Á vef Veðurstofunnar segir að það veðri áfram kalt í veðri, þriggja til átján stiga frost þar sem kaldast verður inn til landsins.
„Seint í kvöld þykknar upp vestanlands með lítilsháttar éljum og dregur úr frosti. Vestlæg átt á morgun, víða stinningsgola, og él. Frost 0 til 10 stig, en hiti 1 til 4 stig suðvestanlands.
Breytileg átt á föstudag og él eða snjókoma, en þurrt að kalla á Norðausturlandi,“ segir í hugleiðingum veðurfræðings á vef Veðurstofunnar.
Veðurhorfur á landinu næstu daga
Á fimmtudag: Norðvestlæg eða breytileg átt, 3-10 m/s og él, en bjart að mestu suðaustanlands. Frost 0 til 10 stig, en frostlaust suðvestantil.
Á föstudag: Breytileg átt, 3-10 og víða él eða snjókoma, en úrkomulítið um landið norðaustanvert. Hiti breytist lítið.
Á laugardag: Norðan 5-10 og lítilsháttar él, en léttir til sunnan heiða. Herðir á frosti.
Á sunnudag og mánudag: Norðlæg átt og él, en bjartviðri sunnantil. Frost 5 til 15 stig, kaldast inn til landsins.
Á þriðjudag: Útlit fyrir hæga breytilega átt og bjartviðri, en dálítil él á Norðausturlandi. Kalt í veðri.
