Stórbrotin aukaspyrna Rashford skaut United í átta liða úrslitin

Manchester United er komið í átta liða úrslit enska deildarbikarsins eftir 2-1 sigur á Chelsea í leik liðanna á Brúnni í kvöld.

United komst yfir með marki úr vítaspyrnu. Þeir klúðruðu tveimur vítaspyrnum um helgina en Marcus Rashford steig á punktinn á 25. mínútu í leiknum í kvöld og skoraði.

Þannig stóðu leikar allt þangað til á 61. mínútu er hinn belgíski Michy Batshuayi skoraði með sínu öðru marki á innan við viku. Hann skoraði sigurmark Chelsea gegn Ajax í síðustu viku.

Sigurmarkið kom hins vegar United megin þegar um stundarfjórðungur var eftir en markið skoraði Rashford úr aukaspyrnu. Hún var algjörlega stórkostleg, upp í bláhornið. Lokatölur 2-1.

2 - Manchester United have recorded back-to-back away wins at Chelsea for the first time since February 1998. Devilish. pic.twitter.com/3XoBFSJfiB

— OptaJoe (@OptaJoe) October 30, 2019

Chelsea er því úr leik þetta árið í enska deildarbikarnum en United er komið áfram ásamt Liverpool, Everton, Leicester, Colchester, Man. City, Oxford og Aston Villa.

Villa vann 2-1 sigur á Wolves í kvöld. Anwar El-Ghazi kom þeim yfir í fyrri hálfleik en á 54. mínútu jafnaði Patrick Cutrona. Ahmed El Mohamady skoraði sigurmarkið þremur mínútum síðar.

Five times League Cup winners Aston Villa are through to the quarter-finals after edging past Wolves in the fourth round of the Carabao Cup.

Match report https://t.co/R1tVxo59YRpic.twitter.com/CzlVZT7b5Y

— BBC Sport (@BBCSport) October 30, 2019