Mömmu þykir ekki vænna um Frið­rik Dór en Jón Ragnar

Friðrik Dór Jónsson er gestur Einars Bárðar í nýjasta þætti hans af Einmitt. Þeir félagarnir ræða hvernig Friðrik semur tónlistana og hvernig hann velur samstarfsaðila og viðfangsefnin. Lífið sem er ljúft alveg til enda og hvernig Friðrik vill sjá heiminn þegar hann skilur við.

Þá ræða þeir feril Friðriks, sem hefur verið einkar farsæll þrátt fyrir hæðir og lægðir alveg frá fyrsta laginu hans Hlið við hlið, að síðasta stóra verkefni Friðriks sem er popptilraunaverkefnið Iceguys.

Lögin á Mæður er persónulegri

„Lögin á Mæður eru lög sem fóru ekki á Dætur af því að þau voru of „fullorðin“ og pössuðu ekki alveg inn í hljóðheim Dætra. Lögin fjalla meðal annars um hvernig Friðrik óskar sér að skilja við og kveðja, þegar sá tími kemur. Þá er fjallað um ríkidæmið í okkar nánustu og samböndin okkar við þau.

„Platan átti fyrst að heita „Blóm fyrir mömmu“ en þegar ég er í göngutúrum með stelpunum mínum í Setbergshrauninu þá fara þeir oftar en ekki í það að tína blóm fyrir mömmu,” segir Friðrik.

Hann bætir því við að hann hafi hannað umslagið sjálfur sem er enn ein rósin í hnappagat Friðriks.

„En svo seinna í ferlinu fannst mér það bara passa að hún fengi nafnið Mæður.“

Tal þeirra Einars berst að lagi á plötunni sem heitir Að sumri til en sá texti er ansi persónulegur. Þar er Friðrik að tala um þegar hann kveður lífið, saddur og sæll lífdaga. Einar spyr hann út í þetta yrkisefni sem ekki margir popptónlistarmenn taki sér sem yrkisefni. Friðrik er fljótur til svars:

„Nei ekki af þessum hressu,” segir hann og hlær. Hann útskýrir svo aðdraganda og tilurð lagsins sem kviknaði þegar hann hafði spilað nokkrum sinnum með stuttu millibili í jarðaför hjá fólki sem kvatt. Það var honum umhugsunarefni sem svo birtist í þessu lagi.

Síðasta skipti breytti öllu

Í aðdraganda Söngvakeppninnar árið 2015 var Friðrik alls óviss um framtíð sína í tónlist. Hann og eiginkona hans Lísa höfðu eignast sitt fyrsta barn og framtíðarvæntingar hans til sjálfs síns voru að óræðar.

„Stop Wait Go-strákarnir höfðu verið beðnir að senda inn lag í keppnina og ég reyndar líka. Við ákváðum að slá saman í eitt lag sem varð „Síðasta skipti“ lagið var að mestu tilbúið en ég kom aðeins að textanum.”

Einar segist sjá nokkuð skýra umbreyting á ferli Friðriks í kjölfar úrslitana.

„Mesta blessun þessa lags og líklega mín var að það vann ekki,“ segir Friðrik.

„Þá er ekki hægt að valda þjóðinni neinum vonbrigðum,” skýtur Einar inn í reynslunni ríkari eftir að hafa sjálfur unnið Söngvakeppnina, ætlað að vinna Eurovision sem varð ekki.

Friðrik er sammála því. „Maður missir af því tækifæri” segir hann.

Friðrik segist hafa rætt þessa ákvörðun við sitt nánasta samstarfsfólk og Mána Pétursson umboðsmanninn sinn.

„Ég tók svo ákvörðun að fara í keppnina og um leið að fara bara „all in“ í hana og hleypa fólki nær mér. Sýna meira hver ég er og í framhaldinu tók ég líka ákvörðun um að syngja meira. Fyrri lögin mín eru meira flæði og rapp ef maður vill kalla það rapp. En lögin eftir það eru meira sönglög heldur en hitt.“

Máni er korter í sálfræðing

Talið berst að samstarfi Friðriks og Mána Péturssonar umboðsmanns Friðriks. Þeir hafa unnið saman í mjög langan tíma og átt farsælt samstarf.

„Samstarf okkar er miklu meira en bara einhver umboðsmaður. Máni er markþjálfi og sponsor hjá AA þannig að það er gott að hafa hann nálægt. Hann passar að hausinn á mér sé rétt skrúfaður á. 

Peppar mann þegar maður þarf á því að halda en gagnrýnir líka. Hann er korter í einhvern sálfræðing líka.”

Nýjasta ævintýri Friðriks Dórs og félaga hans í Ice Guys er að sjálfsögðu rætt einnig. Hvernig kom það til?

„Þetta snerist í alvörunni bara um; eigum við ekki bara að gera eitthvað fyndið, skemmtilegt, jákvætt og gaman? Af því að, eins og þú segir, það vantaði engan okkar neitt að gera.”

Friðrik Dór segir að hugmyndin sé upprunalega Jóns bróður hans og tekur líka af allan vafa um það að mömmu þeirra þyki ekki vænna um sig heldur en Jón bróður sinn. Það hefur hún ítrekað tekið fram á Facebook eftir að þættirnir komu út.

Samtal þeirra Einars og Friðriks má finna í heild sinni hér.