Rodgers að rétta skútuna af hjá Leicester Kristinn Páll Teitsson skrifar 8. apríl 2019 15:00 Brendan Rodgers hefur náð að vekja sóknarleik Leicester og með því enska lands liðsframherjann Jamie Vardy aftur til lífsins. Vardy skoraði tvívegis um helgina og virðist njóta þess að spila undir stjórn Rodgers hjá Leicester. Fréttablaðið/Getty Það virðist vera allt önnur ára yfir liði Leicester þessa dagana undir stjórn Brendans Rodgers og eru Refirnir farnir að minna á sig í baráttunni um sjöunda sætið sem mun að öllum líkindum veita þátttökurétt í Evrópudeildinni á næsta tímabili. Síðan Rodgers var ráðinn sem þjálfari liðsins hefur Leicester unnið fimm leiki af sex og komst upp fyrir Úlfana í sjöunda sætið um helgina en Wolves á reyndar leik til góða. Fari svo að Manchester City hampi enska bikarnum fær sjöunda sætið í lok tímabilsins þáttökurétt í Evrópudeildinni á næsta ári. Leicester gerði góða ferð til Huddersfield um helgina og vann 4-1 sigur þar sem Jamie Vardy skoraði tvívegis og miðjumennirnir ungu Youri Tielemans og James Maddison skoruðu sitt hvort markið. Þetta var fimmti sigur Leicester á síðustu fimm vikum þrátt fyrir að landsleikjahlé sé inn í því eftir fimm sigra á fimm mánuðum þar áður. Lengi var búið að tala um meint ósætti leikmanna Leicester undir stjórn hins franska Claude Puel framan af tímabili en með góðum úrslitum gegn stórliðunum tókst Puel að framlengja starfsferil sinn þar til undir lok febrúar. Tap fyrir Crystal Palace, 1-4 og það á heimavelli, var kornið sem fyllti mælinn hjá stjórn Leicester sem sýndi litla miskunn og rak fjórða þjálfarann á fjórum árum. Rodgers er búinn að fara aftur í það sem hefur skilað Leicester góðum árangri og góðum úrslitum undanfarin ár. Leikstíll liðsins gengur út á að nýta styrkleika Jamie Vardy til hins ýtrasta og Vardy þrífst best þegar hann finnur fyrir trausti þjálfara síns. Vardy sýndi útsjónarsemi og var vel staðsettur í fyrra marki sínu um helgina og í því seinna krækti hann í vítaspyrnu sem hann nýtti svo sjálfur. Vardy er kominn með fimmtán mörk í 29 leikjum það sem af er tímabilinu, þar af sjö þeirra í síðustu sex leikjum. Með öðru marki sínu um helgina skaust Vardy upp fyrir Gary Lineker í sjötta sæti yfir markahæstu leikmennina í sögu Leicester með 104 mörk í 265 leikjum. Vardy vantar fjórtán mörk til að komast í fjórða sætið, upp fyrir Derek Hines og Arthur Lochhead en hægt er að útiloka að Vardy nái meti Arthurs Chandler sem skoraði á sínum tíma 273 mörk fyrir Leicester. „Gary var framherji í fremstu röð en ég hef notið þess að vinna með Jamie Vardy frá fyrsta degi,“ sagði Rodgers, aðspurður út í afrek Vardys um helgina. Vardy varð 32 ára fyrr á þessu ári en það virðist ekkert vera að hægjast á honum. „Hann er áfjáður í að bæta sig og verða betri knattspyrnumaður og leikstíll liðsins hentar honum vel. Þegar allt liðið reynir að pressa á andstæðinga okkar þá skapast oft færi fyrir framherja eins og Jamie. Hann er löngu búinn að sanna sig sem einn af bestu framherjum deildarinnar og hann vill halda sér í þeim flokki.“ Fyrir aftan Vardy hefur James Maddison blómstrað á fyrsta tímabili sínu í ensku úrvalsdeildinni. Það voru mörg lið áhugasöm um Maddison síðasta sumar þegar hann ákvað að semja við Leicester og hefur hann staðið undir væntingum sem lykilmaður á sínu fyrsta tímabili í ensku úrvalsdeildinni. Hann skoraði sjöunda mark sitt í deildinni um helgina beint úr aukaspyrnu sem er þriðja mark hans úr aukaspyrnu á tímabilinu. Hann er á hraðferð upp listann yfir flest aukaspyrnumörk í ensku úrvalsdeildinni þar sem 24 manns hafa skorað fjögur mörk eða fleiri. „Hann er mikið efni og á sama tíma frábær leikmaður. Ég sá hann fyrst þegar hann var í láni hjá Aberdeen þegar ég var með Celtic og sá hvað í hann var spunnið. Hann vinnur í því að bæta sig á hverjum degi og eyðir miklum tíma í aukaspyrnurnar svo að þetta kemur mér ekki á óvart.“ Birtist í Fréttablaðinu Enski boltinn Mest lesið Áhorfandi fékk sex milljónir fyrir ótrúlegt skot Fótbolti Ten Hag verði ekki rekinn Enski boltinn Leikurinn ekki stöðvaður þó svo maður hafi dáið í stúkunni Enski boltinn Liverpool ekki meistaraefni: „Eru langt á eftir City og Arsenal“ Enski boltinn Dikembe Mutombo látinn Körfubolti „Viðbjóðsleg“ frammistaða sem lætur stjóra missa starfið Enski boltinn Simeone kennir Courtois um ólætin Fótbolti Ætla að sniðganga leikinn við Víking Fótbolti Spilar ekki gegn Arsenal eftir hávaðarifrildi Fótbolti Í beinni: Stjarnan - ÍA | Leikur sem bæði lið verða að vinna Íslenski boltinn Fleiri fréttir Dómarinn fyrrverandi segir Bruno hafa átt að fá gult Í beinni: Bournemouth - Southampton | Suðurstrandarslagur liða sem vilja á sigurbraut Leikmenn láta í sér heyra: „Við erum í hættu“ Liverpool ekki meistaraefni: „Eru langt á eftir City og Arsenal“ Spilar ekki í deildinni fyrr en í nóvember Ten Hag verði ekki rekinn Leikurinn ekki stöðvaður þó svo maður hafi dáið í stúkunni „Viðbjóðsleg“ frammistaða sem lætur stjóra missa starfið Dagný fékk gult þegar Hamrarnir nældu í sitt fyrsta stig Delap bjargaði stigi fyrir nýliðina Tottenham lék tíu United-menn grátt Upphafið að endinum hjá Ten Hag? Gerði grín að Konaté sem vildi verða maður leiksins Willum Þór skoraði í endurkomu sigri Birmingham Einstakt afrek Brentford dugði skammt en Everton vann loksins Arsenal skaut Refina í blálokin Palmer skoraði fernu í fyrri hálfleik Liverpool á toppnum „Við tökum stiginu“ Vandræði Man City án Rodri halda áfram Stuðningsmaður safnað milljónum eftir að völlur félagsins skemmdist Markvarslan Alisson í blóð borin Efast um dugnað og hugarfar Rashford Tímabilið búið hjá Rodri Man United stefnir á að vinna ensku úrvalsdeildina árið 2028 Samherji Stefáns Teits kærður fyrir meint bit Kroos ætlaði að fara til United en svo var Moyes rekinn Keane: „Arsenal er með hugarfar smáliðs“ Telur sig geta fyllt skarð Rodri Stjóri West Ham meiddist gegn Liverpool og yfirgaf völlinn á hækjum Sjá meira
Það virðist vera allt önnur ára yfir liði Leicester þessa dagana undir stjórn Brendans Rodgers og eru Refirnir farnir að minna á sig í baráttunni um sjöunda sætið sem mun að öllum líkindum veita þátttökurétt í Evrópudeildinni á næsta tímabili. Síðan Rodgers var ráðinn sem þjálfari liðsins hefur Leicester unnið fimm leiki af sex og komst upp fyrir Úlfana í sjöunda sætið um helgina en Wolves á reyndar leik til góða. Fari svo að Manchester City hampi enska bikarnum fær sjöunda sætið í lok tímabilsins þáttökurétt í Evrópudeildinni á næsta ári. Leicester gerði góða ferð til Huddersfield um helgina og vann 4-1 sigur þar sem Jamie Vardy skoraði tvívegis og miðjumennirnir ungu Youri Tielemans og James Maddison skoruðu sitt hvort markið. Þetta var fimmti sigur Leicester á síðustu fimm vikum þrátt fyrir að landsleikjahlé sé inn í því eftir fimm sigra á fimm mánuðum þar áður. Lengi var búið að tala um meint ósætti leikmanna Leicester undir stjórn hins franska Claude Puel framan af tímabili en með góðum úrslitum gegn stórliðunum tókst Puel að framlengja starfsferil sinn þar til undir lok febrúar. Tap fyrir Crystal Palace, 1-4 og það á heimavelli, var kornið sem fyllti mælinn hjá stjórn Leicester sem sýndi litla miskunn og rak fjórða þjálfarann á fjórum árum. Rodgers er búinn að fara aftur í það sem hefur skilað Leicester góðum árangri og góðum úrslitum undanfarin ár. Leikstíll liðsins gengur út á að nýta styrkleika Jamie Vardy til hins ýtrasta og Vardy þrífst best þegar hann finnur fyrir trausti þjálfara síns. Vardy sýndi útsjónarsemi og var vel staðsettur í fyrra marki sínu um helgina og í því seinna krækti hann í vítaspyrnu sem hann nýtti svo sjálfur. Vardy er kominn með fimmtán mörk í 29 leikjum það sem af er tímabilinu, þar af sjö þeirra í síðustu sex leikjum. Með öðru marki sínu um helgina skaust Vardy upp fyrir Gary Lineker í sjötta sæti yfir markahæstu leikmennina í sögu Leicester með 104 mörk í 265 leikjum. Vardy vantar fjórtán mörk til að komast í fjórða sætið, upp fyrir Derek Hines og Arthur Lochhead en hægt er að útiloka að Vardy nái meti Arthurs Chandler sem skoraði á sínum tíma 273 mörk fyrir Leicester. „Gary var framherji í fremstu röð en ég hef notið þess að vinna með Jamie Vardy frá fyrsta degi,“ sagði Rodgers, aðspurður út í afrek Vardys um helgina. Vardy varð 32 ára fyrr á þessu ári en það virðist ekkert vera að hægjast á honum. „Hann er áfjáður í að bæta sig og verða betri knattspyrnumaður og leikstíll liðsins hentar honum vel. Þegar allt liðið reynir að pressa á andstæðinga okkar þá skapast oft færi fyrir framherja eins og Jamie. Hann er löngu búinn að sanna sig sem einn af bestu framherjum deildarinnar og hann vill halda sér í þeim flokki.“ Fyrir aftan Vardy hefur James Maddison blómstrað á fyrsta tímabili sínu í ensku úrvalsdeildinni. Það voru mörg lið áhugasöm um Maddison síðasta sumar þegar hann ákvað að semja við Leicester og hefur hann staðið undir væntingum sem lykilmaður á sínu fyrsta tímabili í ensku úrvalsdeildinni. Hann skoraði sjöunda mark sitt í deildinni um helgina beint úr aukaspyrnu sem er þriðja mark hans úr aukaspyrnu á tímabilinu. Hann er á hraðferð upp listann yfir flest aukaspyrnumörk í ensku úrvalsdeildinni þar sem 24 manns hafa skorað fjögur mörk eða fleiri. „Hann er mikið efni og á sama tíma frábær leikmaður. Ég sá hann fyrst þegar hann var í láni hjá Aberdeen þegar ég var með Celtic og sá hvað í hann var spunnið. Hann vinnur í því að bæta sig á hverjum degi og eyðir miklum tíma í aukaspyrnurnar svo að þetta kemur mér ekki á óvart.“
Birtist í Fréttablaðinu Enski boltinn Mest lesið Áhorfandi fékk sex milljónir fyrir ótrúlegt skot Fótbolti Ten Hag verði ekki rekinn Enski boltinn Leikurinn ekki stöðvaður þó svo maður hafi dáið í stúkunni Enski boltinn Liverpool ekki meistaraefni: „Eru langt á eftir City og Arsenal“ Enski boltinn Dikembe Mutombo látinn Körfubolti „Viðbjóðsleg“ frammistaða sem lætur stjóra missa starfið Enski boltinn Simeone kennir Courtois um ólætin Fótbolti Ætla að sniðganga leikinn við Víking Fótbolti Spilar ekki gegn Arsenal eftir hávaðarifrildi Fótbolti Í beinni: Stjarnan - ÍA | Leikur sem bæði lið verða að vinna Íslenski boltinn Fleiri fréttir Dómarinn fyrrverandi segir Bruno hafa átt að fá gult Í beinni: Bournemouth - Southampton | Suðurstrandarslagur liða sem vilja á sigurbraut Leikmenn láta í sér heyra: „Við erum í hættu“ Liverpool ekki meistaraefni: „Eru langt á eftir City og Arsenal“ Spilar ekki í deildinni fyrr en í nóvember Ten Hag verði ekki rekinn Leikurinn ekki stöðvaður þó svo maður hafi dáið í stúkunni „Viðbjóðsleg“ frammistaða sem lætur stjóra missa starfið Dagný fékk gult þegar Hamrarnir nældu í sitt fyrsta stig Delap bjargaði stigi fyrir nýliðina Tottenham lék tíu United-menn grátt Upphafið að endinum hjá Ten Hag? Gerði grín að Konaté sem vildi verða maður leiksins Willum Þór skoraði í endurkomu sigri Birmingham Einstakt afrek Brentford dugði skammt en Everton vann loksins Arsenal skaut Refina í blálokin Palmer skoraði fernu í fyrri hálfleik Liverpool á toppnum „Við tökum stiginu“ Vandræði Man City án Rodri halda áfram Stuðningsmaður safnað milljónum eftir að völlur félagsins skemmdist Markvarslan Alisson í blóð borin Efast um dugnað og hugarfar Rashford Tímabilið búið hjá Rodri Man United stefnir á að vinna ensku úrvalsdeildina árið 2028 Samherji Stefáns Teits kærður fyrir meint bit Kroos ætlaði að fara til United en svo var Moyes rekinn Keane: „Arsenal er með hugarfar smáliðs“ Telur sig geta fyllt skarð Rodri Stjóri West Ham meiddist gegn Liverpool og yfirgaf völlinn á hækjum Sjá meira