Allt jafnt hjá Leicester og Villa | Sjáðu mörkin

Leicester og Aston Villa gerðu 1-1 jafntefli í fyrri leik liðanna í undanúrslitum enska deildarbikarsins.

Sigurvegarinn úr rimmunni mætir annað hvort Manchester City eða Manchester United í úrslitaleiknum á Wembley en City er 3-1 yfir eftir fyrri viðureign þeirra.

Villa komst yfir með marki Frederic Guilbert. Anwar El-Ghazi gaf fyrir markið og Ben Chilwell var ekki vakandi á fjærstönginni svo Guilbert stakk sér fram fyrir Chilwell og skoraði.

Staðan 1-0 í hálfleik en Leicester sótti án afláts. Það bar svo árangur á 74. mínútu er varamaðurinn Kelechi Iheanacho jafnaði eftir að Villa hafði misst boltann skelfilega á sínum vallarhelmingi.

Mörkin úr leiknum má sjá hér.

Ekki urðu mörkin fleiri og lokatölur 1-1. Liðin mætast á nýjan leik í næstu viku.

FT: Leicester City 1-1 Aston Villa

Goals from Frédéric Guilbert and Kelechi Iheanacho has left this Carabao Cup semi-final tie finely poised.

https://t.co/iNvod4XwvM#lcfc#avfc#bbcfootballpic.twitter.com/ljwdBZ1Iwy

— BBC Sport (@BBCSport) January 8, 2020