Fermingargjafir sem endast

Til að auka endingu og líftíma sinna vara leitast Apple við að nota málma og gler frekar en plast í framleiðsluna. Í iPhone síma eru til að mynda notað endurunnið ál og stál og einnig eru endurnýttir sjaldgæfir málmar sem er dýrt að grafa eftir. MacBook Air fartölvur eru framleiddar úr 100% endurunnu áli og 90% endurunnu stáli til að lágmarka umhverfisspor þeirra. Apple sér einnig til þess að tækin fái hugbúnaðaruppfærslur til lengri tíma til að auka líftíma þeirra.

Svalir iPhone símar 

Allt innvols í iPhone 14 og iPhone 14 Plus hefur verið uppfært til að auka kælingu og auðvelda viðgerðir. Aukin kæling þýðir að símarnir endast lengur í tölvuleikjum og líftími rafhlöðunnar lengist til muna þar sem hitamyndun er minni.

iPhone 14 er með 6,1” OLED-skjá og fer vel í hendi. iPhone 14 Plus er með risastóran 6,7” OLED-skjá og rafhlöðu sem endist heillengi. Myndavélin var einnig uppfærð í báðum símunum svo þeir ná 2,5x betri myndum við léleg birtuskilyrði. Myndavélin er með Action-mode stillingu sem minnkar hristing þegar tekið er upp á hreyfingu.

MacBook Air M1 og M2 

Vinsælasta fartölva heims er einmitt MacBook Air og núna eru tvær útgáfur í boði: M1 og M2. MacBook Air eru léttar, nettar, hljóðlátar og öflugar fartölvur sem henta nemendum og bakpokum einstaklega vel. MacBook Air M1 er í klassísku útliti og frá hlið sést vel hve tölvan er þunn og létt. M1-flagan er hröð og sparneytin og tryggir allt að 18 klukkutíma rafhlöðuendingu.

MacBook Air M2 fartölvan er í glænýrri skel með mjúkum hornum sem er að finna víða í nýrri hönnunarlínu Apple, er með Magsafe-hleðslutengi, fáránlega þunn og kemur loksins í næstum-því-svörtum “Midnight” lit. Hún kemur einnig í silfur-, geimgráum- og gull-lit. M2-flagan hefur aukna breidd og er 40% hraðari en M1-flagan. Hún er líka með ProRes-stuðning sem stóreykur vinnslu myndabanda.

Hvað er tölva? 

iPad spjaldtölvurnar koma nú í mörgum stærðum og gerðum. Þær gera mörkin á milli spjaldtölvu og fartölvu nokkuð óljós, en hægt er að fá lyklaborð og mús fyrir iPad, iPad Air og iPad Pro. Venjulegi iPad kemur nú í tveimur útgáfum: iPad og iPad 10.9. iPad 10.9 er í nýju útliti sem færir vefmyndavélina á aðra langhliðina, bætir við nýjum spennandi litum, styður nýtt lyklaborð með mús og flýtitakkaröð efst. Allar iPad tölvur styðja Apple penna sem virkar töfrum líkast.

iPad með öflugum flögum frá Apple 

iPad Air og iPad Pro tölvurnar koma nú með M1 og M2-flögum sem má út mörkin milli spjald- og fartölva enn frekar. iPad Air er hagstæðasta tölvan með Apple Silicon flögu, styður lyklaborð með mús og kemur í fimm litum. iPad Pro eru hröðustu spjaldtölvur Apple með M2-flögum og koma í tveimur stærðum: 11” og 12,9”. Stærri iPad Pro er með litríkan og glæsilegan mini-LED skjá sem sýnir alveg svarta liti og HDR myndefni.

Breitt vistkerfi 

Apple vistkerfið er breið lína tækja sem öll tala saman og styrkja hvort annað. Tvö vinsælustu tækin fyrir utan iPhone eru klárlega AirPods og Apple Watch. AirPods eru alveg þráðlaus heyrnatól sem tengjast sjálf þegar þau fara inn í eyru, pása sjálf þegar þau fara úr eyrum og færa sig sjálf á milli Apple tækja þegar kveikt er á hljóði. AirPods Pro og AirPods Max eru með virka hljóðeinangrun til að útiloka óþarfa hávaða þannig þú fáir frið við nám eða störf.

Apple Watch - ekki bara klukkur 

Apple Watch snjallúrin eru pínulitlar tölvur sem passa á úlnliðinn og gera miklu meira en að segja þér hvernig tímanum líður. 

Apple Watch SE er hagstætt snjallúr sem býður upp á púlsmæli, íþróttaþjálfun, líkamsræktarkeppni, árekstrarskynjun, fallskynjun, vatnsvörn, talstöð og ýmislegt fleira með öppum. Apple Watch Series 8 er með allt þetta ásamt súrefnismettunarmæli, einföldu hjartalínuriti og hitamæli. Bæði úrin geta fengið farsímasamband og streymt tónlist á ferðinni.

Vörurnar fást í Epli Laugavegi 182, í Smáralind og á epli.is.