Stjórnvöld skrifa undir samkomulag við FAO Heimsljós kynnir 22. mars 2019 16:30 María Erla Marelsdóttir skrifstofustjóri þróunarsamvinnu og Árni M. Mathiesen aðstoðarframkvæmdastjóri fiskveiðisviðs hjá FAO. „Fiskveiðar, bláa hagkerfið og heilbrigð höf eru lykilþættir fyrir Ísland og stefnu okkar í þróunarsamvinnu. Við lítum því á samkomulagið við Matvæla- og landbúnaðarstofnun Sameinuðu þjóðanna (FAO) sem góða leið til þess að styðja heimsmarkmiðin um sjálfbæra þróun,“ segir María Erla Marelsdóttir, sendiherra og skrifstofustjóri þróunarsamvinnuskrifstofu utanríkisráðuneytisins, sem skrifaði í gær fyrir Íslands hönd undir rammasamning við FAO. Samkvæmt samkomulaginu ætla FAO og Ísland að vinna náið saman að verkefnum sem stuðla að langtímavernd vistkerfa sjávar og felur í sér meðal annars fjárhagslegan og tæknilegan stuðning af Íslands hálfu. Þrír meginþættir samkomulagins eru baráttan gegn ólöglegum fiskveiðum, meðal annars með innleiðingu alþjóðlegs samnings hafnríkja um aðgerðir til að fyrirbyggja, hindra og uppræta ólöglegar, ótilkynntar og eftirlitslausar veiðar; í öðru lagi aðgerðir gegn rusli í höfum, sérstaklega plasti, glötuðum veiðafærum og drauganetum; og í þriðja lagi stuðning við sjóð innan FAO þar sem ein stoðin nefnist ,,Blue growth”. Árni M. Mathiesen aðstoðarframkvæmdastjóri fiskveiðisviðs FAO fagnaði undirritun samningsins og sagði að stofnunin hafi ævinlega átt stuðning Íslands vísan, einkanlega á sviði fiskimála. Samkomulag FAO og Íslands tengist beint fjórtánda heimsmarkmiðinu, um líf í vatni, en einnig öðrum heimsmarkmiðum eins og baráttunni gegn hungri.Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Mest lesið Myndband með jólalagi lykilsönnunargagn í fíkniefnamáli Innlent Ráðherra segir fyrirkomulag borgaraþjónustunnar á Spáni ósjálfbært Innlent Vill koma upp mótttöku flóttamanna við Kaffi Vest Innlent Everest fullt af rusli sem mun taka fleiri ár að hreinsa Erlent Háttsettir þingmenn sagðir vilja að Biden stígi til hliðar Erlent Mikil uppbygging framundan á Borg í Grímsnesi Innlent Meintur strípalingur og sjö til viðbótar gistu fangageymslur lögreglu Innlent Egill syrgir brottvísun vina sinna Innlent Attal segir af sér og Melénchon vill stjórnarmyndunarumboð Erlent Komu sér af vettvangi eftir árás á fjóra á veitingastað Innlent
„Fiskveiðar, bláa hagkerfið og heilbrigð höf eru lykilþættir fyrir Ísland og stefnu okkar í þróunarsamvinnu. Við lítum því á samkomulagið við Matvæla- og landbúnaðarstofnun Sameinuðu þjóðanna (FAO) sem góða leið til þess að styðja heimsmarkmiðin um sjálfbæra þróun,“ segir María Erla Marelsdóttir, sendiherra og skrifstofustjóri þróunarsamvinnuskrifstofu utanríkisráðuneytisins, sem skrifaði í gær fyrir Íslands hönd undir rammasamning við FAO. Samkvæmt samkomulaginu ætla FAO og Ísland að vinna náið saman að verkefnum sem stuðla að langtímavernd vistkerfa sjávar og felur í sér meðal annars fjárhagslegan og tæknilegan stuðning af Íslands hálfu. Þrír meginþættir samkomulagins eru baráttan gegn ólöglegum fiskveiðum, meðal annars með innleiðingu alþjóðlegs samnings hafnríkja um aðgerðir til að fyrirbyggja, hindra og uppræta ólöglegar, ótilkynntar og eftirlitslausar veiðar; í öðru lagi aðgerðir gegn rusli í höfum, sérstaklega plasti, glötuðum veiðafærum og drauganetum; og í þriðja lagi stuðning við sjóð innan FAO þar sem ein stoðin nefnist ,,Blue growth”. Árni M. Mathiesen aðstoðarframkvæmdastjóri fiskveiðisviðs FAO fagnaði undirritun samningsins og sagði að stofnunin hafi ævinlega átt stuðning Íslands vísan, einkanlega á sviði fiskimála. Samkomulag FAO og Íslands tengist beint fjórtánda heimsmarkmiðinu, um líf í vatni, en einnig öðrum heimsmarkmiðum eins og baráttunni gegn hungri.Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Mest lesið Myndband með jólalagi lykilsönnunargagn í fíkniefnamáli Innlent Ráðherra segir fyrirkomulag borgaraþjónustunnar á Spáni ósjálfbært Innlent Vill koma upp mótttöku flóttamanna við Kaffi Vest Innlent Everest fullt af rusli sem mun taka fleiri ár að hreinsa Erlent Háttsettir þingmenn sagðir vilja að Biden stígi til hliðar Erlent Mikil uppbygging framundan á Borg í Grímsnesi Innlent Meintur strípalingur og sjö til viðbótar gistu fangageymslur lögreglu Innlent Egill syrgir brottvísun vina sinna Innlent Attal segir af sér og Melénchon vill stjórnarmyndunarumboð Erlent Komu sér af vettvangi eftir árás á fjóra á veitingastað Innlent