Hálf öld í Hafnarfirði á næsta ári Fjarðarkaup 7. júlí 2022 16:38 Ingibjörg Sveinsdóttir og Gísli Sigurbergsson Fjölskyldufyrirtækið Fjarðarkaup fagnar 49 ára afmæli sínu í dag en verslunin opnaði fyrst við Trönuhraun í Hafnarfirði þann 7. júlí árið 1973, og á því hálfrar aldar stórafmæli á næsta ári. Verslunin er í eigu Sigurbergs Sveinssonar en synir hans Gísli og Sveinn sjá um reksturinn, og nú er þriðja kynslóðin farin að láta til sín taka í fyrirtækinu, dætur Gísla og Sveins sem báðar heita Ingibjörg. Ingibjörg Gísladóttir sér um verðlagsmál ásamt föður sínum en Ingibjörg Sveinsdóttir hefur verið mannauðs- og markaðsstjóri undanfarin tvö ár. „Það er mjög gaman að fagna afmælinu um hásumar, mér finnst það líka skemmtilegasti tími ársins í rekstrinum,“ segir Ingibjörg Sveinsdóttir glaðreif en hún hefur starfað hjá Fjarðarkaupum meðfram skóla og öðru í 20 ár, eða frá því hún var unglingur. Hún segist á kafi í sumarverkunum um þessar mundir. „Það sem kemur mér alltaf í mesta sumarskapið er þegar við tökum inn sumarvörurnar fyrir krakkana; kjóla, stuttbuxur, skóflur, fötur og vatnsbyssur, og svo þegar grillþemað fer að setja sterkan svip á kjötborðið.“ Í Fjarðarkaupum er mikið lagt upp úr huggulegu andrúmslofti og fjölbreytni, þar sem allir ættu að geta fundið eitthvað við sitt hæfi og mismunandi deildir hafa sinn eigin karakter. Heilsudeildin Fræið er til dæmis með eitt mesta úrval landsins af heilsuvörum; frá vítamínum, olíum og kremum yfir í glútenlausar, ketó-, og veganvörur. Þá á prjónadeildin Rokka sér langa sögu og samstarfið við bakaríið Passion hefur verið farsælt en þar er hægt að fá nýbakað bakkelsi á hverjum degi. „Svo er kjöt- og fiskborðið okkar alíslenskt og úrvalið alveg geggjað. Grillsumarið hefur farið vel af stað og alltaf einhver skemmtileg tilboð í gangi.“ En þrátt fyrir að Fjarðarkaup eigi sér næstum hálfrar aldar sögu og sé enn í eigu sömu fjölskyldunnar þá er búðin ekki eins og safn, og hefur uppfærst í takt við tímana. „Þó að við höldum tryggð við söguna þá erum við líka dugleg að fylgjast með nýrri tækni og aðferðum í verslunarrekstri, og tökum þær óhikað upp ef það getur orðið til að lækka vöruverð eða veita viðskiptavinum betri þjónustu,“ segir Ingibjörg. Til dæmis stendur til að taka í notkun sjálfsafgreiðslukassa í versluninni í haust sem valkost við hefðbundnu búðarkassana. Ein hefð sem hefur þó fest sig rækilega í sessi er sumarleikur Fjarðarkaupa sem hófst um miðjan júní og heldur áfram út sumarið. „Það eina sem fólk þarf að gera er að mæta í Fjarðarkaup og skrá nafnið sitt á blað, þá er það komið í pottinn. Það verður dregið út í beinni á Bylgjunni 9.,16.,23. og 29. júlí.“ Meðal vinninga eru Iphone-sími, Air Pods, Apple TV og miðar á Þjóðhátíð, auk gjafabréfa í Kraumu, ÓB og ævintýraferða frá Glacial Adventures og Safari Quads. Verslun Hafnarfjörður Mest lesið Þótti baðherbergið ógeðslegt og fór frá Íslandi Neytendur „Frekar kvöldsvæfur heldur en morgunfúll“ Atvinnulíf Atvinnumissir: „Það var rosa skrýtið að lenda í þessu“ Atvinnulíf „En það hefur líka margt fallegt komið út úr þessu“ Atvinnulíf Samþykktu allt að 45 prósent toll á kínverska rafbíla Viðskipti erlent Vaxtalækkun hænuskref í rétta átt en ekki megi gleyma nýlegum hækkunum Neytendur Samið um lok umfangsmikils verkfalls hafnarverkamanna Viðskipti erlent Misbauð meðferð á hundunum og mátti hætta á námskeiði Neytendur Landsbankinn rekur lestina og lækkar vexti Viðskipti innlent Bogi og Linda kaupa af Heimum fyrir milljarða Viðskipti innlent Fleiri fréttir Ert þú á leið í framkvæmdir og veist ekki hvar þú átt að byrja? Októberfest í Bílheimum á laugardaginn Spennandi tækifæri í Mosfellsbæ Sagði einhver fasteign á hjólum? Volvo EX90 reynsluakstur Enginn þarf að vera giftur lánunum sínum út lánstímann Ótrúlegar viðtökur á stuttum tíma Greiðsluáskorun Sinna verktöku hjá Wolt samhliða námi og öðrum störfum Smáhýsin frá BYKO eru vinsæll valkostur fyrir hvaða tilefni sem er Langar meira í 911 T-Hybrid en bæði lungun sín Sjá meira
Verslunin er í eigu Sigurbergs Sveinssonar en synir hans Gísli og Sveinn sjá um reksturinn, og nú er þriðja kynslóðin farin að láta til sín taka í fyrirtækinu, dætur Gísla og Sveins sem báðar heita Ingibjörg. Ingibjörg Gísladóttir sér um verðlagsmál ásamt föður sínum en Ingibjörg Sveinsdóttir hefur verið mannauðs- og markaðsstjóri undanfarin tvö ár. „Það er mjög gaman að fagna afmælinu um hásumar, mér finnst það líka skemmtilegasti tími ársins í rekstrinum,“ segir Ingibjörg Sveinsdóttir glaðreif en hún hefur starfað hjá Fjarðarkaupum meðfram skóla og öðru í 20 ár, eða frá því hún var unglingur. Hún segist á kafi í sumarverkunum um þessar mundir. „Það sem kemur mér alltaf í mesta sumarskapið er þegar við tökum inn sumarvörurnar fyrir krakkana; kjóla, stuttbuxur, skóflur, fötur og vatnsbyssur, og svo þegar grillþemað fer að setja sterkan svip á kjötborðið.“ Í Fjarðarkaupum er mikið lagt upp úr huggulegu andrúmslofti og fjölbreytni, þar sem allir ættu að geta fundið eitthvað við sitt hæfi og mismunandi deildir hafa sinn eigin karakter. Heilsudeildin Fræið er til dæmis með eitt mesta úrval landsins af heilsuvörum; frá vítamínum, olíum og kremum yfir í glútenlausar, ketó-, og veganvörur. Þá á prjónadeildin Rokka sér langa sögu og samstarfið við bakaríið Passion hefur verið farsælt en þar er hægt að fá nýbakað bakkelsi á hverjum degi. „Svo er kjöt- og fiskborðið okkar alíslenskt og úrvalið alveg geggjað. Grillsumarið hefur farið vel af stað og alltaf einhver skemmtileg tilboð í gangi.“ En þrátt fyrir að Fjarðarkaup eigi sér næstum hálfrar aldar sögu og sé enn í eigu sömu fjölskyldunnar þá er búðin ekki eins og safn, og hefur uppfærst í takt við tímana. „Þó að við höldum tryggð við söguna þá erum við líka dugleg að fylgjast með nýrri tækni og aðferðum í verslunarrekstri, og tökum þær óhikað upp ef það getur orðið til að lækka vöruverð eða veita viðskiptavinum betri þjónustu,“ segir Ingibjörg. Til dæmis stendur til að taka í notkun sjálfsafgreiðslukassa í versluninni í haust sem valkost við hefðbundnu búðarkassana. Ein hefð sem hefur þó fest sig rækilega í sessi er sumarleikur Fjarðarkaupa sem hófst um miðjan júní og heldur áfram út sumarið. „Það eina sem fólk þarf að gera er að mæta í Fjarðarkaup og skrá nafnið sitt á blað, þá er það komið í pottinn. Það verður dregið út í beinni á Bylgjunni 9.,16.,23. og 29. júlí.“ Meðal vinninga eru Iphone-sími, Air Pods, Apple TV og miðar á Þjóðhátíð, auk gjafabréfa í Kraumu, ÓB og ævintýraferða frá Glacial Adventures og Safari Quads.
Verslun Hafnarfjörður Mest lesið Þótti baðherbergið ógeðslegt og fór frá Íslandi Neytendur „Frekar kvöldsvæfur heldur en morgunfúll“ Atvinnulíf Atvinnumissir: „Það var rosa skrýtið að lenda í þessu“ Atvinnulíf „En það hefur líka margt fallegt komið út úr þessu“ Atvinnulíf Samþykktu allt að 45 prósent toll á kínverska rafbíla Viðskipti erlent Vaxtalækkun hænuskref í rétta átt en ekki megi gleyma nýlegum hækkunum Neytendur Samið um lok umfangsmikils verkfalls hafnarverkamanna Viðskipti erlent Misbauð meðferð á hundunum og mátti hætta á námskeiði Neytendur Landsbankinn rekur lestina og lækkar vexti Viðskipti innlent Bogi og Linda kaupa af Heimum fyrir milljarða Viðskipti innlent Fleiri fréttir Ert þú á leið í framkvæmdir og veist ekki hvar þú átt að byrja? Októberfest í Bílheimum á laugardaginn Spennandi tækifæri í Mosfellsbæ Sagði einhver fasteign á hjólum? Volvo EX90 reynsluakstur Enginn þarf að vera giftur lánunum sínum út lánstímann Ótrúlegar viðtökur á stuttum tíma Greiðsluáskorun Sinna verktöku hjá Wolt samhliða námi og öðrum störfum Smáhýsin frá BYKO eru vinsæll valkostur fyrir hvaða tilefni sem er Langar meira í 911 T-Hybrid en bæði lungun sín Sjá meira