Samkomulag í höfn og Mount fer til Man. Utd

Frá þessu greina meðal annars The Athletic og félagaskiptafréttamaðurinn Fabrizio Romano.

Kaupverðið nemur að öllu meðtöldu 60 milljónum punda, eða 10,3 milljörðum króna.

Mount hafði þegar náð samkomulagi við United um sín kaup og kjör og því er aðeins tímaspursmál hvenær hann verður kynntur til leiks á Old Trafford.

Romano segir að United hafi aldrei ætlað sér annað en að fá Mount og að ekki sé rétt að félagið hafi viljað fara í kapphlaupið um Moisés Caicedo, miðjumann Brighton.

Mount mun gangast undir læknisskoðun hjá United um helgina og samningur hans við félagið gildir til næstu fimm ára.