensku úrvalsdeildarinnar. Ríkjandi Englandsmeistarar Manchester City misstu því toppsætið yfir til Liverpool sem er jafnframt eina taplausa liðið í deildinni en aðeins eitt stig skilur liðin að þegar mótið er tæplega hálfnað. Bláklæddir Manchester-menn eru þó enn með gott forskot á nágrannaliðin frá Lundúnum, Chelsea, Arsenal og Tottenham sem unnu öll um helgina og stefnir í tveggja hesta kapphlaup um meistaratitilinn. Tveir mikilvægustu leikmenn Manchester City fram á við, Kevin De Bruyne og Sergio Agüero, náðu sér ekki í tæka tíð og voru fjarverandi um helgina og ákvað Pep Guardiola, líkt og Maurizio Sarri, að tefla fram sóknarsinnuðum miðjumanni í fremstu röð. Brasilíski sóknarmaðurinn Gabriel Jesus virðist rúinn öllu sjálfstrausti fyrir framan markið og tók Raheem Sterling sér stöðu í fremstu víglínu gestanna. Gestirnir frá Manchester-borg byrjuðu leikinn af miklum krafti og fengu fjölmörg færi til að skora í fyrri hálfleik en þeim brást bogalistin. Eftir öfluga skyndisókn á lokasekúndum fyrri hálfleiks var það franski landsliðsmaðurinn N’Golo Kante sem kom Chelsea yfir eftir góðan undirbúning Edens Hazard. Leikurinn var mun jafnari í síðari hálfleik áður en Chelsea gerði út um leikinn með öðru marki. David Luiz var þar að verki en Manchester City-menn geta verið ósáttir við aðdraganda þess enda kom markið úr hornspyrnu sem átti aldrei að standa. Michael Oliver, dómari leiksins, dæmdi ranglega hornspyrnu sem annað mark Chelsea kom upp úr. Var það eina hornspyrna Chelsea í leiknum gegn þrettán hornspyrnum Manchester City sem voru meira með boltann og sköpuðu sér fleiri færi en fóru stigalausir aftur til Manchester. Pep Guardiola ætti þó ekki að þurfa að hafa miklar áhyggjur þótt lærisveinar hans séu stigi frá toppsætinu á þessum tímapunkti. Alla leiktíðina hafa þeir verið án Belgans De Bruyne sem var einn besti leikmaður deildarinnar í fyrra og ætti hann að styrkja hópinn fyrir komandi átök. Þá er City búið að mæta fimm sterkustu liðum deildarinnar í fyrri umferðinni, nágrönnum sínum í Manchester United, Arsenal, Chelsea, Liverpool og Tottenham og aðeins einn þeirra fór fram á Etihad-vellinum, heimavelli City. City-menn eru þegar búnir að fara á Wembley, Stamford Bridge, Anfield og Emirates-völlinn en eiga aðeins eftir að fara á Old Trafford. Heimavöllur Manchester City hefur verið sterkt vígi undir stjórn Peps Guardiola þar sem lærisveinar hans hafa aðeins tapað tveimur leikjum af 46 í ensku úrvalsdeildinni og unnið 35 þeirra. Sá spænski virtist gera sér grein fyrir því og vonaðist til þess að tapleikurinn um helgina yrði góður lærdómur fyrir sína menn. „Við spiluðum eins og við viljum gera og spilamennskan var frábær þó að við höfum tapað. Að mínu mati spiluðum við betur hér en í fyrra þegar við unnum en Chelsea er með sterkt lið og okkur skorti herslumuninn. Fyrir utan stuttan tíma í upphafi seinni hálfleiks fannst mér við stjórna leiknum og fengum nóg af færum til að skora mörk á meðan Chelsea nýtti strax fyrsta færi sitt.“ Guardiola var spurður út í hvort hann hefði gert sér vonir um að lið hans færi í gegnum tímabilið án þess að tapa leik líkt og Arsenal gerði á sínum tíma en hann var fljótur að neita því. „Við vorum aldrei að horfa á það að fara í gegnum tímabilið án þess að tapa, það mun ekki gerast aftur þótt fjölmargir hafi spurt mig að því. Við setjum okkur bara það markmið að verða meistarar og núna er Liverpool fyrir ofan okkur sem þýðir að við þurfum að bæta okkur,“ sagði Guardiola og hélt áfram: „Það er blekking að halda að lið geti farið í gegnum heilt tímabil án þess að tapa leik, það er eitthvað sem þekkist ekki í neinni íþrótt. Það er of snemmt að tala um hvort eitthvert lið sé sigurstranglegra en önnur lið deildarinnar, Liverpool kemur til greina og getur unnið deildina rétt eins og Arsenal, Tottenham og Chelsea.“
Birtist í Fréttablaðinu Enski boltinn Mest lesið Hætti við að giftast fótboltastjörnunni af því að allt var skráð á móður hans Fótbolti Nýja Liverpool stjarnan fær sultarlaun Enski boltinn Blikar mæta Loga, Shakhtar og Shamrock Fótbolti Mourinho rekinn frá Fenerbahce Fótbolti Framtíð Maríu hjá Marseille í óvissu eftir uppþotið í æfingaleik Fótbolti Landsliðsþjálfarinn vissi ekkert um útspil Haaland Fótbolti „Negldi Tryggva með hnénu, hoppaði á hann og fór í höndina“ Körfubolti Graslykt truflar keppendur á Opna bandaríska Sport Besta sætið: Fannst Craig bregðast of seint við Körfubolti Smá stress fyrir föðurhlutverkinu Fótbolti Fleiri fréttir Spurs að landa Xavi Simons Mainoo vill fara á láni Nýja Liverpool stjarnan fær sultarlaun Fyrsta skrefið í átt að því að leysa Isak málið Chelsea búið að kaupa Garnacho Segja að þjálfari Hlínar hafi verið rekinn nokkrum dögum fyrir mót Fantasýn: Varar fólk við Richarlison Neyðarleg tölfræði Onana í vítakeppninni Amorim gagnrýndur fyrir að horfa ekki á vítakeppnina Fantasýn ræðir framtíð Wirtz: Blóðugur upp fyrir haus að pumpa í hann lífi „Við vorum algjörlega týndir“ United banarnir drógust á móti Leeds bönunum Eitt vandræðalegasta kvöldið í sögu Manchester United Isak gæti spilað fyrsta leikinn sinn á tímabilinu Albert bjartsýnn á að Eze sé lokapúslið: „Komin þvílík breidd í þetta“ Reiddist eigin aðdáendum en baðst svo afsökunar Rio grínaðist með söngva Liverpool fólksins Má ekki skipta um föt í búningsklefa Arsenal en má spila með liðinu Hákon Rafn hélt hreinu þegar Brentford fór áfram en þrjú Íslendingalið úr leik Gordon bað bæði liðsfélagana og Van Dijk afsökunar Palace gerir hosur sínar grænar fyrir Akanji Borga fjörutíu milljónir punda fyrir kantmann sem skoraði tvö mörk í fyrra Höfnuðu fimmtíu milljóna punda tilboði í Strand Larsen Slot gagnrýnir Newcastle: „Þetta var ekki fótboltaleikur“ Segir að Dowman sé eins og Messi Gagnrýndu Bruno: „Hann átti skelfilegan leik“ Sjáðu sigurmark Rios og öll hin frá St. James' Park Hélt uppi meira en aldar gamalli hefð Van Dijk um Rio: Draumabyrjun en hann verður að vera auðmjúkur Rio setti nýtt Liverpool met Sjá meira