Biðst afsökunar á að hafa kennt Jordyn Woods um sundrung fjölskyldunnar

Khloé Kardashian hefur dregið til baka ummæli sín þar sem hún segir Jordyn Woods bera ábyrgð á sundrung fjölskyldu sinnar. Woods hefur verið í sviðsljósinu eftir að fregnir bárust af því hún hefði eytt nóttu með barnsföður Khloé, Tristan Thompson.

Woods tjáði sig í fyrsta sinn opinberlega í viðtalsþætti Jada Pinkett Smith á föstudag og sakaði Khloé hana um lygar í kjölfarið. Nú virðist raunveruleikastjarnan hafa dregið í land og segist sjá eftir ummælum sínum í garð Woods.

This has been an awful week & I know everyone is sick of hearing about it all (as am I). I’m a rollercoaster of emotions & have said things I shouldn’t have. Honestly, Tristan cheating on me & humiliating me, wasn’t such a shock as the first time.

— Khloé (@khloekardashian) 2 March 2019

„Þessi vika er búin að vera hræðileg og ég veit að allir eru komnir með leið á að heyra þetta (þar á meðal ég). Ég er tilfinningarússíbani og hef sagt hluti sem ég hefði betur sleppt. Í allri hreinskilni, það að Tristan hafi haldið fram hjá mér og niðurlægt mig var ekki svona mikið áfall í fyrsta skiptið,“ skrifaði Khloé á Twitter-síðu sinni.

Hún bætti við að það hefði verið ósanngjarnt að kenna Woods um sundrung fjölskyldunnar. Það hafi verið erfitt að manneskja í hennar nánasta hring hafi sært hana svo mikið, enda hafi hún litið á Woods sem hluta af fjölskyldunni, en sökin liggi hjá Thompson sjálfum.

What’s been harder & more painful is being hurt by someone so close to me. Someone whom I love & treat like a little sister. But Jordyn is not to be blamed for the breakup of my family. This was Tristan’s fault.

— Khloé (@khloekardashian) 2 March 2019

Að lokum segist Khloé ætla að halda áfram með lífið og vera þakklát fyrir fjölskylduna, heilsuna og dóttur sína True.

I have to move on with my life & count my blessings, my family, my health, & my beautiful baby True.

— Khloé (@khloekardashian) 2 March 2019