Skaftahlíð á hvolfi eftir „heimsmet í flutningum“ Stefán Ó. Jónsson skrifar 6. febrúar 2019 15:30 Unnið er að því að standsetja Skaftahlíð 24 fyrir skrifstofur á vegum Landspítalans. Vísir/Vilhelm Allt er á tjá og tundri í Skaftahlíð 24 þessa dagana. Húsnæðið hýsti áður starfsemi fréttastofu Stöðvar 2, Vísis og Bylgjunnar, auk þeirra rúmlega 20 útvarps- og sjónvarpsstöðva sem sendar voru út frá Skaftahlíð um árabil. Síðustu mánuði hefur hins vegar verið unnið að flutningi allrar starfseminnar í höfuðstöðvar Sýnar á Suðurlandsbraut 8 og 10. Lokahnykkur flutninganna á sér svo stað í nótt, þegar allar útsendingar Stöðvar 2, Stöðvar 2 Sport og hinna 11 sjónvarpsstöðva Sýnar verða fluttar formlega frá Skaftahlíð yfir á Suðurlandsbraut. Þessum flutningum hefur eðlilega fylgt mikið rask í Skaftahlíð, til að mynda hafa verið grafnir upp fleiri kílómetra af hvers kyns snúrum og köplum sem fylgdu útsendingarstarfseminni. Veggir hafa verið felldir, klæðningar fjarlægðar og allt gólfefnið rifið burt. Að framkvæmdunum loknum mun Landspítalinn fá afnot af húsinu en til stendur að nýta rýmið undir hvers kyns skrifstofustarfsemi spítalans. Skrifstofur Landspítalans eru nú á Eiríksstöðum við Eiríksgötu 5, rétt við Hallgrímskirkju. Ætlunin er að nota það húsnæði undir klíníska starfsemi spítalans, en t.a.m. hefur verið vöntun á húsnæði fyrir göngudeildir spítalans.Tugþúsundir ökumanna keyra framhjá húsnæðinu í Skaftahlíð á hverjum degi.Vísir/Vilhelm50 kílómetrar af köplum Þær Árdís Björk Jónsdóttir og Sif Sturludóttir, yfirmenn hjá Sýn, eru meðal þeirra sem hafa haft veg og vanda af flutningunum frá Skaftahlíð yfir á Suðurlandsbraut - og þeim þykir mikið til þeirra koma. Það sé hægara sagt en gert að flytja útsendingar 13 sjónvarpsstöðva með húð og hári á milli staða án þess að mikil röskun verði á. „Erlendir sérfræðingar sem við höfum rætt við í ferlinu telja nokkuð öruggt að þetta sé heimsmet í flutningum,“ segir Árdís en fyrirtækið Grass Valley, sem sérhæfir sig í flutningum sjónvarpsstöðva, hefur verið Sýn innan handar í ferlinu. Fá fordæmi séu fyrir því að jafn flókin og umfangsmikil ljósvakamiðlastarfsemi sé flutt á jafn skömmum tíma og gert var í þessu tilfelli. Ekki sé þó fullkomlega hægt að útiloka að einhverjar truflanir verði á útsendingunum og vona þær að áhorfendur sýni því skilning í ljósi þess gríðarstóra verkefnis sem senn er að baki.Ný aðalstjórn útsendingar á Suðurlandsbraut 10.Vísir/StefánÞað er ekki ofsögum sagt að verkefnið hafi verið umfangsmikið. Því til staðfestingar bendir Sif á að í nýja húsnæði ljósvakamiðlanna á Suðurlandsbraut hafi verið lagðir um 50 kílómetrar af svokölluðum Cat6 fjarskiptastrengjum og næstum 2 kílómetrar af 24xSM ljósleiðarastrengjum. Þá séu alls „35 eintök af 24 porta krosstengibrettum í nýju höfuðstöðvunum og 600 metrar af Beldan Coax-köplum.“ Árdís og Sif segja þetta búnaðarflóð megi að hluta rekja til þess að í upphafi ferlisins hafi verið tekin ákvöðun um að nýta flutningana til að ráðast í allsherjar endurnýjun á útsendingarbúnaði ljósvakamiðlanna. Til að mynda hafi hinn svokallaði kjarnabúnaður verið uppfærður. Það leggi grunn að því að hefja útsendingar í 4K háskerpu í náinni framtíð. „Þá erum við einnig að færa vídeóflæðið okkar úr því að vera hliðrænt yfir í að vera IP-based,“ segir Árdís og bætir við að allar breytingarnar feli einnig í sér aukið rekstraröryggi útsendinganna. Með þessum áfanga hefur öll starfsemi Sýnar, sem varð til við sameiningu Fjarskipta og 365 miðla, verið færð í samliggjandi hús við Suðurlandsbraut 8-10. Síðastliðið sumar voru ný hljóðver Bylgjunnar, FM957 og X977 tekin í notkun, fyrir jól færði fréttastofan útsendingar á kvöldfréttum og í janúar tók Stöð 2 Sport að senda út sérþætti sína frá Suðurlandsbraut.Horft í vesturátt yfir hæðina þar sem fréttastofa Stöðvar 2, Vísis og Bylgunnar hafði aðsetur í Skaftahlíð um árabil.Vísir/VilhelmHorft í austur á sömu hæð. Síðustu mánuðina fyrir flutninga voru þetta heimkynni þýðingadeildar Stöðvar 2.Vísir/VilhelmÞað þarf líklega eitthvað meira en einn kúst til að taka til hreinsa upp Skaftahlíðina.Vísir/VilhelmMyndver kvöldfrétta Stöðvar 2 var vinstra megin á myndinni.Vísir/VilhelmVísir er í eigu Sýnar hf. Fjölmiðlar Tækni Tengdar fréttir Úr kjallaranum yfir í glæný hljóðver með útsýni yfir Laugardalinn Í dag hóf Bylgjan, FM957 og X-977 útsendingar sínar úr glænýjum hljóðverum í húsnæði Sýnar við Suðurlandsbraut 8. 8. ágúst 2018 14:30 Bein útsending: Kvöldfréttir Stöðvar 2 í fyrsta sinn frá Suðurlandsbraut Um 350 manns var sagt upp störfum hjá WOW air í dag. Skúli Mogensen, forstjóri WOW, segir aðgerðina hafa verið nauðsynlega til að einfalda reksturinn og hverfa aftur til sama rekstrarmódels og var notað árið 2016. 13. desember 2018 18:00 Mest lesið Þrotabú Wok on vill tugmilljóna endurgreiðslu frá Kristjáni Viðskipti innlent Horfðu á hallærislegt sjónvarpsefni og úðuðu í sig bragðaref Atvinnulíf Salzburg úr sögunni hjá Play Viðskipti innlent „Myndi alveg segja að hjartað í mér hafi verið í buxunum“ Atvinnulíf Samherji hvetur Odd Eystein til frekari verka Viðskipti innlent Að hætta að vera vandræðaleg í nýrri vinnu Atvinnulíf Frá RÚV til Coca-Cola Viðskipti innlent Enginn þarf að vera giftur lánunum sínum út lánstímann Samstarf Ellefu milljarða lán til að byggja upp veitukerfi og verjast loftslagsvá Viðskipti innlent Spá sömuleiðis óbreyttum stýrivöxtum Viðskipti innlent Fleiri fréttir Ellefu milljarða lán til að byggja upp veitukerfi og verjast loftslagsvá Salzburg úr sögunni hjá Play Samherji hvetur Odd Eystein til frekari verka Spá sömuleiðis óbreyttum stýrivöxtum Þrotabú Wok on vill tugmilljóna endurgreiðslu frá Kristjáni Fríar skólamáltíðir séu skammgóður vermir Frá RÚV til Coca-Cola Verulega minni verðbólga Mun leiða ferskvatnseldi hjá First Water Sátt Eimskipa við Samkeppniseftirlitið kom Samskipum ekki við Óvíða sem flugstarfsemi er jafn stór þáttur í efnahagslífi þjóðar Spá enn einum fundinum án breytingar Icelandair hækkað um ríflega fjórðung Munu fljúga til Nashville næsta sumar Rúv tapað nærri hálfum milljarði á árinu Átta sagt upp hjá Arion banka Bein útsending: Ársfundur Orkustofununar á Akureyri Hagnaður félags Björns Braga dróst verulega saman Ummæli seðlabankastjóra „skringileg“ Icelandair fyrsta samstarfsflugfélag bandarísks risa Spá verðbólgu undir fjórum prósentum á næsta ári Fjármálaeftirlitið samþykkir samruna Landsbankans og TM Verður framkvæmdastjóri á hugbúnaðarsviði Origo Geta veitt fyrirtækjum hagstæðari lán Telur vaxtahækkanir viðskiptabankanna brattar Bein útsending: Haustráðstefna Stjórnvísi – Snjöll framtíð Þrálát verðbólga og hægari vöxtur geti skapað áskoranir fyrir fjármálakerfið Hrönn, Viktor og Þórdís til Varðar Ísak Einar til Samtaka atvinnulífsins Andri aðstoðarframkvæmdastjóri Júní Sjá meira
Allt er á tjá og tundri í Skaftahlíð 24 þessa dagana. Húsnæðið hýsti áður starfsemi fréttastofu Stöðvar 2, Vísis og Bylgjunnar, auk þeirra rúmlega 20 útvarps- og sjónvarpsstöðva sem sendar voru út frá Skaftahlíð um árabil. Síðustu mánuði hefur hins vegar verið unnið að flutningi allrar starfseminnar í höfuðstöðvar Sýnar á Suðurlandsbraut 8 og 10. Lokahnykkur flutninganna á sér svo stað í nótt, þegar allar útsendingar Stöðvar 2, Stöðvar 2 Sport og hinna 11 sjónvarpsstöðva Sýnar verða fluttar formlega frá Skaftahlíð yfir á Suðurlandsbraut. Þessum flutningum hefur eðlilega fylgt mikið rask í Skaftahlíð, til að mynda hafa verið grafnir upp fleiri kílómetra af hvers kyns snúrum og köplum sem fylgdu útsendingarstarfseminni. Veggir hafa verið felldir, klæðningar fjarlægðar og allt gólfefnið rifið burt. Að framkvæmdunum loknum mun Landspítalinn fá afnot af húsinu en til stendur að nýta rýmið undir hvers kyns skrifstofustarfsemi spítalans. Skrifstofur Landspítalans eru nú á Eiríksstöðum við Eiríksgötu 5, rétt við Hallgrímskirkju. Ætlunin er að nota það húsnæði undir klíníska starfsemi spítalans, en t.a.m. hefur verið vöntun á húsnæði fyrir göngudeildir spítalans.Tugþúsundir ökumanna keyra framhjá húsnæðinu í Skaftahlíð á hverjum degi.Vísir/Vilhelm50 kílómetrar af köplum Þær Árdís Björk Jónsdóttir og Sif Sturludóttir, yfirmenn hjá Sýn, eru meðal þeirra sem hafa haft veg og vanda af flutningunum frá Skaftahlíð yfir á Suðurlandsbraut - og þeim þykir mikið til þeirra koma. Það sé hægara sagt en gert að flytja útsendingar 13 sjónvarpsstöðva með húð og hári á milli staða án þess að mikil röskun verði á. „Erlendir sérfræðingar sem við höfum rætt við í ferlinu telja nokkuð öruggt að þetta sé heimsmet í flutningum,“ segir Árdís en fyrirtækið Grass Valley, sem sérhæfir sig í flutningum sjónvarpsstöðva, hefur verið Sýn innan handar í ferlinu. Fá fordæmi séu fyrir því að jafn flókin og umfangsmikil ljósvakamiðlastarfsemi sé flutt á jafn skömmum tíma og gert var í þessu tilfelli. Ekki sé þó fullkomlega hægt að útiloka að einhverjar truflanir verði á útsendingunum og vona þær að áhorfendur sýni því skilning í ljósi þess gríðarstóra verkefnis sem senn er að baki.Ný aðalstjórn útsendingar á Suðurlandsbraut 10.Vísir/StefánÞað er ekki ofsögum sagt að verkefnið hafi verið umfangsmikið. Því til staðfestingar bendir Sif á að í nýja húsnæði ljósvakamiðlanna á Suðurlandsbraut hafi verið lagðir um 50 kílómetrar af svokölluðum Cat6 fjarskiptastrengjum og næstum 2 kílómetrar af 24xSM ljósleiðarastrengjum. Þá séu alls „35 eintök af 24 porta krosstengibrettum í nýju höfuðstöðvunum og 600 metrar af Beldan Coax-köplum.“ Árdís og Sif segja þetta búnaðarflóð megi að hluta rekja til þess að í upphafi ferlisins hafi verið tekin ákvöðun um að nýta flutningana til að ráðast í allsherjar endurnýjun á útsendingarbúnaði ljósvakamiðlanna. Til að mynda hafi hinn svokallaði kjarnabúnaður verið uppfærður. Það leggi grunn að því að hefja útsendingar í 4K háskerpu í náinni framtíð. „Þá erum við einnig að færa vídeóflæðið okkar úr því að vera hliðrænt yfir í að vera IP-based,“ segir Árdís og bætir við að allar breytingarnar feli einnig í sér aukið rekstraröryggi útsendinganna. Með þessum áfanga hefur öll starfsemi Sýnar, sem varð til við sameiningu Fjarskipta og 365 miðla, verið færð í samliggjandi hús við Suðurlandsbraut 8-10. Síðastliðið sumar voru ný hljóðver Bylgjunnar, FM957 og X977 tekin í notkun, fyrir jól færði fréttastofan útsendingar á kvöldfréttum og í janúar tók Stöð 2 Sport að senda út sérþætti sína frá Suðurlandsbraut.Horft í vesturátt yfir hæðina þar sem fréttastofa Stöðvar 2, Vísis og Bylgunnar hafði aðsetur í Skaftahlíð um árabil.Vísir/VilhelmHorft í austur á sömu hæð. Síðustu mánuðina fyrir flutninga voru þetta heimkynni þýðingadeildar Stöðvar 2.Vísir/VilhelmÞað þarf líklega eitthvað meira en einn kúst til að taka til hreinsa upp Skaftahlíðina.Vísir/VilhelmMyndver kvöldfrétta Stöðvar 2 var vinstra megin á myndinni.Vísir/VilhelmVísir er í eigu Sýnar hf.
Fjölmiðlar Tækni Tengdar fréttir Úr kjallaranum yfir í glæný hljóðver með útsýni yfir Laugardalinn Í dag hóf Bylgjan, FM957 og X-977 útsendingar sínar úr glænýjum hljóðverum í húsnæði Sýnar við Suðurlandsbraut 8. 8. ágúst 2018 14:30 Bein útsending: Kvöldfréttir Stöðvar 2 í fyrsta sinn frá Suðurlandsbraut Um 350 manns var sagt upp störfum hjá WOW air í dag. Skúli Mogensen, forstjóri WOW, segir aðgerðina hafa verið nauðsynlega til að einfalda reksturinn og hverfa aftur til sama rekstrarmódels og var notað árið 2016. 13. desember 2018 18:00 Mest lesið Þrotabú Wok on vill tugmilljóna endurgreiðslu frá Kristjáni Viðskipti innlent Horfðu á hallærislegt sjónvarpsefni og úðuðu í sig bragðaref Atvinnulíf Salzburg úr sögunni hjá Play Viðskipti innlent „Myndi alveg segja að hjartað í mér hafi verið í buxunum“ Atvinnulíf Samherji hvetur Odd Eystein til frekari verka Viðskipti innlent Að hætta að vera vandræðaleg í nýrri vinnu Atvinnulíf Frá RÚV til Coca-Cola Viðskipti innlent Enginn þarf að vera giftur lánunum sínum út lánstímann Samstarf Ellefu milljarða lán til að byggja upp veitukerfi og verjast loftslagsvá Viðskipti innlent Spá sömuleiðis óbreyttum stýrivöxtum Viðskipti innlent Fleiri fréttir Ellefu milljarða lán til að byggja upp veitukerfi og verjast loftslagsvá Salzburg úr sögunni hjá Play Samherji hvetur Odd Eystein til frekari verka Spá sömuleiðis óbreyttum stýrivöxtum Þrotabú Wok on vill tugmilljóna endurgreiðslu frá Kristjáni Fríar skólamáltíðir séu skammgóður vermir Frá RÚV til Coca-Cola Verulega minni verðbólga Mun leiða ferskvatnseldi hjá First Water Sátt Eimskipa við Samkeppniseftirlitið kom Samskipum ekki við Óvíða sem flugstarfsemi er jafn stór þáttur í efnahagslífi þjóðar Spá enn einum fundinum án breytingar Icelandair hækkað um ríflega fjórðung Munu fljúga til Nashville næsta sumar Rúv tapað nærri hálfum milljarði á árinu Átta sagt upp hjá Arion banka Bein útsending: Ársfundur Orkustofununar á Akureyri Hagnaður félags Björns Braga dróst verulega saman Ummæli seðlabankastjóra „skringileg“ Icelandair fyrsta samstarfsflugfélag bandarísks risa Spá verðbólgu undir fjórum prósentum á næsta ári Fjármálaeftirlitið samþykkir samruna Landsbankans og TM Verður framkvæmdastjóri á hugbúnaðarsviði Origo Geta veitt fyrirtækjum hagstæðari lán Telur vaxtahækkanir viðskiptabankanna brattar Bein útsending: Haustráðstefna Stjórnvísi – Snjöll framtíð Þrálát verðbólga og hægari vöxtur geti skapað áskoranir fyrir fjármálakerfið Hrönn, Viktor og Þórdís til Varðar Ísak Einar til Samtaka atvinnulífsins Andri aðstoðarframkvæmdastjóri Júní Sjá meira
Úr kjallaranum yfir í glæný hljóðver með útsýni yfir Laugardalinn Í dag hóf Bylgjan, FM957 og X-977 útsendingar sínar úr glænýjum hljóðverum í húsnæði Sýnar við Suðurlandsbraut 8. 8. ágúst 2018 14:30
Bein útsending: Kvöldfréttir Stöðvar 2 í fyrsta sinn frá Suðurlandsbraut Um 350 manns var sagt upp störfum hjá WOW air í dag. Skúli Mogensen, forstjóri WOW, segir aðgerðina hafa verið nauðsynlega til að einfalda reksturinn og hverfa aftur til sama rekstrarmódels og var notað árið 2016. 13. desember 2018 18:00