Enski boltinn

United íhugar að fá Choupo-Moting í staðinn fyrir Ronaldo

Ingvi Þór Sæmundsson skrifar
Eric Maxim Choupo-Moting fagnar marki sínu í 2-0 sigri Bayern München á Inter í Meistaradeild Evrópu.
Eric Maxim Choupo-Moting fagnar marki sínu í 2-0 sigri Bayern München á Inter í Meistaradeild Evrópu. getty/Alexander Hassenstein

Manchester United rennir hýru auga til Erics Maxim Choupo-Moting, framherja Bayern München, og telur hann geta komið í stað Cristianos Ronaldo.

Choupo-Moting hefur verið sjóðheitur eftir að hann kom inn í byrjunarlið Bayern. Í síðustu sex leikjum hefur hann skorað sjö mörk og lagt upp þrjú.

Samningur Kamerúnans við Bayern rennur út eftir tímabilið og hann gæti þá farið úr einu stórliði í annað því United hefur mikinn áhuga á honum.

Choupo-Moting gæti því fyllt skarð Ronaldos sem yfirgefur að öllum líkindum herbúðir United eftir tímabilið. Portúgalinn hefur ekki átt fast sæti í liði United í vetur og ku vera ósáttur með stöðu sína.

Choupo-Moting þekkir vel til á Englandi en hann lék með Stoke City tímabilið 2017-18. Hann náði litlum hæðum þar og Stoke féll niður í B-deildina.

Enski boltinn Þýski boltinn Deila Ronaldo og Manchester United

Mest lesið


Fleiri fréttir

Sjá meira


×

Mest lesið