Íslenskur stuðningur við börn í flóttamannabyggðum Úganda Heimsljós kynnir 17. janúar 2019 09:15 Börn flóttafólks í Suður-Súdan koma til með að njóta framlags Íslands. gunnisal Tæplega 20 þúsund börn í norðurhluta Úganda koma til með að njóta framlags frá utanríkisráðuneytinu sem hefur ákveðið að styrkja Barnahjálp Sameinuðu þjóðanna (UNICEF) í verkefnum sem tengjast vatns-, salernis- og hreinlætismálum með tæplega 120 milljóna króna framlagi. Um er að ræða verkefni við skóla og heilsugæslustöðvar í héruðum þar sem eru blandaðar byggðir flóttafólks frá Suður-Súdan og heimamanna, í Arua og Yumbe. „Stuðningur við uppbyggingu í vatns- og hreinlætismálum, í samræmi við innlenda staðla fyrir heilsugæslustöðvar og skóla, mun stuðla að heilsusamlegri aðstöðu fyrir sjúklinga og heilbrigðisstarfsfólk, nemendur og kennara,“ segir Unnur Orradóttir Ramette sendiherra Íslands í Úganda. „Við erum þess vegna ánægð með að framlag okkar Íslendinga nýtist til að draga úr barnadauða og koma í veg fyrir vatnsborna sjúkdóma á þessu svæði,“ bætir hún við.Unnur Orradóttir Ramette sendiherra Íslands og Doreen Mulenga fulltrúi UNICEF eftir undirritun samninga.UNICEFNýleg úttekt leiddi í ljós að á 99 heilsugæslustöðum í þessum byggðarlögum voru 85% með takmarkaðan aðgang að vatni og ástandið í skólum var litlu betra. „Markmið UNICEF er að bæta salernisaðstöðu og tryggja sjálfbærni í vatns- og hreinlætismálum á svæðum sem njóta takmarkaðrar þjónustu, meðal annars í skólum og heilsugæslustöðvum. Fjárfesting í bættri þjónustu á þessum sviðum skapar betri aðstæður til náms og heilsusamlegri aðstæður fyrir konur og börn á heilsugæslustöðvum,“ segir Dr. Doreen Mulenga, fulltrúi UNICEF í Úganda. „Við erum þakklát fyrir stuðninginn frá ríkisstjórn Íslands sem kemur til með að draga úr vatnsbornum sjúkdómum meðal flóttabarna í þessum samfélögum,“ bætir hún við.Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Mest lesið Ráðherra segir fyrirkomulag borgaraþjónustunnar á Spáni ósjálfbært Innlent Everest fullt af rusli sem mun taka fleiri ár að hreinsa Erlent Myndband með jólalagi lykilsönnunargagn í fíkniefnamáli Innlent Háttsettir þingmenn sagðir vilja að Biden stígi til hliðar Erlent Attal segir af sér og Melénchon vill stjórnarmyndunarumboð Erlent Meintur strípalingur og sjö til viðbótar gistu fangageymslur lögreglu Innlent Mikil uppbygging framundan á Borg í Grímsnesi Innlent Egill syrgir brottvísun vina sinna Innlent Vill koma upp mótttöku flóttamanna við Kaffi Vest Innlent Kröfur Ísrael og Hamas virðast algjörlega ósamræmanlegar Erlent
Tæplega 20 þúsund börn í norðurhluta Úganda koma til með að njóta framlags frá utanríkisráðuneytinu sem hefur ákveðið að styrkja Barnahjálp Sameinuðu þjóðanna (UNICEF) í verkefnum sem tengjast vatns-, salernis- og hreinlætismálum með tæplega 120 milljóna króna framlagi. Um er að ræða verkefni við skóla og heilsugæslustöðvar í héruðum þar sem eru blandaðar byggðir flóttafólks frá Suður-Súdan og heimamanna, í Arua og Yumbe. „Stuðningur við uppbyggingu í vatns- og hreinlætismálum, í samræmi við innlenda staðla fyrir heilsugæslustöðvar og skóla, mun stuðla að heilsusamlegri aðstöðu fyrir sjúklinga og heilbrigðisstarfsfólk, nemendur og kennara,“ segir Unnur Orradóttir Ramette sendiherra Íslands í Úganda. „Við erum þess vegna ánægð með að framlag okkar Íslendinga nýtist til að draga úr barnadauða og koma í veg fyrir vatnsborna sjúkdóma á þessu svæði,“ bætir hún við.Unnur Orradóttir Ramette sendiherra Íslands og Doreen Mulenga fulltrúi UNICEF eftir undirritun samninga.UNICEFNýleg úttekt leiddi í ljós að á 99 heilsugæslustöðum í þessum byggðarlögum voru 85% með takmarkaðan aðgang að vatni og ástandið í skólum var litlu betra. „Markmið UNICEF er að bæta salernisaðstöðu og tryggja sjálfbærni í vatns- og hreinlætismálum á svæðum sem njóta takmarkaðrar þjónustu, meðal annars í skólum og heilsugæslustöðvum. Fjárfesting í bættri þjónustu á þessum sviðum skapar betri aðstæður til náms og heilsusamlegri aðstæður fyrir konur og börn á heilsugæslustöðvum,“ segir Dr. Doreen Mulenga, fulltrúi UNICEF í Úganda. „Við erum þakklát fyrir stuðninginn frá ríkisstjórn Íslands sem kemur til með að draga úr vatnsbornum sjúkdómum meðal flóttabarna í þessum samfélögum,“ bætir hún við.Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Mest lesið Ráðherra segir fyrirkomulag borgaraþjónustunnar á Spáni ósjálfbært Innlent Everest fullt af rusli sem mun taka fleiri ár að hreinsa Erlent Myndband með jólalagi lykilsönnunargagn í fíkniefnamáli Innlent Háttsettir þingmenn sagðir vilja að Biden stígi til hliðar Erlent Attal segir af sér og Melénchon vill stjórnarmyndunarumboð Erlent Meintur strípalingur og sjö til viðbótar gistu fangageymslur lögreglu Innlent Mikil uppbygging framundan á Borg í Grímsnesi Innlent Egill syrgir brottvísun vina sinna Innlent Vill koma upp mótttöku flóttamanna við Kaffi Vest Innlent Kröfur Ísrael og Hamas virðast algjörlega ósamræmanlegar Erlent