Suð­lægur vindur og væta sunnan- og vestan­til

Hin lægðin er á Grænlandshafi og minniháttar úrkomusvæði hennar fer norður yfir landið í dag.

Á vef Veðurstofunnar segir að vindur verði því suðlægur og má reikna með dálítilli vætu sunnan- og vestanlands, en lengst af þurru veðri á Norðausturlandi.

Hiti verður á bilinu núll til sjö stig og hlýjast syðst.

„Þriðja lægðin, lagt suður í hafi, nálgast í nótt og á morgun og bætir því í vind og rigningu sunnan- og vestantil og hlýnar heldur. Sú lægð hreyfist nærri landinu á miðvikudag og vindar því líklega breytilegir, en áfram úrkomusamt,“ segir í hugleiðingum veðurfræðings.

Veðurhorfur á landinu næstu daga

Á þriðjudag: Suðlæg átt, víða 8-15 m/s og talsverð rigning, en úrkomulítið á Austurlandi. Hiti 3 til 10 stig, en kólnar á Vestfjörðum um kvöldið.

Á miðvikudag: Sunnan og suðvestan 13-20 m/s og víða rigning, líkur á slyddu eða snjókomu á Vestfjörðum, en yfirleitt þurrt um landið norðaustanvert. Heldur kólnandi veður.

Á fimmtudag: Norðlæg eða breytileg átt, 5-13 m/s, él og vægt frost, en mildara og dálítil væta við suður- og austurströndina. Hvessir talsvert og snjóar um kvöldið.

Á föstudag: Gengur í allhvassa austan- og norðaustanátt með snjókomu, en hlýnar með slyddu eða rigningu við suðurströndina um kvöldið.

Á laugardag: Breytileg átt og rigning eða slydda með köflum, en snjókoma og vægt frost norðantil. Hlýnar heldur í bili.

Á sunnudag: Útlit fyrir norðaustanátt með éljum eða snjókomu og kólnadi veður.