Öflugt teymi fagmanna hjá Litla kletti

Litli klettur er öflugt iðnaðarfyrirtæki sem sinnir margs konar erfiðum verkefnum sem snúa að steinslípun, múrbroti, steinsögun, kjarnaborun, niðurrifi og almennri erfiðisvinnu.

„Við erum með öflugar sagir og bora sem komast í gegnum hvaða vegg, loft eða gólf sem er, óháð steypugerð og þykkt og einnig gegnum klappir,” segir Guðbjartur Jónsson, einn eigenda Litla kletts. „Verkefnin eru fjölbreytt og fólk getur leitað til okkar með hvað sem er, enda er slagorðið okkar: Engin vandamál, bara verkefni sem þarf að vinna! Við erum vanir því að bretta upp ermar og erum síður en svo hræddir við að verða skítugir á höndunum,“ segir Guðbjartur.

Steypu- og steinslípun

„Litli klettur hefur um árabil verið leiðandi fyrirtæki í steinslípun á Íslandi og hjá okkur starfa reyndir starfsmenn sem vinna verkin fljótt og vel. Stærstur hluti steinslípunar sem við sinnum er slípun á nýbyggingum, bæði loft og veggir, en einnig er alltaf eitthvað um að slípa þurfi í eldri húsum vegna breytinga eða annars. Við höfum slípað hraunaða, steinaða og málaða veggi, ásamt því að talsvert er um að slípa niður flísalím, dúkalím, málningu og ýmislegt annað,“ segir Guðbjartur.

Litli klettur er til húsa að Járnhálsi 5F, 110 Reykjavík og er opið alla virka daga milli klukkan 8 og 17. Nánari upplýsingar er að finna á heimasíðu fyrirtækisins litliklettur.is. Einnig má hringja í síma 699 0355 eða senda tölvupóst á lk@litliklettur.is.

Þessi kynning er unnin í samstarfi við Litla klett.