Ungur leik­maður City ræddi peninga­stöðu sína í miðjum leik við D-deildar­lið

Taylor Harwood-Bellis, ungur leikmaður Manchester City, er búinn að koma sér í vandræði eftir bikarleik í neðri deildarbikarnum í vikunni.

City sendir unglingalið sitt í svokallaðan EFL bikar en bikarinn er fyrir unglingalið hjá stærstu liðunum og lið í neðri deildum Englands.

U21-ára lið City mætti Scunthorpe í vikunni en City tapaði 3-1. Það voru þó ekki aðal fréttirnar í leiknum.

Taylor Harwood-Bellis hefur komist í fréttirnar eftir að framherji Kevin van Veen ásakaði hann um að hafa talað um peningastöðu sína í miðjum leiknum.

„Ég á meiri pening en þú,“ á Taylor að hafa sagt við framherjann.

if u need down to earth players en players who dont cash anyone off and giving it the big one give me a ring @mancity  with all due respect. #2goalsandassist  On to the next round we go

— Kevin Van Veen (@kevinvanveen) January 8, 2020

City neitar þessum ásökunum en framherjinn greindi einnig frá þessu í viðtali við BBC.

„Hann kom upp að mér og sagði að hann ætti meiri en pening en ég. Ef þú ert að spila í City er það frábært því það er eitt besta félag í heimi.“

„En ég sagði bara við hann að ef ég gæti skorað tvö mörk gegn honum, hvað heldurðu að Harry Kane geri þér?“

Scunthorpe leikur í ensku D-deildinni.

Manchester City teenager Taylor Harwood-Bellis accused of claiming 'I've got more money than you' to Scunthorpe United opponent during angry exchange in EFL Trophy clash#MCFChttps://t.co/PVoGRqZRTy

— MailOnline Sport (@MailSport) January 10, 2020