Villi Vill með stórleik í nýju myndbandi Krabba Mane

Lögmaðurinn Vilhjálmur H. Vilhjálmsson er á meðal þeirra sem birtast í nýju myndbandi rapparans Krabba Mane. Lagið „Rútína“ kom út í dag og rappa rappararnir Birgir Hákon og Herra Hnetusmjör einnig í laginu.

Margrét Edda Gnarr bregður sér einnig í hlutverk lögmanns og leikarinn Magnús Jónsson leikur dómara í laginu en rappararnir koma fram sem glæpamenn í laginu. Úr réttarsalnum liggur leið þeirra á Litla-Hraun þar sem gengur á ýmsu.

Tónlistarmyndbandið kom út í dag og þegar þetta er skrifað nálgast það um þrjú þúsund áhorf en það má sjá hér að neðan.