Leitar enn að fal­legasta stað í heimi

Aníta Rós segir að sviðslistir séu henni í blóð bornar. Móðir hennar, Birna Björnsdóttir, er danshöfundur og eigandi Dansskóla Birnu Björns, og móðursystir hennar er leik- og söngkonan Selma Björnsdóttir.

„Í dag starfa ég sem dansari, danshöfundur, söngkona og flugfreyja. Ég elska fjölbreytnina sem fylgir öllum þessum störfum og finnst reynsla mín á ólíkum sviðum nýtast mér í þeim öllum. Ég er frekar ofvirk og á það til að taka of mikið að mér í einu, sem getur verið bæði kostur og galli í mínu fari,“ segir Aníta Rós.

Aníta tók eftirminnilega þátt í Söngvakeppninni í fyrra með með laginu Stingum af og komst í úrslit þar sem Hera Björk Þórhallsdóttir bar sigur úr býtum.

Sjá: VÆB og Aníta komust á­fram í Söngva­keppninni

Nýverið eignaðist Aníta sitt fyrsta barn, Hildi Lóu, sem er fjögurra mánaða, og segist hún njóta þess að vera í núinu með litlu fjölskyldunni sinni.

Aníta Rós sýnir lesendum Vísis hina hliðina þessa vikuna.

Fullt nafn? Anita Rós Þorsteinsdóttir

Aldur? 28 ára

Starf? Söngkona, dansari, danshöfundur og flugfreyja í orlofi.

Fjölskylduhagir? Bý með kærastanum mínum, Hermanni Árnasyni og dóttur okkar Hildi Lóu sem er fjögurra mánaða.

Lýstu sjálfri þér í þremur orðum: Hvatvís, fyndin og metnaðarfull.

Hvað er á döfinni? Ég er í fæðingarorlofi, er að læra að slaka á og njóta þess að vera í núinu. En ég er mjög virk og er alltaf með puttana í einhverju. Ég var að stofna fyrirtækið Uppklapp sem tekur að sér verkefni tengd dansi og sviðsframkomu, nóg um að vera þar!

Þín mesta gæfa í lífinu? Litla fjölskyldan mín.

Hvað sérðu þig eftir tíu ár? Vonandi búin að gefa út meiri tónlist, enn að brasa í sviðslistum og búin að ferðast meira. Eignast hús með fjölskyldunni minni, hamingjusöm og sátt.

Hvað viltu upplifa áður en þú deyrð? Sjá meira af heiminum.

Besta heilræði sem þú hefur fengið? 

Let them.

Hvað hefur mótað þig mest? Að vera elst í systkinahópi.

Hvað gerirðu til að endurhlaða batteríin? Horfi á gott sjónvarp, tek allt of langt facetime við vinkonu eða spila við Hermann.

Uppskrift að drauma sunnudegi? Sofa út, brunch, sund, stríla sig smá upp, út að borða og leikhús.

Uppáhalds staðurinn á heimilinu? Rúmið.

Fallegasti staður á landinu? Vestmannaeyjar.

En í heiminum? Ég á enn eftir að finna hann.

Hvað er það fyrsta sem þú gerir þú vaknar? Gef brjóst.

En það síðasta sem þú gerir áður en þú ferð að sofa? Hlusta á podcast.

Hugarðu að heilsunni, þá hvernig? Já, ég reyni að æfa reglulega og borða næringaríkan mat. Ég er í mömmuþjálfun og að byrja í fjarþjálfun hjá Salvöru Eyþórs vinkonu minni. Svo eru danstímar í DBB skemmtilegasta hreyfingin!

Hvað ætlaðir þú að verða þegar þú yrðir stór? Söngkona, dansari og leikkona. Fyrst var það samt hafmeyja og tannlæknir.

Hvenær fórstu að gráta síðast og af hverju? Örugglega yfir einhverju TikTok myndbandi.

Ertu A eða B týpa? B, klárlega.

Uppáhalds matur? Nautakjöt, sushi og tacos.

Hvað veitir þér innblástur? 

Metnaðarfullt og hvetjandi fólk.

Hvaða tungumál talarðu? Íslensku og ensku, gæti bjargað mér í pylsuvagni í Danmörku.

Býrðu yfir einhverjum leyndum hæfileikum? Nei, ég er of athyglissjúk til að halda þeim leyndum.

Hvaða ofurkröftum myndir þú vilja búa yfir? Væri til í að geta flogið.

Hvað stendur í síðustu FB-skilaboðunum sem þú sendir? *13 myndir af barninu mínu* Sorry, hún er bara fáránlega sæt.

Draumabíllinn þinn? Einhver gellu jeppi. Jeep mögulega.

Hælar eða strigaskór? Strigaskór, but we love a good boot.

Fyrsti kossinn? Örugglega eitthvað krúttlegt og vandró í grunnskóla.

Óttastu eitthvað? Asnalega margt. Impostor syndrome er óvinur minn. 

Eftir að ég varð mamma varð ég líka lífshræddari.

Hvað ertu að hámhorfa á? Klassík, Law and Order: SVU. Nýbúin með Vigdísi, brilljant stöff!

Hvaða lag kemur þér alltaf í gírinn? Back on 74 með Jungle.