State of Decay 2: Juggernaut Edition - Gefinn út aftur og mun betri Samúel Karl Ólason skrifar 19. mars 2020 13:14 Það tók markvisst átak og langa baráttu að hætta að spila State of Decay 2, sem var mjög óslípaður og gallaður. Það tókst þó á endanum, þar til ég rak augun í umfjöllun um að Microsoft væri að gefa leikinn út aftur. Í endurbættri útgáfu með fleiri vopnum, möguleikum og betri grafík, svo eitthvað sé nefnt. Ég byrjaði að spila aftur og sé ekki eftir því. Þetta er í raun allt annar og betri leikur. Mjög miklar framfarir hafa augljóslega átt sér stað. Leikurinn fjallar þó enn um að byggja upp samfélag í heimi sem uppvakningar hafa tekið yfir. State of Decay 2 er einn þeirra leikja sem átti kannski ekki besta upphafið en hefur blómstrað síðan. Framleiðendur leiksins hafa verið duglegir við að gera plástra og bæta við efni í leikinn. Það munar um slíkt og endurútgáfan á alveg rétt á sér vegna þess hve leikurinn hefur verið bættur. Ef maður átti leikinn fyrir, þá fær maður nýju útgáfuna, eins og maður hefur fengið bróðurpartinn af því efni sem bætt hefur verið við leikinn. Lítur mun betur út SOD:JE lítur mun betur út en upprunalegi leikurinn. Auk þess sem grafík hefur verið bætt, hafa borðin fengið yfirhalningu og búið er að bæta við smá veðri. Allavega þoku, sem getur gert andrúmsloft leiksins mun betra. Þá keyrir leikurinn einnig mun betur. Þó grafíkin hafi verið bætt er mun minna um einhvers konar hökt eða hikst. Búið er að bæta við einu borði í leikinn þar sem hægt er að byggja upp geggjaðar stöðvar. Það er þó enn ekki hægt að betrumbæta varnir stöðva, sem er eiginlega pirrandi. Ég hefði enn viljað byggja upp eigin varnir, því það er svo pirrandi að vera búinn að koma sér fyrir á bakvið þvílíkt þykka veggi en á veggnum eru þrjár örþunnar hurðar sem hver sem er getur komist í gegnum. Sjá einnig: Óslípaður og pirrandi leikur sem ég get ekki hætt að spila Það besta við uppfærsluna er þó líklega það að ég hef ekki enn rekið mig á að það að keyra á steinvölu sprengi bíla í loft upp. Samantekt-ish Það er alveg ljóst að State of Decay er ekki allra. Hins vegar hefur líklegast aldrei verið betri tími til að kíkja á leikinn. Þrátt fyrir að hann hafi verið gallaður þegar hann kom út upprunalega er búið að bæta hann mikið og ég hef varið dágóðum tíma í leiknum á undanförnum árum. Líklegast er ég að fara að halda áfram að verja miklum tíma í það að keyra niður heilu hjarðirnar af uppvakningum. Leikjadómar Leikjavísir Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið Áslaug Arna fór í meðferð til að vinna bug á köngulóafælni Lífið Ólafur Ragnar skellti sér á sæþotu eftir langan dag Lífið Gómsætar haustkökur að hætti Elenoru Lífið Fleiri fréttir Árlegt „Fifa“mót GameTíví GameTíví: Heldur för sinni um Night City áfram God of War Ragnarök á PC: Kratos er enn klikkaður Stiklusúpa: Allt það helsta frá kynningu Sony í gær GameTíví: Íslendingaslagur í Warzone Space Marine 2: Fyrirtaks skemmtun af gamla skólanum Ólympíukvöld hjá GameTíví GameTíví: Plortedo spilar sig gegnum Night City CCP kynnir nýjan leik í söguheimi EVE Online GameTíví: Skúrkur í skýjunum GameTíví: Stefna á þrjá sigra í Warzone Astro Bot: Astro stígur ekki feilspor í nánast fullkomnum leik Star Wars heimurinn skoðaður í GameTíví Star Wars Outlaws: Ekki eins hræðilegur og internetið segir Endurgreiða þeim fáu sem keyptu Concord GameTíví: Snúa hlekkjaðir saman úr sumarfríi Sjá meira
Það tók markvisst átak og langa baráttu að hætta að spila State of Decay 2, sem var mjög óslípaður og gallaður. Það tókst þó á endanum, þar til ég rak augun í umfjöllun um að Microsoft væri að gefa leikinn út aftur. Í endurbættri útgáfu með fleiri vopnum, möguleikum og betri grafík, svo eitthvað sé nefnt. Ég byrjaði að spila aftur og sé ekki eftir því. Þetta er í raun allt annar og betri leikur. Mjög miklar framfarir hafa augljóslega átt sér stað. Leikurinn fjallar þó enn um að byggja upp samfélag í heimi sem uppvakningar hafa tekið yfir. State of Decay 2 er einn þeirra leikja sem átti kannski ekki besta upphafið en hefur blómstrað síðan. Framleiðendur leiksins hafa verið duglegir við að gera plástra og bæta við efni í leikinn. Það munar um slíkt og endurútgáfan á alveg rétt á sér vegna þess hve leikurinn hefur verið bættur. Ef maður átti leikinn fyrir, þá fær maður nýju útgáfuna, eins og maður hefur fengið bróðurpartinn af því efni sem bætt hefur verið við leikinn. Lítur mun betur út SOD:JE lítur mun betur út en upprunalegi leikurinn. Auk þess sem grafík hefur verið bætt, hafa borðin fengið yfirhalningu og búið er að bæta við smá veðri. Allavega þoku, sem getur gert andrúmsloft leiksins mun betra. Þá keyrir leikurinn einnig mun betur. Þó grafíkin hafi verið bætt er mun minna um einhvers konar hökt eða hikst. Búið er að bæta við einu borði í leikinn þar sem hægt er að byggja upp geggjaðar stöðvar. Það er þó enn ekki hægt að betrumbæta varnir stöðva, sem er eiginlega pirrandi. Ég hefði enn viljað byggja upp eigin varnir, því það er svo pirrandi að vera búinn að koma sér fyrir á bakvið þvílíkt þykka veggi en á veggnum eru þrjár örþunnar hurðar sem hver sem er getur komist í gegnum. Sjá einnig: Óslípaður og pirrandi leikur sem ég get ekki hætt að spila Það besta við uppfærsluna er þó líklega það að ég hef ekki enn rekið mig á að það að keyra á steinvölu sprengi bíla í loft upp. Samantekt-ish Það er alveg ljóst að State of Decay er ekki allra. Hins vegar hefur líklegast aldrei verið betri tími til að kíkja á leikinn. Þrátt fyrir að hann hafi verið gallaður þegar hann kom út upprunalega er búið að bæta hann mikið og ég hef varið dágóðum tíma í leiknum á undanförnum árum. Líklegast er ég að fara að halda áfram að verja miklum tíma í það að keyra niður heilu hjarðirnar af uppvakningum.
Leikjadómar Leikjavísir Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið Áslaug Arna fór í meðferð til að vinna bug á köngulóafælni Lífið Ólafur Ragnar skellti sér á sæþotu eftir langan dag Lífið Gómsætar haustkökur að hætti Elenoru Lífið Fleiri fréttir Árlegt „Fifa“mót GameTíví GameTíví: Heldur för sinni um Night City áfram God of War Ragnarök á PC: Kratos er enn klikkaður Stiklusúpa: Allt það helsta frá kynningu Sony í gær GameTíví: Íslendingaslagur í Warzone Space Marine 2: Fyrirtaks skemmtun af gamla skólanum Ólympíukvöld hjá GameTíví GameTíví: Plortedo spilar sig gegnum Night City CCP kynnir nýjan leik í söguheimi EVE Online GameTíví: Skúrkur í skýjunum GameTíví: Stefna á þrjá sigra í Warzone Astro Bot: Astro stígur ekki feilspor í nánast fullkomnum leik Star Wars heimurinn skoðaður í GameTíví Star Wars Outlaws: Ekki eins hræðilegur og internetið segir Endurgreiða þeim fáu sem keyptu Concord GameTíví: Snúa hlekkjaðir saman úr sumarfríi Sjá meira