Glænýr bóksölulisti: Drottningin veltir kónginum úr sessi

Jakob Bjarnar skrifar 16. desember 2021 07:01

Óneitanlega eru það kunnugleg andlit höfunda sem eru með þær bækur sem skipa topp fimm fyrir söluhæstu bækurnar 7.-13. desember. Yrsa Sigurðardóttir, Arnaldur Indriðason, Ragnar Jónasson, Hallgrímur Helgason og Bjarni Fritzson. Aðeins er rúm vika til jóla og línur teknar að skýrast. En samt ekki. vísir

Glæpasagnadrottningin Yrsa Sigurðardóttir lagði sjálfan Arnald Indriðason, konung glæpasögunar sem ríkt hefur á toppi bóksölulista mörg undanfarin ár, þessa vikuna í keppninni miklu um mest seldu bókina.

Þjóðin er sem sagt ekki alfarið tilbúin að sleppa hátíðarspennulestri sínum en fylgir þó Arnaldi vel inn af stað inn í heim bókmenntanna, hann leiðir enn listann yfir mest seldu bækur ársins. Sem er vitaskuld aðallistinn þegar upp er staðið og stefnir í æsispennandi keppni um toppsætið þar.

Glæpasögurnar hafa fagurbókmenntirnar undir

Nú þegar rétt rúm vika er til jóla er heldur betur farið að hitna í kolum hvað varðar bóksölu. Eins og Vísir sagði af fyrir viku stefndi í æsispennandi keppni milli þeirra Yrsu og Arnaldar eins og nú er komið á daginn. Fyrir lá að Arnaldur gæti verið að hætta krúnunni með því að bregða af vananum og senda frá sér sögulega skáldsögu en ekki krimma eins og oftast undanfarin tuttugu árin. Vogaður leikur og verður athyglisvert að sjá hvað verður.

Sé litið til skáldverka, en það er jafnan flokkur sem vekur athygli bókaþjóðarinnar, þá bítast Hallgrímur Helgason og Ragnar Jónasson um næstu tvö sæti listans þar. Ragnar hefur vinninginn vikuna en Hallgrímur hefur verið að sækja í sig veðrið og spennandi að sjá hvernig sá slagur endar. Stefán Máni er að gera gott mót í fimmta sætinu þar og í því 18. yfir sölu bóka allra flokka. Og spennusögurnar sigra fagurbókmenntirnar, ef svo má segja, eina ferðina enn en af þeim fimm skáldverkum sem sitja á topp 20 listanum eru þrjár spennusögur og tvö skáldverk.

Örn skilur Dag eftir í bensínbrælu og rykmekki

Svarti foli þessarar jólabókavertíðar virðist ætla að reynast þessi bók. Og vilji menn rýna í sölulista, spá og spekúlera má lesa eitt og annað (misjafnlega vafasamt) í þá staðreynd. JPV gefur út en bókin er sérstaklega tileinkuð bílum og bílamönnum.

Á lista yfir 20 mest seldu bækurnar eru mörg kunnugleg nöfn svo sem Bjarni Fritzson sem má heldur betur vel við una í þriðja og sjöunda sætinu. Óttar Sveinsson hefur mörg undanfarin ár verið með bók á topp tíu lista yfir mest seldu bækurnar og barnabókahöfundar, sem á tímabili voru farnir að velja glæpasagnahöfundum undir uggum, eru í öruggu sætum með sínar bækur: Birgitta Haukdal, Gunnar Helgason og Ævar Þór Benediktsson.

Einn nýr titill stekkur inn í keppnina um svarta fola þessarar vertíðar – óvæntasta sölubókin. Það er Bílamenning Arnar Sigurðssonar, akstursgleði liðinnar aldar í máli og myndum. Hún situr þessa vikuna situr í 11. sæti aðallistans og hefur verið að fikra sig upp listann á liðnum vikum. Sem gætu, yfirfærð á komandi borgarstjórnarkosningar, talist slæm tíðindi fyrir Dag B. Eggertsson sem sendi frá sér gagnmerka bók um Reykjavík þar sem eitt stefið er borgarlínan og þétting byggðar. Hann hefur ekki átt sama láni að fagna með sína Nýju Reykjavík og bílamaðurinn Arnar meðal bókakaupenda. En hér er líklega verið að teygja sig fulllangt í túlkunum á bóksölulistunum sem afar gaman er að spá í.

Mest seldu bækurnar 7. - 13. des 2021

1. Lok, lok og læs - Yrsa Sigurðardóttir

2. Sigurverkið - Arnaldur Indriðason

3. Orri óstöðvandi - Kapphaupið um silfur Egils - Bjarni Fritzson

4. Úti - Ragnar Jónasson

5. Sextíu kíló af kjaftshöggum - Hallgrímur Helgason

6. Útkall : Í auga fellibylsins - Óttar Sveinsson

7. Salka: Tölvuheimurinn - Bjarni Fritzson

8. Guðni á ferð og flugi - Guðjón Ragnar Jónasson

9. Alexander Daníel Hermann Dawidsson : Bannað að eyðileggja - Gunnar Helgason

10. Lára bakar - Birgitta Haukdal

11. Bílamenning : Akstursgleði liðinnar aldar í máli og myndum - Örn Sigurðsson

12. Þín eigin ráðgáta - Ævar Þór Benediktsson

13. Rætur : Á æskuslóðum minninga og mótunar - Ólafur Ragnar Grímsson

14. Læknirinn í englaverksmiðjunn - Ásdís Halla Bragadóttir

15. Lára lærir á hljóðfæri - Birgitta Haukdal

16. Fjárfestingar - Aníta Rut Hilmarsdóttir, Kristín Hildur Ragnarsdóttir og Rósa Kristinsdóttir

17. Syngdu jólalög með Láru og Ljónsa - Birgitta Haukdal

18. Horfnar - Stefán Máni

19. Bakað með Evu Laufey - Eva Laufey Kjaran Hermannsdóttir

20. Heima hjá lækninum í eldhúsinu - Ragnar Freyr Ingvarsson

Mest seldu skáldverkin

1. Lok, lok og læs - Yrsa Sigurðardóttir

2. Sigurverkið - Arnaldur Indriðason

3. Úti - Ragnar Jónasson

4. Sextíu kíló af kjaftshöggum - Hallgrímur Helgason

5. Horfnar - Stefán Máni

6. Allir fuglar fljúga í ljósið - Auður Jónsdóttir

7. Merking - Fríða Ísberg

8. Náhvít jörð - Lilja Sigurðardóttir

9. Jól á eyjahótelinu - Jenny Colgan

10. Þú sérð mig ekki - Eva Björg Ægisdóttir

Mest seldu fræði- og handbækurnar

1. Útkall : Í auga fellibylsins - Óttar Sveinsson

2. Guðni á ferð og flugi - Guðjón Ragnar Jónasson

3. Bílamenning : Akstursgleði liðinnar aldar í máli og myndum - Örn Sigurðsson

4. Fjárfestingar - Aníta Rut Hilmarsdóttir, Kristín Hildur Ragnarsdóttir og Rósa Kristinsdóttir

5. Bakað með Evu Laufey - Eva Laufey Kjaran Hermannsdóttir

6. Heima hjá lækninum í eldhúsinu - Ragnar Freyr Ingvarsson

7. Bærinn brennur - Þórunn Jarla Valdimarsdóttir

8. Hringfarinn - Helga Guðrún Johnson / Kristján Gíslason

9. Prjón er snilld - Sjöfn Kristjánsdóttir

10. Sprakkar - Elisa Reid

Mest seldu ævisögurnar

1. Rætur : Á æskuslóðum minninga og mótunar - Ólafur Ragnar Grímsson

2. Læknirinn í englaverksmiðjunn - Ásdís Halla Bragadóttir

3. 11.000 volt : Þroskasaga Guðmundar Felix - Erla Hlynsdóttir

4. Ilmreyr : Móðurminning - Ólína Kjerúlf Þorvarðardóttir

5. Gunni Þórðar : Lífssaga - Ómar Valdimarsson

6. Minn hlátur er sorg : Ævisaga Ástu Sigurðardóttur - Friðrika Benónýsdóttir

7. Markús : Á flótta í 40 ár : Öðruvísi Íslandssaga - Jón Hjaltason

8. Völva Suðurnesja - Gunnar M. Magnúss

9. Sigurður Þórarinsson - mynd af manni I-II - Sigrún Helgadóttir

10. Hákarla-Jörundur : ævisaga Jörundar Jónssonar hákarlaformanns og útvegsbónda í Hrísey - Friðrik G. Olgeirsson

Mest seldu barna- og ungmennabækurnar

1. Orri óstöðvandi - Kapphaupið um silfur Egils - Bjarni Fritzson

2. Salka: Tölvuheimurinn - Bjarni Fritzson

3. Alexander Daníel Hermann Dawidsson : Bannað að eyðileggja - Gunnar Helgason

4. Lára bakar - Birgitta Haukdal

5. Þín eigin ráðgáta - Ævar Þór Benediktsson

6. Lára lærir á hljóðfæri - Birgitta Haukdal

7. Syngdu jólalög með Láru og Ljónsa - Birgitta Haukdal

8. Verum ástfangin af lífinu - Þorgrímur Þráinsson

9. Jólasyrpa 2021 - Walt Disney

10. Verstu foreldrar í heimi - David Walliams

Mest seldu bækur ársins: 1. janúar - 13. desember 2021

1. Sigurverkið - Arnaldur Indriðason

2. Lok, lok og læs - Yrsa Sigurðardóttir

3. Úti - Ragnar Jónasson

4. Lára bakar - Birgitta Haukdal

5. Útkall : Í auga fellibylsins - Óttar Sveinsson

6. Sextíu kíló af kjaftshöggum - Hallgrímur Helgason

7. Orri óstöðvandi - Kapphaupið um silfur Egils - Bjarni Fritzson

8. Palli Playstation - Gunnar Helgason

9. Lára lærir á hljóðfæri - Birgitta Haukdal

10. Alexander Daníel Hermann Dawidsson : Bannað að eyðileggja - Gunnar Helgason

11. Þín eigin ráðgáta - Ævar Þór Benediktsson

12. Undir 1000 kr. fyrir tvo - Áslaug Björg Harðardóttir

13. Litlir lærdómshestar - Stafir - Elisabeth Golding

14. Bréfið - Kathryn Hughes

15. Guðni á ferð og flugi - Guðjón Ragnar Jónasson

16. Verstu foreldrar í heimi - David Walliams

17. Fjárfestingar - Aníta Rut Hilmarsdóttir, Kristín Hildur Ragnarsdóttir og Rósa Kristinsdóttir

18. Rím og roms - Þórarinn Eldjárn og Sigrún Eldjárn

19. Læknirinn í englaverksmiðjunn - Ásdís Halla Bragadóttir

20. Rætur : Á æskuslóðum minninga og mótunar - Ólafur Ragnar Grímsson

Bókaútgáfa Bókmenntir

Tengdar fréttir

Nýr bóksölulisti: Yrsa þjarmar að Arnaldi

Æsast nú heldur betur leikar í jólabókaflóðinu hvar salan er helsta mælistikan. Bóksölulisti vikunnar leiðir í ljós að Sigurverk Arnaldar heldur toppsætinu eins og var fyrir viku.

9. desember 2021 11:06