Stjörnulífið: Sprett úr spori í sólinni

Stjörnulífið er liður á Vísi en þar verður farið yfir það helsta sem þekktir Íslendingar hafa verið að gera undanfarna daga og jafnvel deila því með fylgjendum sínum.

Inga Lind Karlsdóttir fjölmiðlakona og Árni Hauksson fjárfestir eiginmaður hennar nutu lífsins með fjölskyldunni á bát á Þingvallavatni. Þau hafa farið mikinn í veiði í sumar.

Reykjavíkurmaraþoninu var frestað, en margir hlupu samt eigið góðgerðarhlaup og söfnuðu áheitum. Steindi hljóp og styrkti Einstök börn. Hann birti mynd af sér taka sprettinn með forsetahjónunum á laugardag. 

Eva Ruza sló sitt persónulega met og hljóp 13 kílómetra. Hún safnaði áheitum fyrir Ljósið.

Landsliðskonan Helena Sverrisdóttir var í stórum hópi sem hljóp í Stykkishólmi til styrktar Berglindi Gunnarsdóttur landsliðskonu og læknanema, sem slasaðist alvarlega á mænu og hálsi í rútuslysi á þessu ári. 

Fjölmiðlakonan Eva Laufey Kjaran Hermannsdóttir hljóp hálfmaraþon heima á Akranesi til styrktar Kvennaathvarfinu. 

Frjálsíþróttakonan Silja Úlfarsdóttir var ein fjölmargra sem hlupu til góðs á laugardaginn. Silja hljóp Setbergshringinn ásamt vinum og fjölskyldu fyrir Ljónshjartasamtökin í minningu um Úlfar föður sinn. 

Svala Björgvins söngkona eyddi tíma með góðri vinkonu í hjarta Hafnarfjarðar. Svala opinberaði nýtt samband í síðustu viku, en hún er byrjuð að deita Kristján Einar Sigurbjörnsson.

Athafnamaðurinn Skúli Mogensen birti mynd af sér á Instagram um helgina úr fjölskylduveiðiferð á suðurströndinni. Gríma Björg Thorarensen, kærast Skúla, og litli Jaki voru að sjálfsögðu með í för. Skúli hefur meðal annars verið við laxveiði í Selá í sumar.

Eva H. Baldursdóttir, lögfræðingur og jógakennari, nýtti blíðuna til útiveru og skellti sér kviknakin í sturtu í fallegum íslenskum fossi nærri Búðardal.

Móeiður Lárusdóttir, unnusta Harðar Björgvins Magnússonar landsliðskappa hélt upp á afmælið sitt um helgina. Þau eignuðust nýlega sitt fyrsta barn og búa þær mæðgur tvær á Íslandi í augnablikinu en Hörður Björgvin spilar knattspyrnu með rússneska félaginu CSKA Moskva.

Áhrifavaldurinn Tanja Ýr er ekki tilbúin til þess að kveðja sumarið.

Leikstjórinn og markvörðurinn Hannes Þór Halldórsson nýtti góða veðrið um helgina til vinnu.

Dansarinn Ástrós naut sín í sólinni.

Fjölmiðlakonan Þórhildur Þorkelsdóttir hélt upp á þrítugsafmælið í góðum hópi. Partýið ætlar hún samt að geyma þar til síðar. 

Vinkonurnar Birgitta Líf, Alexandra Helga og Pattra héldu áfram að skoða landið og skoðuðu meðal annars Siglufjörð, Akureyri, Hraunfossa, Geosea og gengu svo á Súlur um helgina. 

Vinirnir Sölvi Tryggvason og Helgi Jean Claessen gerðu sér lítið fyrir og gengu Fimmvörðuhálsinn og Laugaveginn á tveimur sólarhringum. Þeir voru mestan part ferðar berir að ofan, ef marka má færslur þeirra á Instagram, og höfðu lítinn búnað meðferðir. Víkingahjálm, andlitsgrímu og smá nesti. Gerðu þeir góðlátlegt grín að öðrum sem ganga þessar leiðir búnir eins og þeir séu á leiðinni á Everest, eins og þeir komust sjálfir að orði.