Tilþrifin: Furious tryggir Breiðablik sinn fyrsta sigur

Breiðablik mætti Viðstöðu í seinasta leik þriðju umferðar Ljósleiðaradeildarinnar í gærkvöldi, en bæði lið voru án sigurst eftir fyrstu tvær umferðirnar.

Það var því mikið undir fyrir bæði lið, enda mikilvægt að koma sér á blað sem fyrst í mótinu til að falla ekki of langt aftur úr hinum liðunum. Bæði lið eru nýliðar í deildinni í ár, en Breiðablik vann fyrstu deild á seinasta tímabili á meðan liðsmenn Viðstöðu fengu sæti Kórdrengja.

Það voru að lokum liðsmenn Breiðabliks sem höfðu betur í gær, 16-9, en furious tryggði liðinu sigurinn þegar hann tók út klassy og aftengdi sprengjuna á seinustu stundu.