The Parasols gefa út sína fyrstu plötu

Ritstjórn Albumm skrifar 22. mars 2021 14:30

The Parasols er skipuð þeim Tómasi Árna Héðinssyni, Brodda Gunnarssyni, Emil Árnasyni og Alexöndru Rós Norðkvist.

Sveitin komst á úrslitakvöld Músiktilrauna 2019 en gekk þá undir nafninu Parasol. Öll hafa þau mismunandi tónlistarbakgrunn sem gerir það að verkum að lögin verða einstaklega ólík. Segja má að öll þeirra lög blandist saman í mjög áhugaverða súpu.

Platan Corpse-Fermented Apple Cider hefur lengi legið í loftinu en upptökur hófust haustið 2019. Það var Norðlendingurinn Sölvi Karlsson sem sá um upptökur og blöndun plötunnar. Nú er hún loksins komin út og má finna hana á öllum helstu streymisveitum.

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í albumm@albumm.is.

Tónlist