VAR-ná­kvæmnin heldur á­fram: Rang­staða dæmd á hælinn á Wesl­ey

Myndbandaðstoðardómarar, VAR eða VARsjáin hafa verið mikið í umræðunni síðustu daga og vikur.

Mörg afar tæp mörk hafa verið dæmd af liðum í ensku úrvalsdeildinni þar sem ýmist handarkriki eða smá brot af ristinni er fyrir innan.

Þetta mun væntanlega halda áfram árið 2020 ef marka má atvik sem gerðist í leik Burnley og Aston Villa í dag.

Is this the worst VAR offside decision yet?

Fans bewildered as Jack Grealish's goal for Aston Villa is ruled out because of Wesley's HEEL being in an offside positionhttps://t.co/hDpaXRJcw9pic.twitter.com/bsbEl7UvMd

— MailOnline Sport (@MailSport) January 1, 2020

Jack Grealish virtist þá vera að koma Villa yfir með skallamarki en eftir skoðun í VARsjánni kom í ljós að í aðdraganda marksins var hæll Wesley fyrir innan.

Margir hafa lýst undrun sinni á þessari ákvörðun fyrr í dag og einn þeirra er þáttarstjórnandinn Gary Lineker.

What fresh hell is this? https://t.co/5s6S6aKFKU

— Gary Lineker (@GaryLineker) January 1, 2020

Sem betur fer fyrir Aston Villa kom þetta ekki að sök því þeir unnu mikilvægan 2-0 sigur og komast upp úr fallsæti með sigrinum.