Föstudagsplaylisti Veirumanna

Veirumenn eru gjörningahljómflokkur sem átti stutt blómaskeið árið 2014 en hefur mestmegnis legið í dvala síðan þá.

Forsprakkinn Baldur Baldursson hefur farið mikinn með larfakrautssveitinni Grísalappalísu á meðan, en upplausn hennar virðist ætla að leiða af sér upprisu Veirumanna.

Veirumenn settu saman föstudagslagalista fyrir Vísi og vildu koma eftirfarandi yfirlýsingu á framfæri vegna hans:

Veirumenn hafa verið sýktir síðan haustið 2014 og lifað lífi sínu samkvæmt því. Önnur saga fer um Veirurnar sem hafa margfaldast og dreift sér þvert yfir landið og þær skal ekki stoppa.

Lagalistinn ber heitið „Tónlist fyrir sjúka“ (skal vinsamlegast vera spilaður í skipulagi Veirumanna). Hér eru að finna lög sem hafa hjálpað okkur í gegnum einangrunina síðustu 6 ár. Þetta er ekkert mál.