Icelandic Gla­cial stefnir á fram­leiðslu kanna­bis­drykks

Drykkjarvöruframleiðandinn Icelandic Glacial þróar nú sérstakan kannabisdrykk og er stefnt að því að koma honum á markað víða um heim. Drykkurinn á að vera framleiddur úr íslensku vatni og kannabídíóli (CBD), einu af virku efnunum í kannabisplöntunni.

Frá þessu greint í Viðskiptablaðinu í dag. Þar segir að Icelandic Glacial hafi skrifað undir þriggja ára samstarfssamning við bandaríska fyrirtækið Youngevity International fyrr á árinu. Samningurinn kveður á um þróun heilsutengdra vara og verður sérstök áhersla lögð á að þróun drykkjar sem inniheldur CBD.

Jón Ólafsson er stjórnarformaður og stofnandi Icelandic Glacial. Hann segir í samtali við Viðskiptablaðið að drykkurinn verði með lækningamætti og að hann muni hjálpa fólki við ýmsa kvilla og verki. 

Hann segir CBD-olíuna vera selda yfir búðarborðið í nær öllum ríkjum Evrópu þó að Ísland sé ekki í þeim hópi. Þá séu slíkir kannabisdrykkir nú þegar vera komnir á markað í Ameríku og að vonast sé til að drykkurinn verði seldur víða um heim.