Vildi mömmu en sat uppi með pabba

Óhætt er að segja að soðið hafi upp úr í síðustu viðureign af Kökukasti þegar annað liðið brá á það ráð að kasta sykurpúðum í andstæðinga sína. Atvik sem átti eftir að hafa miklar afleiðingar.

Hér í spilaranum fyrir neðan má horfa á þáttinn í heild sinni.

„Þetta er vissulega comeback.“

Hugi Halldórsson er ekki óvanur því að vera fyrir framan myndavélina. Hér á árum áður gerði Hugi garðinn frægan í 70 mínútum þar sem hann kom fram undir nafninu Ofur-Hugi og reyndi fyrir sér í ýmiss konar áhættuatriðum. 

Síðan þá hefur hann lítið látið á sér bera á skjám landsmanna og einbeitt sér þess í stað að framleiðslu. Hann er meðal annars framleiðandinn á bakvið sjónvarpsefni á borð við Draumaseríurnar, Atvinnumennirnir okkar, Andri á flandri og fleira.

 „Þetta er vissulega comeback,“ segir Hugi sem kemur síðar í þættinum inn á að hann hafi heldur ekki verið fyrsta varaplan hjá syninum. „Amman komst ekki heldur svo hér er ég til þess að bjarga málunum.“

Þá heldur Hugi einnig úti vinsæla hlaðvarpsþætt­inum 70 mín­út­um ásamt athafnamanninum Sig­mari Vil­hjálms­syni þar sem á dögunum kom fram að Hugi og Ástrós Signýjardóttir héldu nú í sitthvora áttina.