Tekur líka að sér ritstjórn Húsa og híbýla

Hanna Ingibjörg Arnarsdóttir er nýr ritstjóri tímaritsins Hús og híbýli. Frá þessu er greint á heimasíðu Mannlífs en bæði blöðin eru rekin af Birtingi þar sem Hanna Ingibjörg hefur starfað undanfarin fjórtán ár.

Hanna tekur við ritstjórastöðunni af Sigríði Elínu Ásmundsdóttur sem ritstýrt hafði blaðinu frá árinu 2010. Þar á undan ritstýrði Tinni Sveinsson blaðinu frá 2006.

Hanna hefur undanfarin þrjú ár ritstýrt Gestgjafanum og mun gera það samhliða ritstjórn Húsa og híbýla.

Auk fyrrnefndra miðla gefur Birtingur út Vikuna.