Þrír flóttamenn á sviðinu í Rotterdam Heimsljós 19. maí 2021 13:19 Fulltrúi Svía EBU / ANDRES PUTTING Flóttafólk er meðal keppenda í Eurovision. Flóttamannastofnun Sameinuðu þjóðanna (UNHCR) lýsir yfir ánægju sinni með þátttöku þriggja keppenda í söngvakeppni evrópskra sjónvarpsstöðva sem eiga sér fortíð sem flóttafólk. Keppnin fer fram í Rotterdam í þessari viku sem kunnugt er og lýkur með úrslitakeppni á laugardagskvöld. Keppendur þrír eru þessir: Manizha – tónlistarkona, söngkona og góðgerðarsendiherra UNHCR, fulltrúi Rússlands. Hún flúði frá Tadsíkistan árið 1994 á tímum átaka og talar máli flóttafólks hvarvetna í heiminum. Tousin „Tusse“ Chiza – tónlistarmaður og söngvari keppir fyrir hönd Svía. Hann er fæddur í Lýðstjórnarlýðveldinu Kongó en fékk hæli í Svíþjóð eftir að hafa dvalið í flóttamannabúðum í Úganda í þrjú ár. Ahmad Joudeh – hollenskur ballettdansari frá Sýrlandi. Hann kemur fram í hléi annað kvöld í síðari undanúrslitum keppninnar í verki sem kallast „Close Encounters of a Special Kind“ og fjallar um náttúrulega löngun mannsins til að samskipta og sameiginlegs skilnings. Í frétt Flóttamannastofnunar Sameinuðu þjóðanna (UNHCR) er þeim þremur óskað góðs gengis og stofnunin kveðst vænta góðrar skemmtunar! Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Eurovision Flóttamenn Mest lesið Moskítóflugan mætt til Íslands Innlent „Ég hélt ekki að ég ætti eftir að upplifa svona rosalegt bakslag“ Innlent Fjórði starfsmaðurinn hættir en reynslubolti kemur inn Innlent Tegundin sé líklega komin til að vera Innlent Neitar enn að hleypa nýrri þingkonu að Erlent Gaf í skyn gróft kynlíf, gekk í skrokk á konu og dæmdur í fimm ára fangelsi Innlent Hafna aftur tillögu Trumps Erlent Skikkar bændur í meirapróf Innlent Alvarlegt umferðarslys austan við Klaustur Innlent Hafði komið sér fyrir í varðskipinu án leyfis Innlent
Flóttamannastofnun Sameinuðu þjóðanna (UNHCR) lýsir yfir ánægju sinni með þátttöku þriggja keppenda í söngvakeppni evrópskra sjónvarpsstöðva sem eiga sér fortíð sem flóttafólk. Keppnin fer fram í Rotterdam í þessari viku sem kunnugt er og lýkur með úrslitakeppni á laugardagskvöld. Keppendur þrír eru þessir: Manizha – tónlistarkona, söngkona og góðgerðarsendiherra UNHCR, fulltrúi Rússlands. Hún flúði frá Tadsíkistan árið 1994 á tímum átaka og talar máli flóttafólks hvarvetna í heiminum. Tousin „Tusse“ Chiza – tónlistarmaður og söngvari keppir fyrir hönd Svía. Hann er fæddur í Lýðstjórnarlýðveldinu Kongó en fékk hæli í Svíþjóð eftir að hafa dvalið í flóttamannabúðum í Úganda í þrjú ár. Ahmad Joudeh – hollenskur ballettdansari frá Sýrlandi. Hann kemur fram í hléi annað kvöld í síðari undanúrslitum keppninnar í verki sem kallast „Close Encounters of a Special Kind“ og fjallar um náttúrulega löngun mannsins til að samskipta og sameiginlegs skilnings. Í frétt Flóttamannastofnunar Sameinuðu þjóðanna (UNHCR) er þeim þremur óskað góðs gengis og stofnunin kveðst vænta góðrar skemmtunar! Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Eurovision Flóttamenn Mest lesið Moskítóflugan mætt til Íslands Innlent „Ég hélt ekki að ég ætti eftir að upplifa svona rosalegt bakslag“ Innlent Fjórði starfsmaðurinn hættir en reynslubolti kemur inn Innlent Tegundin sé líklega komin til að vera Innlent Neitar enn að hleypa nýrri þingkonu að Erlent Gaf í skyn gróft kynlíf, gekk í skrokk á konu og dæmdur í fimm ára fangelsi Innlent Hafna aftur tillögu Trumps Erlent Skikkar bændur í meirapróf Innlent Alvarlegt umferðarslys austan við Klaustur Innlent Hafði komið sér fyrir í varðskipinu án leyfis Innlent