Umfjöllun Bein lýsing Miðstöð Liðin Tölfræði Stöðutafla

Fullkomin byrjun Mourinho

Anton Ingi Leifsson skrifar
Það var líf yfir Mourinho á hliðarlínunni í dag.
Það var líf yfir Mourinho á hliðarlínunni í dag. vísir/getty
Jose Mourinho stýrði Tottenham til sigurs í sínum fyrsta leik með félagið er liðið vann 3-2 sigur á West Ham í grannaslag er liðin mættust á Lundúnarleikvanginum í dag.

Beðið var með mikilli eftirvæntingu eftir þessum fyrsta leik Mourinho sem tók nokkuð óvænt við liðinu á fimmtudaginn eftir að Mauricio Pochettino fékk sparkið á miðvikudagskvöldið.

Jafnvægi var á leiknum í fyrri hálfleik en Tottenham komst í góða stöðu með tveimur mörkum á sjö mínútna kafla undir lok fyrri hálfleiks.

Fyrra markið gerði Son Heung-min á 36. mínútu eftir laglegt spil og Lucas Moura tvöfaldaði svo forystuna eftir að Tottenham hafi ætt upp vinstri kantinn. 2-0 í hálfleik.





Harry Kane elskar að skora gegn West Ham og hann skoraði þriðja markið á fjórðu mínútu síðari hálfleiks með hörku skalla eftir fyrirgjöf Serge Aurier.





Varamaðurinn Michail Antonio setti smá líf í leikinn á 73. mínútu er hann minnkaði muninn í 3-1 með hörkuskoti.

West Ham minnkaði muninn enn frekar á 95. mínútu leiksins er Angelo Ogbonna kom boltanm í netið eftir hornspyrnu. Nær komust þeir ekki og lokatölur 3-2.

Með sigrinum hoppar Tottenham upp í 6. sætið. Liðið er með sautján stig en West Ham er í 16. sætinu með þrettán stig. Afleitt gengi hjá þeim að undanförnu og farið að hitna verulega undir Manuel Pellegrini.







Bein lýsing

Leikirnir

    Sjá alla

    Mest lesið


    Fleiri fréttir

    Sjá meira

    Mest lesið