Hægir vestan­vindar en sums staðar snjór

Frá þessu segir í hugleiðingum veðurfræðings á vef Veðurstofunnar. Það gengur svo í allhvassa norðaustanátt á morgun, jafn vel hvassviðri undir Eyjafjöllum, í Mýrdal og Öræfum, en yfirleitt hægara á Norðausturlandi.

„Rigning eða slydda með köflum sunnan og austan til, en annars þurrt að kalla. Víða frostlaust að deginum, en sums staðar vægt frost fyrir norðan. Fremur hæg norðlæg átt á miðvikudag og dálítil él fyrir norðan, en bjartviðri syðra og heldur svalara veður.“

Veðurhorfur á landinu næstu daga

Á þriðjudag: Gengur í norðaustan 10-18 m/s, en hægari vindur NA-lands. Rigning eða slydda með köflum S- og A-til og snjókoma til fjalla, en annars úrkomulítið. Hiti víða 1 til 6 stig, en vægt frost fyrir norðan.

Á miðvikudag: Norðaustan 5-13 m/s og dálítil él, en yfirleitt léttskýjað S- og V-lands. Hiti breytist lítið.

Á fimmtudag: Hæg norðlæg eða breytileg átt, skýjað með köflum og úrkomulítið, en kólnar heldur í veðri.

Á föstudag: Ákveðin suðaustanátt með rigningu og hlýnandi veðri, en þurrt að kalla um landið NA-vert.

Á laugardag: Útlit fyrir suðvestlæga átt með slyddu eða rigningu, en lengst af þurrviðri á NA-landi og kólnar aftur.

Á sunnudag: Líkur á suðvestanátt með skúrum eða éljum, en bjartviðri eystra.