Nýjar vikutölur úr laxveiðiánum

Urriðafoss heldur toppsætinu yfir mestu veiðina en þar hafa veiðst 582 laxar en heildarveiðin í fyrra var 823 laxar svo það er alveg ljóst að þeirri tölu gæti verið náð eftir viku eða tíu daga en það er magnað að sjá þessa veiði á aðeins fjórar stangir. Þverá-Kjarrá er komin í 552 laxa sem er virkilega fín veiði en allt tímabilið í fyrra gaf 1.377 laxa. Norðurá er líka á mjög fínu róli með 520 laxa en þar eins og í aðrar ár á vesturlandi hefur verið mjög góða ganga af laxi síðustu daga að stórstreymi sem er einmitt í dag.

Ytri Rangá er komin í 387 laxa og svo er Haffjarðará með 287 laxa. Elliðaárnar eru í sjötta sæti en þar hefur gengið vel og eru göngur í ána mjög góðar. Þetta er heilt yfir mikill viðsnúningur frá frekar löku sumri í fyrra í velflestum ánum með undantekningum þó. Blanda er ekki með nema 133 laxa sem er rosalega döpur veiði í þessari fornfrægu á og það virðist ekki vera mikil skýring á þessari lélegu veiði. Miðfjarðará er með 211 laxa og hefur maður nú verið vanur að sjá hana mun ofar á listanum á þessum árstíma. 

Það er þó ekki nein ástæða til að neinnar örvæntingar í án