Slá í gegn á Spotify

Breiðskífan inniheldur 10 lög eftir Magnús í flutningi tvíeykisins. Titillagið setur tóninn fyrir plötuna með samstíga stefi píanós og bassa sem leiðir hlustandann inn í draumkennda og lágstemmda veröld þeirra.

Samstarf Magnúsar og Skúla hófst árið 2019 en þetta er þeirra fyrsta sameiginlega hljómplata. Báðir hafa þeir verið áberandi í íslensku tónlistarlífi. Skúli sem einn fremsti tónlistarmaður þjóðarinnar sem gefið hefur út fjölda hljómplatna auk þess að hafa starfað náið með tónlistarfólki á borð við Hildi Guðnadóttur, Jóhanni Jóhannssyni, Ryuichi Sakamoto og fleirum. 

Magnús Jóhann hefur getið sér gott orð sem tónlistarmaður gefið út sólóplötur, fengist við kvikmyndatónlist ásamt ýmsu öðru og starfað m.a með GDRN, Moses Hightower, Ingibjörgu Turchi, Bríeti, Birni og fleirum.

Platan hefur slegið í gegn á Spotify og er t.d. Aðgengileg á stórum playlistum eins og State of jazz, Calming jazz og Jazz today svo sumt sé nefnt.

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í albumm@albumm.is.