Segja langt í útgáfu GTA 6, allt of langt Samúel Karl Ólason skrifar 5. júlí 2021 14:36 Grand Theft Auto 5 kom fyrst út árið 2013. Rockstar Útlit er fyrir að næsti leikur í Grand Theft Auto-seríunni vinsælu verði ekki gefinn út fyrr en árið 2025. Það yrði tólf árum eftir að GTA 5 var gefinn út. Þessu var haldið fram í nýlegu myndbandi á Youtube og blaðamaður Bloomberg segist hafa heyrt sambærilega hluti. Myndbandið var birt af manni sem heitir Tom Henderson en hann hefur áður sagt frá lekum sem snúa að leikjaseríum eins og Battlefield og Call of Duty. Í myndbandinu segist Henderson hafa heimildir fyrir því að leikurinn muni gerast í samtímanum og muni meðal annars gerast í borginni Vice City. Sú borg var heimsótt í leiknum GTA: Vice City, sem kom út árið 2002, og samsvarar Miami. Hann segir einnig að kort leiksins muni breytast með tímanum og í takt við breytingar í fjölspilunarhluta leiksins, eins og tölvuleikjaspilarar kannast ef til vill við úr leikjum eins og Fortnite og jafnvel Call of Duty: Warzone. Henderson heldur því einnig fram að Rockstar Games muni halda sig við fleiri en eina aðalpersónu, eins og gert var í GTA V. Stærsta mögulega uppljóstrun Henderson er þó mögulega sú að hann sagði framleiðslu leiksins ekki langt á veg komna og spáði því að hann yrði ekki gefinn út fyrr en árið 2024 eða 2025. Myndbandið má sjá hér að neðan. Rockstar varð fyrir mikilli gagnrýni í kjölfar útgáfu leiksins Red Dead Redemption 2 árið 2018. Í kjölfar þess skrifaði blaðamaðurinn Jason Schreier grein á vef Kotaku, þar sem fram kom að starfsmenn Rockstar hefðu verið þvingaðir til að vinna gífurlega mikla yfirvinnu í aðdraganda útgáfu leiksins. Það er sagt vera meðal ástæða þess að framleiðsla GTA 6 gangi hægt. Það er að forsvarsmenn Rockstar hafi tekið þá ákvörðun að bæta starfsanda í fyrirtækinu á þann veg að starfsmenn vinni ekki jafn mikla yfirvinnu. Tekið er fram í frétt PC Gamer að Schreier, sem skrifar nú fyrir Bloomberg, birti tíst í gær þar sem hann sagði spá Henderson í takt við þær upplýsingar sem hann hefði fengið. GTA 5 kom út árið 2013 og síðan þá er hann orðinn að arðbærustu skemmtanaafurð sögunnar. Rockstar og Take Two, sem gefur út leikinn, vörðu um 265 milljónum dala í framleiðslu leiksins, sem gerir hann að dýrasta tölvuleik sögunnar, en hagnaðurinn er gífurlega mikill. Árið 2018 höfðu fyrirtækin þénað um sex milljarða dala á leiknum. Sjá einnig: Gefa GTA V út í nóvember, enn eina ferðina Hann var fyrst gefinn út fyrir PlayStation 3 og Xbox 360. Hann var svo seinna uppfærður fyrir PS4 og Xbox One og svo enn seinna fyrir PC-tölvur. Nú er komið að PS5 og Xbox Series X. Leikjavísir Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Gómsætar haustkökur að hætti Elenoru Lífið Ólafur Ragnar skellti sér á sæþotu eftir langan dag Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið Áslaug Arna fór í meðferð til að vinna bug á köngulóafælni Lífið Fleiri fréttir Árlegt „Fifa“mót GameTíví GameTíví: Heldur för sinni um Night City áfram God of War Ragnarök á PC: Kratos er enn klikkaður Stiklusúpa: Allt það helsta frá kynningu Sony í gær GameTíví: Íslendingaslagur í Warzone Space Marine 2: Fyrirtaks skemmtun af gamla skólanum Ólympíukvöld hjá GameTíví GameTíví: Plortedo spilar sig gegnum Night City CCP kynnir nýjan leik í söguheimi EVE Online GameTíví: Skúrkur í skýjunum GameTíví: Stefna á þrjá sigra í Warzone Astro Bot: Astro stígur ekki feilspor í nánast fullkomnum leik Star Wars heimurinn skoðaður í GameTíví Star Wars Outlaws: Ekki eins hræðilegur og internetið segir Endurgreiða þeim fáu sem keyptu Concord GameTíví: Snúa hlekkjaðir saman úr sumarfríi Sjá meira
Myndbandið var birt af manni sem heitir Tom Henderson en hann hefur áður sagt frá lekum sem snúa að leikjaseríum eins og Battlefield og Call of Duty. Í myndbandinu segist Henderson hafa heimildir fyrir því að leikurinn muni gerast í samtímanum og muni meðal annars gerast í borginni Vice City. Sú borg var heimsótt í leiknum GTA: Vice City, sem kom út árið 2002, og samsvarar Miami. Hann segir einnig að kort leiksins muni breytast með tímanum og í takt við breytingar í fjölspilunarhluta leiksins, eins og tölvuleikjaspilarar kannast ef til vill við úr leikjum eins og Fortnite og jafnvel Call of Duty: Warzone. Henderson heldur því einnig fram að Rockstar Games muni halda sig við fleiri en eina aðalpersónu, eins og gert var í GTA V. Stærsta mögulega uppljóstrun Henderson er þó mögulega sú að hann sagði framleiðslu leiksins ekki langt á veg komna og spáði því að hann yrði ekki gefinn út fyrr en árið 2024 eða 2025. Myndbandið má sjá hér að neðan. Rockstar varð fyrir mikilli gagnrýni í kjölfar útgáfu leiksins Red Dead Redemption 2 árið 2018. Í kjölfar þess skrifaði blaðamaðurinn Jason Schreier grein á vef Kotaku, þar sem fram kom að starfsmenn Rockstar hefðu verið þvingaðir til að vinna gífurlega mikla yfirvinnu í aðdraganda útgáfu leiksins. Það er sagt vera meðal ástæða þess að framleiðsla GTA 6 gangi hægt. Það er að forsvarsmenn Rockstar hafi tekið þá ákvörðun að bæta starfsanda í fyrirtækinu á þann veg að starfsmenn vinni ekki jafn mikla yfirvinnu. Tekið er fram í frétt PC Gamer að Schreier, sem skrifar nú fyrir Bloomberg, birti tíst í gær þar sem hann sagði spá Henderson í takt við þær upplýsingar sem hann hefði fengið. GTA 5 kom út árið 2013 og síðan þá er hann orðinn að arðbærustu skemmtanaafurð sögunnar. Rockstar og Take Two, sem gefur út leikinn, vörðu um 265 milljónum dala í framleiðslu leiksins, sem gerir hann að dýrasta tölvuleik sögunnar, en hagnaðurinn er gífurlega mikill. Árið 2018 höfðu fyrirtækin þénað um sex milljarða dala á leiknum. Sjá einnig: Gefa GTA V út í nóvember, enn eina ferðina Hann var fyrst gefinn út fyrir PlayStation 3 og Xbox 360. Hann var svo seinna uppfærður fyrir PS4 og Xbox One og svo enn seinna fyrir PC-tölvur. Nú er komið að PS5 og Xbox Series X.
Leikjavísir Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Gómsætar haustkökur að hætti Elenoru Lífið Ólafur Ragnar skellti sér á sæþotu eftir langan dag Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið Áslaug Arna fór í meðferð til að vinna bug á köngulóafælni Lífið Fleiri fréttir Árlegt „Fifa“mót GameTíví GameTíví: Heldur för sinni um Night City áfram God of War Ragnarök á PC: Kratos er enn klikkaður Stiklusúpa: Allt það helsta frá kynningu Sony í gær GameTíví: Íslendingaslagur í Warzone Space Marine 2: Fyrirtaks skemmtun af gamla skólanum Ólympíukvöld hjá GameTíví GameTíví: Plortedo spilar sig gegnum Night City CCP kynnir nýjan leik í söguheimi EVE Online GameTíví: Skúrkur í skýjunum GameTíví: Stefna á þrjá sigra í Warzone Astro Bot: Astro stígur ekki feilspor í nánast fullkomnum leik Star Wars heimurinn skoðaður í GameTíví Star Wars Outlaws: Ekki eins hræðilegur og internetið segir Endurgreiða þeim fáu sem keyptu Concord GameTíví: Snúa hlekkjaðir saman úr sumarfríi Sjá meira