Konudagshugmyndir sem kosta ekki skildinginn

Konudagurinn er fyrsti dagur Góu og er á sunnudegi milli 18. og 25. febrúar og héldu því skiljanlega margir að dagurinn hafi verið liðna helgi. 

Ástæðuna fyrir þessum ruglingi má rekja til svokallaðs rímspillisárs sem er tilkomið vegna misræmis milli gamla misseristalsins og nýja tímatalsins sem við notum í dag. Rímspillisár verður þegar seinasti dagur ársins á undan er laugardagur og næsta ár á eftir er hlaupár. 

Að því tilefni ættu landsmenn að fagna þessum ruglingi og nýta tækifærið að gleðja konuna tvo sunnudaga í röð. 

Allir dagar eru konudagar sagði einhver.

Rómantískar hugmyndir fyrir konudaginn 

Blómvöndur, út að borða og dekur er skothelt og gleður hverja konu. Eftirfarandi hugmyndir ættu að einfalda valið fyrir daginn.

Miðpunktur athyglinnar

Láttu hana finna fyrir því að hún sé miðpunktur athyglinnar.

Ástarbréf

Skrifaðu ástinni hvað það er sem þú heillast að í fari hennar. Talaðu út frá hjartanu.

Útsofin og sæl

Leyfðu henni að sofa út.

Skínandi hreint heimili

Taktu heimilið í nefið, mundu eftir klósettinu og skiptu um á rúminu. 

Kaffi og dögurður

Útbúðu ljúffengan dögurð og færðu henni kaffi í rúmið.

Rómantísk kvöldstund

Leggðu fallega á borð, kveiktu á kertaljósum og matreiddu uppáhalds matinn hennar. 

Hreinn bíll 

Þrífðu bílinn hennar að innan og utan.

Afslöppun og dekurstund

Sendu konuna í heitt bað með kertaljósum og bjóddu henni upp að því loknu upp á notalegt nudd og ljúfa tónlist.

Einfalt en næs

Pantaðu uppáhalds skyndibitann hennar og horfið á mynd að hennar vali.

Komdu á óvart

Ef þú ert ekki heima sendu ástinni blóm, súkkulaði eða kynlífstæki.