Martin orðaður við endur­komu til Alba Berlin

Samkvæmt frétt EuroHoops á Martin í viðræðum við Alba Berlin um að ganga í raðir félagsins frá Valencia. Í fréttinni kemur fram að kveikjan að viðræðunum hafi verið koma Kevin Pangos til spænska félagsins.

Martin lék með Alba Berlin við góðan orðstír á árunum 2018-20. Hann gekk svo til liðs við Valencia sumarið 2020 en hefur verið mikið meiddur síðan hann kom til Spánar.

Martin hefur aðeins leikið sjö leiki með Valencia á tímabilinu, þrjá í spænsku úrvalsdeildinni og fjóra í EuroLeague.