Dusty deildarmeistari Vodafone-deildarinnar Ólafur Hrafn Steinarsson skrifar 7. maí 2020 20:00 Dusty Counter Strike liðið Dusty tryggði sér í gær deildarmeistaratitil Vodafone Deildarinnar í rafíþróttum með 2-0 sigri á Fylki í æsispennandi viðureign. Fylkir voru taplausir fyrir leikinn og Dusty aðeins með eitt tap og því var allt undir þegar liðin mættust í gærkvöldi í beinni útsendingu á Stöð 2 eSport. Fyrirkomulagið í keppninni var þannig að annað liðið þurfti að vera á undan að vinna tvo leiki til að tryggja sér sigur, og kallast þetta “best of 3” sería. Leikur 1 - Overpass Fyrsti leikurinn var spilaður á borði sem kallast Overpass og var það valið af Dusty. Dusty byrjuðu betur en Fylkismenn létu ekki draga úr sér og tóku stjórnina á leiknum í seinni hluta fyrri hálfleiks. Staðan í hálfleik var 9 lotur fyrir Fylki en 6 fyrir Dusty. Það var þó eins og þjálfari Dusty manna hafi haldið eldræðu yfir þeim í hálfleik en í seinni hálfleik slepptu Dusty aldrei takinu á leiknum og tryggðu sér sigur í fyrsta borðinu með 16 lotum á móti 10. Leikur 2 - Vertigo Leikur númer tvö var spilaður á borði sem kallast Vertigo og var það valið af Fylki. Aftur byrjuðu Dusty betur en Fylkir fylgdu fast á eftir og var staðan nokkuð jöfn þangað til í lok fyrri hálfleiks, en þá náðu Dusty að sigla aðeins framúr. Staðan í hálfleik var 9 lotur gegn 6 Dusty í vil. Seinni hálfleikur leiksins var sennilega einn mest spennandi hálfleikur í sögu Counter Strike á Íslandi og komu Dusty menn sér snemma í 12 lotur og vantaði bara 4 lotur uppá að fara með sigur í þessu borði, seríunni og deildinni allri, en þá svöruðu Fylkismenn fyrir sig og náðu að jafna leikinn í stöðunni 13-13. Fylkir komust síðan yfir í fyrsta sinn í langan tíma í leiknum og vantaði eina lotu uppá að tryggja framlengingu og tækifæri á að spila þriðja og síðasta borðið í seríunni. En það var að lokum Dusty sem náði að klára síðustu tvær loturnar og tryggja sér sigurinn og deildarmeistaratitilinn í Vodafone-deildinni. Klippa: Fylkir vs. Dusty - Vodafone-deildin Næst á dagskrá er Stórmót Vodafone í CS:GO og League of Legends sem hefst helgina 16. og 17. maí. Skráning í mótið er opin og er hægt að skrá sig á síðunni challengermode.com/s/RISI. Vodafone-deildin Mest lesið Hætti við að giftast fótboltastjörnunni af því að allt var skráð á móður hans Fótbolti Nýja Liverpool stjarnan fær sultarlaun Enski boltinn Blikar mæta Loga, Shakhtar og Shamrock Fótbolti Mourinho rekinn frá Fenerbahce Fótbolti Framtíð Maríu hjá Marseille í óvissu eftir uppþotið í æfingaleik Fótbolti Landsliðsþjálfarinn vissi ekkert um útspil Haaland Fótbolti „Negldi Tryggva með hnénu, hoppaði á hann og fór í höndina“ Körfubolti „Sérfræðingurinn má hringja í mig og koma með þetta plan B“ Körfubolti Aron spilar síðasta leikinn: „Held að ég sé ekki búinn að gleyma öllu“ Handbolti Hákon mætir Frey, Sævari og Eggerti í Evrópudeildinni Fótbolti
Counter Strike liðið Dusty tryggði sér í gær deildarmeistaratitil Vodafone Deildarinnar í rafíþróttum með 2-0 sigri á Fylki í æsispennandi viðureign. Fylkir voru taplausir fyrir leikinn og Dusty aðeins með eitt tap og því var allt undir þegar liðin mættust í gærkvöldi í beinni útsendingu á Stöð 2 eSport. Fyrirkomulagið í keppninni var þannig að annað liðið þurfti að vera á undan að vinna tvo leiki til að tryggja sér sigur, og kallast þetta “best of 3” sería. Leikur 1 - Overpass Fyrsti leikurinn var spilaður á borði sem kallast Overpass og var það valið af Dusty. Dusty byrjuðu betur en Fylkismenn létu ekki draga úr sér og tóku stjórnina á leiknum í seinni hluta fyrri hálfleiks. Staðan í hálfleik var 9 lotur fyrir Fylki en 6 fyrir Dusty. Það var þó eins og þjálfari Dusty manna hafi haldið eldræðu yfir þeim í hálfleik en í seinni hálfleik slepptu Dusty aldrei takinu á leiknum og tryggðu sér sigur í fyrsta borðinu með 16 lotum á móti 10. Leikur 2 - Vertigo Leikur númer tvö var spilaður á borði sem kallast Vertigo og var það valið af Fylki. Aftur byrjuðu Dusty betur en Fylkir fylgdu fast á eftir og var staðan nokkuð jöfn þangað til í lok fyrri hálfleiks, en þá náðu Dusty að sigla aðeins framúr. Staðan í hálfleik var 9 lotur gegn 6 Dusty í vil. Seinni hálfleikur leiksins var sennilega einn mest spennandi hálfleikur í sögu Counter Strike á Íslandi og komu Dusty menn sér snemma í 12 lotur og vantaði bara 4 lotur uppá að fara með sigur í þessu borði, seríunni og deildinni allri, en þá svöruðu Fylkismenn fyrir sig og náðu að jafna leikinn í stöðunni 13-13. Fylkir komust síðan yfir í fyrsta sinn í langan tíma í leiknum og vantaði eina lotu uppá að tryggja framlengingu og tækifæri á að spila þriðja og síðasta borðið í seríunni. En það var að lokum Dusty sem náði að klára síðustu tvær loturnar og tryggja sér sigurinn og deildarmeistaratitilinn í Vodafone-deildinni. Klippa: Fylkir vs. Dusty - Vodafone-deildin Næst á dagskrá er Stórmót Vodafone í CS:GO og League of Legends sem hefst helgina 16. og 17. maí. Skráning í mótið er opin og er hægt að skrá sig á síðunni challengermode.com/s/RISI.
Vodafone-deildin Mest lesið Hætti við að giftast fótboltastjörnunni af því að allt var skráð á móður hans Fótbolti Nýja Liverpool stjarnan fær sultarlaun Enski boltinn Blikar mæta Loga, Shakhtar og Shamrock Fótbolti Mourinho rekinn frá Fenerbahce Fótbolti Framtíð Maríu hjá Marseille í óvissu eftir uppþotið í æfingaleik Fótbolti Landsliðsþjálfarinn vissi ekkert um útspil Haaland Fótbolti „Negldi Tryggva með hnénu, hoppaði á hann og fór í höndina“ Körfubolti „Sérfræðingurinn má hringja í mig og koma með þetta plan B“ Körfubolti Aron spilar síðasta leikinn: „Held að ég sé ekki búinn að gleyma öllu“ Handbolti Hákon mætir Frey, Sævari og Eggerti í Evrópudeildinni Fótbolti